LETTRE CXXIX

AU ROI

(Nérac, — fin de novembre 1542. ) (Après la A'isite de François I" à Nérac '. )

Monseigneur, l'honneur que j'ay receu de vous voir en cete pouvre maison , et le regret de ne vous y avoir peu recueillir selon mon désir et deslibéracion, m'ont tant donné d'esbahissement , que , sans la joye de vous voir en telle santé que tous les vostres doivent désirer, je n'eusse sceu porter cet esclair d'ung si grant bien si mal receu. Et si l'amour qui a contrainte voslre bonté de faire une euvre si cheritable, ne se contente d'avoir trouvé une amour semblable en ceux qui ont eu tant de grâce de vous, je ne saurois faire escuse qui seult couvrir la faulte d'avoir receu ung si grant heur en si mauvais ordre. Mais, Monseigneur, il y a si longtemps que j'esperimente que vous ne cherchez des vostres que la fidèle et léale affecsion, et que nul ne vous peult honorer, mais vostre présence honore tous les lieux et personnes, que je m'areste, non à ma faulte quy ne vous peult nuire, mais à la très grande joye que j'ay receue de vous avoir veu et estre seure de

' Favyn dit que le Roi, revenant du camp de Béziers en grande compagnie, vint passer la fête de la Toussaint iS^i à Nérac, où il fut magnifujuement reçu par le roi et la reine de Navarre. {Ilist. de Navarre, p. 765.)

vostre bonne grâce, pour à laquelle le plus souvent que je puis me ramentevolr, envoie ce porteur, et aussy afin de savoir la continuacion de vostre bonne santé, en laquelle gist entièrement la mienne,* de quoy il vous rendra compte, s'il vous plest en savoir. Mais je ne me puis tenir que saine, heureuse et contente, puisqu'il vous plest tenir pour très humblement recoumandce en vostre bonne grâce

Vostre très humble et très obéissante subjecte et mignonne Marguerite.

[Ms. n» 62.]

LETTRE ex XX.

AU ROI

(? Juin — 1543.)

Monseigneur, la suflîsance de ce prince de Basque ' me fera remettre sus luy Testât où il m'a veue et touchée. Mais je ne veux faillir h vous dire que jamais homme ne se fistplus aimer au pais qu'il fait, nyn'eust moyen d'en tirer tant de gens qu'il a. Et si leur fait bien connoistre l'obéissance et révérence qu'ils vous doivent porter; ce que je ne vous doy celer.

Mais, Monseigneur, ce qui me contraint vous escripre, n'est point pour vous mander des nouvelles d'icy, car je suis seure que vostre lieutenant n'oublie à

' Le roi de Navarre.

224 LETTRES IMÉDITES

souvent vous en advertir; mais c'est que, par une lectre qu'il vous a pieu luy escripre, j'ay veu ce que l'Empereur et l'Anglois deslibèrent de faire, que je ne crains tant, estant seure que Dieu est de voslrecosté, couraeje fois; que vous allez en personne à voslre camp , combien que vous y servirez de vingt mille hommes. Mais le temps, le travail et les fasclieries que vous avez me donnent tantd'ennuy, que je n'ay bien que quant je suis par lectres de vos servicteurs asseurée de vostre bonne santé, avecques laquelle Dieu vous a donné tel cueur et telle prudence, que je m'asseure que vous raporterez heureuse victoire, pour laquelle j'escrips par tout ces pais, afin que les prières, tant publiques que secrettes, soioit continuées sans cesser; ce que tout le peuple fait de bon cueur, en despit de ceux qui ont fait ce qu'ils ont peu pour leur ouster ce cueur; lesquels se couramencent si bien à fere connoistre par plusieurs espies que nous avons , que l'on les gardera bien d'avoir le pouvoir qu'ils ont eu. Combien qu'il y en a qui sont bien soustenus ' ; mais puisqu'il vous plest vous en fier en nous, nous n'aurons regard h riens particulier, mais seulement à vostre service. Aussy, Monseigneur, saichant combien vous aimez ceux qui tousjours vous ont aimé, j'ay eu grant peur que la mort de M. l'admirai * vous ait donné de l'ennuy; vous suppliant. Monseigneur, ne de cela ny d'aultre chose qui puisse advenir ne vous fascher; car

■ Allusion à l'cvêque de Condoni cl à sa famille. " De Brion , mort au commencement de i543. Il eut pour successeur le maréchal d'Annebault.

nous, les nostres et nos vies ne soumes que pour servir la vostre et la conserver. Je ne vous recoumanderay point vostre chair et vostre sang, car vous congnoissez tant vostre bonne niepce, que je suis seure que vous ferez mieux pour elle que sa prière ne la mienne ne sauroit demander. Par quoy, Monseigneur, tout ce que je vous requiers et demande, c'est qu'il vous plese garder en toutes sortes vostre vie et santé; car vos ennemys sont si meschans, que, oultre la guerre apparente, ils ont mille invencions de nuire, et j'en say de tant estranges sortes, qu'il est incréable, coume vous saurez cy après. Et je supplie celuy qui est vivant en vous v desclairer tellement ses vertus, que tous vos ennemis soient mis où de bon cueur les désire

Vostre très humble et très obéissante subjecte et mignonne Marguerite.

[Ms. n" 78.]

lî

fc%,/^^^».'V'V%,-«/'*V'».'^^-v-vv'»'».^'».-V^-»^».'«.-^'w%.-».-w*^»-^».-»x'v-»r-w'%,->i'».»,-»,-».%.-».-V'».-^-v%."».-v*."v'v %.-».•% v-»'^