A MON COUSIN, M. LE MÂRESCHAL DE MONTMORENCY

(Avant 1526.)

Mou cousin, j'ay receu votre lettre et vons puis asseurer qu"il n'est possible à ceste conipaignie avoir nouvelles quy plus soit cause de joye que d'entendre le devoir que vous faictes , et comme vous exécutez la commission dont vous avez la charge. Et croyez que le Roy et Madame en ont tel contentement de vous, vovant la dilligence que vous faictes, que le vous déclarer vous seroit cause de trop grant gloire; par quoy n'en aurez davantaige pour ceste foys, fors l'asseurance de leur bonne santé , qui me semble assez d'occasion pour devoir redoubler votre aise avecques riieur de ce voyage, qui tant a satisfaict vos amys, que myeulx ne se peult demander à celluy duquel tout procède, que pour vous donner grâce de longuement contynuer,

Vostre bonne cousine, Marguerite.

[ F. Bélh., n° S549, fol. 5. Dictée. ]

Mon nepveu, j'ay failly par trois fois à trouver le Roy encores à ce matin, car je vous suis de sy près, que j'arrive tousjours de là où vous partes demye heure après; par quoy j'espère estre mardy où vous serés, et vous asseure qu'il ne ni'ennuira jamais tant d'avoir failly h ce que je desvoys dire au Roy'. Mais j'espère y retourner, quy sera cause de me faire haster, car sans cest affaire, que j'ay plus à cueur que pour moy mesmes , je m'en feusse allée à Loches l'attendre. Mais croies, mon nepveu, que en chose quy puisse toucher vous ou les vostres ne fauldray jamais, tant que la vie et tout ce que Dieu a mis en ma puissance pourra durer, car je vous proumets ma foy que je n'auray contentement que je ne voye ce que je désire, quy est vous et les vostres ensembles en tel honneur que je suis seure que a ous mérités plus que jamais fit servicteur du Roy. Et sur ce propous, vous recommandant mon mary, s'en va vous trouver le plus toust qu'il luy sera possible

Vostre bonne tante et vraye amye,

Marguerite.

[F. Bélh., n' 8549, fol. AU Auto.]

' C'est-à-dire de le solliciter en faveur de M. de Montmorency, comme la suite le fait assez voir.

Uyô. — AU MEME.

Mon nepveu, pour ce que ce porteur vous sçaura bien dire la cause pour laquelle le roy de Navarre l'envoyé devers vous, ne vous en feray longue lettre , mais bleu vous veux-je prier de penser que le roy de Navarre vous porte telle affecsion , que vous ne luy pourriez faire plus grant plaisir que de luy donner moyen de la desclairer, afin que chacun entende que ce qui vous louche lui touche, et ceux quy sont contre vous, sont contre luy. Et combien , mon nepveu , que ce ne soit riens ny chose digne d'en parler, veu que, Dieu mercy, vous estes en Testât où ils ne vous pourroient nuire, sy me semble-il qu'il est nécessaire de scavoir dont le tout est venu ; car je vous jurerois bien pour M. de Rodetz ', qu'il aimeroit mieulx mourir que d'avoir soulFert telle lettre en son paquet. Ceux qui ont faict ce bon tour et l'envoyer au roy de Navarre, en sauroient bien faire ung pire ; par quoy est besoing les desclairer tout hault meschans, car je ne puis penser que ce ne soit invencion d'amiral "", quy a tant de gens désespérés, qu'ils ne font que chercher quant ils ne pourroient nyer, au moins à brousler. Mais ils ont mal choisy de ce cousté , car je suis seure que vous ne doubterés point que M. de Rodez ne vous soit parfaict servicteur, et le roy de Navarre le meilleur amy que vous aurés

' Georges ilArinagiiac, évèquc do Pihodez.

' De Biioii, lival de ÎMontnioreucy dans la faveur du Roi?

DE LA REINE DE NAVARRE. 4o3

jamais, et s'il estoit aultrement, ne le vous voudrois asseurer; vous priant, mon nepveu, en user comme de vostre propre frère, et vous rendrcs la plus contente que pour celle heure sauroit estre

Vostre bonne tante, mère et amye, Marguerite.

[F. Bélh., n" 9127, fol. 7. Auto.]