II

forte passion à soustenir, qu'elle fait taire loutes aultres que sans cete là treuverais importaibles ; car toutes mes pensées, désirs et affections sont davant Dieu si importuns, et tendans à cete seule fm, que de nul aultre propous ne luy puis faire oraison; le suppliant me donner l'effet du bien dont il me donne le pouvoir de si fort le prier ; ce que fermement en sa bonté infaillible espère

Vostre très humble et très obéissante subjecte et seur Marguerite.

[Ms. n" 18.] '.

LETTRE LXY.

( Avant septembre 1531.)

Monseigneur, l'honneur qu'il vous a pieu me fere de m'escripre par ce porteur, me gardera de craindre par luy vous ennuyer de cete lectre, qui ne sera, Monseigneur, que pour vous asseurer de la bonne santé de Madame, qui toutesfois n'est encores si forte que je la désire; mais l'envie qu'elle avoit de vous voir la fortifioit en sorte qu'elle estoit preste à partir, ce qu'elle dist attendre tant, qu'il vous plera le luy mander. Et en attendant, la joye qu'elle a de vostre bonne santé et prospérité de vos affaires la rent fort contente, espérant bientoust vous voir. Mais quant à moy, je vous supplie, Monseigneur, pour estre contrainte à demeu-

rer, n'avoir mains en \ostre bonne j^race, pour très humblement recoumandée

Vostre très humble et très obéissante subjecte et mignonne Marguerite.

[ Ms. n° 69. ]

LETTRE LXVL

AD ROI

( Avant septembre 1 63 1 . ) '

Monseigneur, l'eslongnement de vous me fait esperimenter le contraire de ceux qui sans amour cuident parler par raison ; car en lieu de diminuer ou appaiser l'afTeission, elle croist par désir de savoir de vos nouvelles. Et après avoir seu que vostre santé continue selon que tous les vostres le demandent , ce m'est une chose si plaisante, que le redire souvent me donne force contre toute la peine que je porte d'estre sans vous. Par quoy, Monseigneur, pour sactifaire à ma voulonté, qui sans cesser veult ouïr parler de vous, ay bien voulu fere à ce porteur le bien, qu'il estime à grant honneur, de l'envoyer devers vous pour vous advertir du coumancement de mon voyage et de l'espoir que j'ay, puis qu'il vous plest le me coumander, d'estre bientoust devers Madame; aussy. Monseigneur, afin qu'il vous plese par luy me faire entendre coume vous vous trouvez et Testât où sont vos affaires. Car vous savez bien. Monseigneur, que hors le bien que j'en puis recevoir, le demeurant de ce monde ne me peult estre

IJG LETTRES INÉDITES

que peine ; et coiinoys bien despuis que je suis partie de vous, qu'il n'est nulle pire prison que d'ung corps en liberté eslongnant les lieux où son cueur est aresté. Mais espérant vous fere service, prends peine de rompre ma pensée, en quoy m'ayde bien le bon estât où je voy vos affaires et les serviteurs affecsionnés que vous avez.

Ce porteur vous dira ce que M. d'Albanye ' escript à son lioume, qui est d'affecsion. Je mettray peine que tous ceux qui vous aiment connoistront que vous n'estes ingrat , car en toutes choses ne pensera que à vous servir

Vostre très humble et très obéissante subjecte et seur Marguerite.

[Ms. n" 105.] ; ■''■.' ■

LETTRE LXVIl.

AU ROI

(Avant septembre 1531.)

Monseigneur, je n'ay craint vous ennuyer de cete lectre pour vous advertir de la bonne santé de Madame, qu'elle n'a peu recouvrer despuis vostre partement jusques à cete après dignée, qu'elle a eu trois petits médecins qui luy ont fait oblier sa douleur; car

' Jean Stuart, petit-fils de Jacques II, roi d'Ecosse. II était né en France ( i48'^), fut gouverneur des pays d'Auvergne, Forez, Bourbonnais et Beaujolais, et mourut à Paris, en i555, sans enfants.

il n'est possible de faire millieiire chère qu'ils lui onl faite. Mais ils ne sont pas contens dont -vous estes party, car monseigneur d'Angoulesme ' a bien desliberé, si une fois il vous peult trouver, de jamais n'abandonner vostre main, et dist que, si vous allez à la chasse du sanglier, que vous le garderez bien d'estre blessé. Croyez, Monseigneur, que Madame n'a pas ouy tous ces propous sans pleurer bien à bon escient, qui luy a faitgrant bien, car l'on dist que

Qui pleure lermes par amour.

N'en sent jamais mal ny doulour.

Et sus ce propous, vous asseurant de leur bonne santé, "va supplier le Créateur bientoust parfaire la compaignie de vous et des deux, dont monseigneur d'Aire asseure qu'ils sont sains et bien traités, comme pourrez voir. Vous suppliant, Monseigneur, tenir en vostre bonne grâce tiès humblement recommandée selon sa foy

Vostre très humble et très obéissante subjecte et mignonne Marguerite.

[ Ms. n" 70. ]

' Charles, duc d'Angoulêmc, né en janvier i5t2, par conséquent alors fort jeune.