LETTRE LXXXVI

AU ROI

Monseigneur, je suis contrainte en despist de moy et contre mon désir et ma voulonté de vous fere la requeste du monde qui me desplest le plus; c'est qu'il vous pleze, Monseigneur, me douner congié pour si peu qu'il vous plera , d'aller avecques le roy de Navarre en Guyenne. Vous suppliant très humblement, Monseigneur, de croire que sans estremité d'affaires je

lie le voudroys demander; mais voyant lestât où ils sont, et que, sans y donner ordre, il est impossible qu'il vous puisse suivre coume il désire, le desplaisir que ce me seroit de voir la maison où pour vostre service vous m'avez mise, en telle sorte qu'il feust contraint de vous importuner, et que la faulte feust par moy, m'a ousté la crainte de vous demander cet ennuyeux congié, qui ne se peult escripre sans tel regret que peult sentir la plus obligée personne qui oncques fust à vous, perdant pour ung temps la plus désirée et estimée présence qui jamais ait esté veue. Et de tant plus je sens et connois le bien et l'honneur que ce m'est de l'avoir, de tant plus l'eslongner m'est imporlaible. Et n'estoit l'espérance de bientoust la recouvrer et de vous rendre le Roy de Navarre hors d' importun! té pour vous et de honte pour luy, je l'eusse très vouloiitiers lessé fere le voyage tout seul. Mais je say bien, Monseigneur, que je ne vous puis mieux plaire que de m'acquitter oùj'ay le devoir ; car tout l'honneur que je puis avoir tourne à vostre gloirC;, puur laquelle je désire plus garder mon honneur sans tache que pour la mienne propre. Vous suppliant très humblement. Monseigneur, vouloir ouïr ce porteur, par lequel vous connoistrez que je ne m'en vois pas si loing de vous sans assez d'occasions, auxquelles j'espère mettre si bonne fin, que vous aurez contentement du rapport et service de l'effet. Et pour la fin de ma très humble requeste, et pour le millieur et seul moyen de venir à fin de tous mes ennuis, je vous supplie que, selon ma foy, la part de vostre bonne grâce ne me soit jamais diminuée. A '

laquelle, n'en pouvant plus dire, se va tant et si très

humblement qu'il luy est possible recoumander

Vostre très humble et très obéissante subjecte

[Ms. no90.]