LETTRE XL

AU ROI

(Mai 1527.)

Monseigneur, l'honneur et bien que ce m'est de si souvent avoir de vos lectres tant estimées me fait redoubler l'aise que mon continuel mal jusques icy proumet '. Et quant aultre chose n'en viendroit que de vous en donner ung peu de contentement, si m'en tiens-je heureuse. Mais , Monseigneur , tout cecy tourne en ennuy, voyant la santé de madame qui ne peult porter ce qu'elle désire, qui est de vous aller voir. Car despuis mercredy elle s'est trouvée beaulcoup plus mal qu'elle n'avoit esté despuis qu'elle a coumencé à se lever; et pour s'estre esforcée de s'avancer plus qu'elle ne povoit, elle a retardé sa parfaite guerison , et encores à ce matin a eu grant vomissement et desgoustement, en sorte que les médecins doubtent qu'il y a quelque pierre, pour ce qu'elle n'a bougé de couchée despuis vostre parteraent, sinon ung jour ou deux, qu'elle alla jusques en la garderobe. Et quant tout est dist, je croy que le plus grant desplaisir que son mal luy fasse, c'est qu'il la garde d'estre auprès de vous. Mais voyant sa débilité et le temps qu'il fait, sans grant dangier il seroit impossible qu'elle partist.

' Elle commençait une grossesse.

Vous suppliant, Monseigneur, me perdoimer de si long propous; mais la fiance que vous avez en moy méfait penser que je vous ofFenseroys trop de vous en celer la vérité. Si Dieu luy donne aultre chose, je le vous manderay sur Theure, car jespère, si le temps s'adoulcist ou qu'elle fasse une pierre ' , que ce sera la guérison que, suivant vostre désir, désire

Vostre très humble et très obéissante subjectc et mignonne Marguerite.

[Ms. n''62.]

^■»."itv-»^-^ *,-».■» ^^%/^ Xr'«.'«k«/«/^v-^'wvv%^'^'^ »-^ w».-». »,■•

LETTRE XLl.

AU ROI

{Mai 1527.)

Monseigneur, le seul bien des deux qu'il vous a pieu me faire est si grant, que je ne sais coume assez très humblement vous en mercier ; car voir vostre lectre est pour vivifier ung esprist mortifié, et savoir la santé de Madame , dont le mal m'avoit esté celé % peult ressuciter ung cueur mort. Regardez donques ,

' II paraît que Louise de Savoie était sujette à ces crises : « Madame a été merveilleusement malade... elle fisthier une pierre grosse comme ung pois; despuis elle s'est toujours portée de mieulx en mieulx. » (T. I, lettres.)

' « Jamais femme ne feut en la peine où je suis, saichant la maladie de Madame avoir esté plus grande que l'on ne m'avoit escript ; et de ce que vous m'adverlissez de son amendement, je loue INostre Seigneur. » ( A MoNTMOREiscv, 2 avril iSay. ) — f ï. 1, lettre 47, P- '-^24.)

Monseigneur, quel restaurant il vous a pieu m'envoyer, et si j'ay puissance pour le vous rendre, et vous jugerez que, en défault de ma force, vous devez recevoir la connoissance de mon obligacion , liée avecques ung désir d'estre digne d'y sactifaire si grant , qu'il me semble que vostre bonté et amour, qui mieux le sent que je ne le puis dire, se contente de moy. Et en cete foy, non fondée en mérite, m'asseure de vostre bonne grâce , qui est la résistance que je treuve en tous les ennuys que peult avoir une femme grosse ', laquelle, Monseigneur, vous supplie tenir pour très humblement recommandé le Roy de Navarre et moy, et penser que de ce quy sera au savoir et pouvoir des deux serez servy d'affection et léaulté. Et n'a desplaisir que de l'impossibilité de mieux

Vostre très humble et très obéissante subjecte et mignonne Marguerite.

[Ms. n° 111.] ' Elle accoucha de Jeanne d'Albret, le 7 janvier i5'i8.

DE LA REINt: DE NAVARRE. 87