A MON COUSIN, M. LE MARESCHAL DE MONTMORENCY

Mon cousin , ce porteur m'a tant faict de service qu'il faut que je m'en loue à vous, car il s'y est acquitté tant honnestement , qu'il n'est possible de mieulx. Je vous prie qu'il le congnoisse. Il s'en va devant, pour regarder à loger ma compaignie , et vous dira de mes nouvelles et le temps que je pourray estre là, qui, h mon advis, ne sera plus tost que mercredy matin, car je vous asseure que je me treuve bien lasse. Mais le désir d'estre là', fera que tout faix sera gracieux à

Vostre bonne cousine, Marguerite.

(De la main de la duchesse d'Alençon.)

J'ay receu vostre lettre par le courrier qui est arrivé avecques Figuerol, et sy je me trouvoys où vous dictes, ne faudray à faire ce que me mandés. Mais, à ce que

■ A Madrid

188 LETTFxES INÉDITES

j'entends , tanl de don Hugues ' quedudict Figuerol , il n'en est nulle question, car l'Empereur s'en va droit à Tolède. Je ne vous diray point la joyeque j'ay d'aprocher le Heu que j'ay tant désiré ; mais croyés que jamais je ne congneus que c'est d'ung frère que maintenant ; et n'eusse jamais pensé l'aimer tant !

[F. Béth., n° 85U, fol. 93. Dictée. ]