LETTRE LX

AU BOI

( ?Du Béarn, automne de lf>3(). )

Monseigneur, celuy qui vous présente cete lectre est tant obligé et tenu h vous , et moy avecques luy , tant pour le bien qu'il vous a pieu luy fere que pour la bonne voulonté qu'il vous plest luy monstrer, et le contentement que vous avez du désir qu'il a eu toute sa vie de vous fere service, que je say qu'il ne vous cellera riens , mais le saura trop mieux desclairer que ma lectre de tout ce que je vous voudrois ou pourrois escripre. Et vous l'avez trouvé si fidèle et affecsionné serviteur, que je suis seure que vous le croirez, dont je vous supplie très humblement; car pour l'avoir tousjours trouvé envers vostre service tel que je le desirois, et en mon endroit, coume vray fdz , je ne luy ay rien dissimulé. Il est vostre facture, et ne connoist tenir nul bien ny honneur que de vous, vostre bonté seule luy a esté père et mère et advocat envers

vous lîiesmes. Par qiioy, Monseigneur, je ne le vous puis aultrement recommander que de vous supplier parfaire vostre oeuvre, non pour luy, mais pour la sactifasion de vous , qui prenez plesir d'honorer ce que vous avez fait. Et en le tenant en vostre bonne grâce et luy coummandant travailler pour vostre service, je suis seure que vous en aurez contentement; car Dieu luy a fait ce bien d'ajouter à son désir, la diligence et l'entendement avecques la longue pratique de vous fere service. Et croyez. Monseigneur, que sitost que ma force l'endurera, je ne faudray de vous aller très humblement mercier des infignies grâces que vous faites au roy de Navarre , à sa fille et à moy. Et en vous recommandant ces trois , desquels Dieu vous a mis la seule et parfaite espérance, le va supplier vous donner bonne, longue et contente vie

Vostre très humble et très obéissante subjecte et mignonne Marguerite.

[ Ms. n° 74. ]