LETTRE CXXXVI

AU ROI

(Janvier 1644.)

Monseigneur, pour ce que tout ce que je vous pourrois escripre ne sauroit sactifaire à Tobligacion à laquelle en tant de sortes vous me reliez, j'iray moy mesmes vous en rendre les très humbles mercis ; mais ce sera avecques la millieure diligence qu'il me sera possible, coume j'ay prié le sieur de Desse vous dire, lequel m'a apporté le premier coumandement qu'il vous a pieu me fere de partir d'icy. Vous suppliant. Monseigneur, de croire que je n'attenday jamais le segond d'une chose que je désire tant. Et ne say à qui donner l'honneur de mon obéissance : ou à vostre coumandement, ou à l'envie que j'ay de vous voir; car si je veux obéir à l'ung jusques à y perdre la vie, je ne puis longuement contredire l'aultre sans mourir. Par quoy, Monseigneur, la pénitence en est telle que je ne vous demanderay point pardon de m.a longue demeure, car j'en suis la plus offensée; mais de la pitié qu'il vous a pieu en avoir, regardant plus à mon bien que à nul contentement que je vous seusse donner, vous m'avez rendue tant tenue à vous que, ayant prié ce seur messaiger de vous rendre conte de toute ma vie , et congnoissant combien je vous suis redevable , sinon d'amour (sic), je m'en voys jetter aux pieds de celuy dont il vous a pieu m'envoyer la tant belle et

bien faite figure ' que je ne suis digne d'ung tel présent. Lui suppliant par l'amour qui l'a fait mourir, que la grandeur de la mienne ' vous soit par tel service desclairée , que , coume luy content d'amour perpétuel, en vostre bonne grâce [soit retenue]

Vostre très humble et très obéissante subjecte et mignonne Marguerite.

[Ms. n»56.]

LETTRE CXXXVIL

AU ROI

(Du Béarn, février 1544.)

Monseigneur, il vous a pieu despescher Frotté avecques tant de biens et d'honneurs qu'il vous plest par luy m'envoyer, qu'il a eu crainte que, si tout à coup je les recevois , je ne les eusse sceu porter. Par quoy il m'a envoyé davant toutes les lettres que l'on luy a baillées, et l'espistre que tant s'en fault qu'elle soit la responce de la mienne trop indigne de vous ^, que je ne pense point que toutes celles qui jamais ont esté les mieux escriptes en seussent mériter une telle. Mais , à Ja semblance de celuy qui est vivant en vous , vostre triomphe et gloire, c'est d'honorer ce qu'il vous plest, et humilier la haultesse de vostre esprist où l'amour

' Le crucifix que le Roi lui avait envoyé pour ses étreunes. ( Voyez la lettre précédente.)

' De mon amour. Jmour est employé dans cette phrase avec les deux genres; on le trouve dans la lettre suivante au masculin : « amour ne pcult cstre receu que de son semblable. » C'était alors un néologisme.

^ Une épître en vers. (Voyez les deux lettres précédentes.)

vous incline, vous sactisfaisant vous mesmes en complaisant à vostre bonté qui ne peult estre prévenue de nul mérite. Ce que je connoys si bien en mon endroit, Monseigneur, que, de tant moins je me sens digne de tel bien, et plus je me resjouis de voir en vous ce qui desfault en moy, et mesmes que ma desfaulte est le lustre de vostre grâce et la desmonstracion de l'amour qui, non seulement me fait ignorer quelle je suis, mais me fait estimer estre ce que je désire. Car le millieur tesmoignaige que je puis avoir de la perfection que je souhaite, c'est de voir et sentir que vous m'amez; car vostre amour peult plus en moy que tout le labeur que je saurois prendre à me rendre capable du bien que librement vous me donnez sans nulle déserte , sinon de la pareille affection de laquelle je le reçoy. Car amour ne peult estre receu que de son semblable, et de cettuy là je prendray la hardiesse de recevoir le bien où tout le demeurant des forces qui sont en moy sont inutiles à le recevoir, congnoistre et encores mains lever. Amour doncques le reçoit pour moy et le mettra en mémoire perpétuelle, pour sans cesser vous en rendre très humbles mercis et suplications envers Dieu de parachever cete satisfacion pour moy en vous donnant heureuses victoires, proufi tables paix et parfait contentement, et à jamais tenir en vostre bonne grâce, à laquelle tant et si très humblement qu'il luy est possible se recommande

Voslre très humble et très obéissante subjecte et mignonne Marguerite.

[Ms. n" 5.]

LETTRE CXXXVIIL

AU ROI

( Du Béarn, février ou mars 1544,)

Monseigneur, si j'avois un pied au sépulcre, et que tous les médecins m'eussent jugée à mourir, je ressusciterois, ayant veu par la lettre qu'il vous a pieu m'escripre et entendu par la créance de ce porteur la mémoire qu'il vous plest avoir de nioy, avecques tant de bonnes paroles, que je ne les puis ramentevoir sans une joye acompaignée de lermes, ny satisfaire à très humblement vous en mercier. Car le bien , l'honneur et le contentement m'est si grant, que ma puissance et ma vie défaillent à le soustenir et à vous en rendre ce je vous doy et à quoy je demeure la plus redevable créature envers vous qui onques fust, veu qu'il vous plest fere en mon endroit tant d'office de roy, de maistre, de père et de frère et de vray amy , que je ne vous puis regarder en nul de ces visaiges que je ne me treuve estonnée de l'amour qu'il vous plaist me monstrer, si grande que, si Dieu tout puissant ne vous rend cete cberité, je me plaindrois de sa rigueur à sa bonté. Mais j'ay cete foy en luy que, puis qu'il a satisfait à Dieu son père pour moy , que aussy fera il envers vous, en vous donnant aultant de bien que je vous en désire et que je l'en prie incessamment, et aussy qu'il me donne force de vous aller moy mesme rendre grâces, qui est ce que je tiens en ce monde pour ma

félicité. Et croyez, Monseigneur, que pour l'amour de vous je m'efForceray plus que pour l'amour de ma "vie, afin d'obéir au plus heureux pour moy commandement que je puis recevoir. Mais en attendant, ayant retenu ce porteur jusques à ce que j'eusse la force de vous escripre cete lettre, je vous supplie, Monseigneur, le vouloir croire de ce qu'il vous dira de ma part ; car je ne luy ay riens celé , afin que vous salchez tout, et qu'il vous plese entendre que toutes choses sont si très bien par dessa , que vous en aurez service et contentement de l'entendre. Et quant à moy, n'ayez opinion, Monseigneur, que chose qui soit en ce monde me seust fascher, puisque je suis en vostre bonne grâce, laquelle a tant de force en mon cueur, qu'il ne daigneroit tenir conte des petites folies qui sont passées, sinon en ce qui touche vostre service; en quoy le roy de Navarre a tel soing que doit avoir vostre bon et loyal serviteur. Vous suppliant , Monseigneur, l'avoir tousjours en vostre bonne grâce pour très humblement recommandé, et avecques luy

Vostre très humble et très obéissante subjecte

et mignonne Marguerite.

[Ms. n" 7.]