‹ Lettres de Louis XI, roi de France, publiées d'après les originaux pour la Société de l'histoire de FranceChapitre 80 sur 185 · AU CONSEIL DE BARCELONE ET AUX DÉLÉGUÉS DE LA PROVINCE DE CATALOGNE · texte numérisé non relu

AU CONSEIL DE BARCELONE ET AUX DÉLÉGUÉS DE LA PROVINCE DE CATALOGNE

Orléans, 29 octobre 1466.

Encouragement à persister dans la résolution qu'ils ont prise de soutenir le droit du roi de Sicile à la seigneurie de Barcelone à rencontre du roi d'Aragon, dont le roi de France a rejeté l'alliance. — (Orig. Arch. mun. de Barcelone, p. p. F. Pasquier, Lettres de Louis XI relatives à sa politique en Catalogne de ikdi à W3. Foix, 1895, in-8o, p. 36, n» XI.)

Loys, par la grâce de Dieu roy de France. Très chiers et bons amis, nous avons esté advertiz comme vous, congnoissans le bon droit heredital qui compete et appartient à nostre très chier et très amè oncle le roy de Secille en la principaultè, conté et seigneurie de Barselonne et es autres seigneuries qui en dépendent, vous vous estes declairez de porter et soustenir son vray et loyal party, et le recevoir et [lui] obéir conmie à vostre prince et souverain seigneur^. Desquelles choses avons esté et sommes très joyeux et contens et vous en savons très bon gré, et, en tant que l'onneur et le bien de la maison de France..., de bon cueur vous en mercions, et soyez seurs que en VOS affaires, quand aucun besoing vous viendra et vous nous requerrez de quelque chose, nous aurons bien mémoire de ce que dit est, et vous en aurons en plus spécial recommandation.

Et au seurplus, pour vous declairer nostre vouloir

1. Cf. Galmette, Louû XI, Jean II et la Révolution catalane, p. 265 et suiv.

etentencion touchant ladite matière, après la declaracion que avons faictc du deppartement des aliances et confederacion que avions avec le roy Jehan d'Arragon, nous nous sommes concludz et délibérez, par mon ad vis et conseil, de porter et soutenir es choses susdictcs nostredict oncle le roy de Sicile, nostre beau cousin le duc de Galabre, son fils, leurs gens et tous ceux qui tiendront leur party, en toutes manières à nous possibles, et de leur donner tout Faide, confort et secours que bonnement faire pourrons, et ainsi Pavons mandé, signifié et publié par tous nos pays et seigneuries de pardelà, et, au plaisir de Dieu, en aurez brief congnoissance. Pour quoy vous prions bien affectueusement que vueillez tousjours demeurer et persister en vostre bon vouloir et propos, et faire pour nosdits oncle et cousin et ceux qui yront pardelà de par eulx, comme bons et loyaulx subjets doivent faire envers leur prince et souverain seigneur. Et en ce faisant, nous ferez bien agréable plaisir, et tenez pour certain que tous ceulx qui en ce les serviront, aideront et conforteront nous les tiendrons et repputerons nos especiaulx amis et comme s'ilz Tavoient fait pour nous mesmes; et ceulx qui feront le contraire et aideront et porteront ledit roy Jehan, nous les repputerons comme noz adversaires et ennemis, pour leur faire guerre et dommage en tout ce qu'il nous sera possible. Et de ce ne faictes aucun doupte, car ainsi l'avons conclud et délibéré de faire. Donné à Orléans, le xxix® jour d'octobre.

LOYS

A nos très chiers et bons amis les conseillers etcon-

seils de la cité de Barselonne et les depputez et conseil représentant le principat de Catheloingne.

Rta al rey, à xxvij de décembre MCCCC LXVIP,

MDCCCCLXXXVIl.

AUX HABITANTS DE BARCELONE (v.).

[Octobre 1466.]

Renonciation à l'alliance qui existait autrefois entre lui et le ro. d'Aragon et notification de celle qu'il a conclue avec' le roi^ de Sicile et le comte de Galabre. — (Orig. Arch. mun. de Barcelone, Gartas reaies, 1442-1454, fol. 197. Publ. par Galmette, Louis XI, Jean II et la révolution catalane, p. 272, n. 1.)

De par le roy.

Très chier[s] et grans amis, pour certaines justes et raisonnables causes qui nous ont meu et par grande et meure délibération de conseil, là où plusieurs des seigneurs de nostre sang et lignage et autres gens notables estoient, nous nous sommes deppartiz de Falyance et confédération que nous avions avec le roy Jehan d'Aragon^ et avons sur ce ordonné noz lettres patentes, lesquelles mandons estre publiées par noz pays et contez de Roussillon et de Sardaigne, et partout ailleurs en nostre royaume où il appartiendra, afïîn que de ce nul ne prétende cause d'ignorance. Et en oultre, pour ce que avons esté deuement informez du bon droit et querelle que nostre très cher et très

1. Style de Noël. Notre confrère M. Galmette a bien voulu collationner ce texte sur Toriginal.

2. Voy. Lecoy de la Marche, le Roi René, t. I, p. 369, et Galmette, op. laud., p. 271.

amé oncle le roy de Secille^ si a en la principaulté, conté et seigneurie de Barcelone et autres seigneuries qui en deppendent, nous nous sommes délibérez de le porter, aidier et soustenir en la matière et lui donner sur ce tout Taide, conseil, faveur et confort, et à beau cousin de Galabre-\ son filz, leurs gens et ceulx de leur party, qu'il nous sera possible. Desquelles choses vous advertissons, afïin que sachiez et congnoissez nostre vouloir et entention touchant ladite matière, et vous prions que, en faveur et contemplation de nous et pour la conservation du bon droit et tiltre de nosdiz oncle et cousin, vous vous vueillez employer en ce qui touchera à leurs biens, honneur et proufiBt, au recouvrement de leurs dites terres et seigneuries par toutes voyes et manières à vous possibles, et leur donnez en ce tout l'aide, conseil, faveur et confort que faire se pourra, et vous declairez pour nosdiz oncle et cousin touchant ladicte matière, et prandre leur party. En quoy prandrons très grand plaisir et le repputerons fait comme à nostre propre personne, et ceulx qui en ce secourront et aideront nosdiz oncle et cousin, nous les tiendrons et repputerons nos especiaulx amis, et, ceulx qui feront le contraire, noz adversaires et ennemis. Pourquoy de rechief vous prions bien acertes que vueillez faire en ces choses comme en vous en avons nostre especial confidence. Donné ^...

i . René d'Anjou, roi de Sicile.

Page 1