Cf. la lettre précédente

LETTRES DE LOUIS XI. 33 f

riaux de la Chambre des comptes du temps de Louis II, fol. 52 v<>, et Bibl. nat., Fontanieu 130-131.)

De par le roy.

Nostre amé et féal cousin, vous sçavez qu'à nul qui sort de nostre royaume n'appartient se eslever ne mettre sus en armes sans notre exprès congié et licence. Et toutesfois puis nagueres avons sceu comme vous et autres vous estes eslevez en armes ez marches de par delà en faisant guerre à nostre ville du Puy* et à autres noz subgetz, et que avez empesché de lever noz deniers, dont nous sommes fort esmerveillez, car par cy devant toujours avons oy bon rapport de vous, et que bien et loyaument vous employez en noz affaires. Nous ne savons qui vous a meu à ce faire, car vous savez que telles voyes sont deffendues et qu'elles nous sont et doivent estre fort desplaisans. Et pour ce que desirons vous advertir de nostre vouloir à ce que y donniez prompte provision, vous mandons que incontinent ces lettres veues vueillez faire cesser ladicte guerre et voye de fait et souffrir lever noz deniers, en vous employant à noz affaires ainsy que en vous avons confiance, autrement nous y conviendroit pourvoir ainsy que en tel cas appartient. Et s'il y a aucune question entre vous et ceux de ladicte ville du Puy ou autres, faictes le nous remonstrer, et nous vous y ferons donner telle provision que vous et eux en devrez par raison estre contens. Donné à Paris, le x^jour d'octobre.

LOYS

ROLANT