A MADAME LA DUCHESSE

Madrid , le I & férrier ( I S26 ).

Madame , despuis la dernière lettre que je vous ay escripte par le maistrc d’ostel de M. le Vis-Roy , est retourné M. de Bryon de Toledo, de devers la Royne, où le Roy l’avoit envoyé. Et quand il partit, ledict seigneur n’avoit point escript à la Royne despuis qu’il avoit esté fiancé, pour ce que mon dict seigneur le Vis-Roy luy dist qu’il luy sembloit qu’il nu luy dcbvoit point escripre qu’il n’eust entendu de l’Empereur premier comme il la debvoit appeler. L’Empereur dist qu’elle estoit sa seu^, et qu’il la pouvoit bien appeler sa femme , puisqu’elle l’estoit. Âdonc ledict seigneur luy escripvit unes lettres qu’il envoya à M. de Brion, à Toledo, pour luy porter. Je vous en envoyé cy le double, aussy celluy de la responce que ladicte dame luy a faicte. Je l’escrips à Madame , que, s’il vous plaist, luy montrerez. Aussy luy escrips de quelque argent que ledict seigneur a affaire, qu’il iti’a commandé luy escripre si c’est son bon plaisir de commander luy en estre envoyé.

Madame , Turenne vous dira des nouvelles du Roy et de sa bonne santé, mais c’est si bonne, que, sur mon arme (vie), je ne luy saurois souhaiter myllicure. Et quant à luy, il dist que jamais il no s’est trouvé si parfaitement guéry qu’il est à ceste heure. Lundy dernier, il fut en sa litière à ^iostre Dame des Fourches, ouyr vespres et la remercier de sa bonne santé, et revint sur sa mule. Et en s’en retournant, trouva litières et dames dedans, et force peuple aussy aises de sa santé que je saurois estre. Et quand il fut des-

cendu, il me dist qu’il estoit si fort, qu’il courroit bien le cerf.

Le mardy suivant, fut ouir la messe chez la comtesse et disner, et n’en bougea jusques au souper. Et l’après disner, elle le mena dedans le monastère, où il vit toutes les religieuses, et en toucha des escrouelles plus de trente. Je croy, madame, qu’ils cuydoient tenir Dieu par les pyés que de le tenir léans ; et ne fut sans vous y souhaiter, comme la personne du monde qu’ils estiment plus en toutes choses. Ledict seigneur leur fist donner m. escus, et à un autres convens en ceste ville , à chacun l. escus.

Madame, l’Empereur ne sera icy Jusques à mardy, et seront ensemble luy et le Roy jusques au xii* de ce mois, que ledict seigneur partira pour s’en aller droit à Bayonne, et est bruit qu’il ne verra la Royne que à Burgues ( Burgos ) , en s’en allant. Je vous prometz , madame , que vous ferez fort grant plaisir au Roy de solliciter que les otages soyent au jour promys. Vous entendrez par le chifre que porte ce porteur tout le demeurant. Tant y a que je vous supplie estre seure que je vous mande la vraye vérité de la bonne santé et force du Roy, garny de bon apétit, bon dormyr, et vous prometz ma foy, madame, qu’il ne se pert une heure de temps à se prendre garde de tout à sa personne. Je vous laisse , madame , à penser la joye que ledict seigneur a de vous penser, madame, et vous veoir de bref. VoSlre petite noyre est tous les matins une heure en son lit , qui luy fet playsir ' .

Madame , je vous supplie tenir en vostre bonne grâce et

' Apparemment une petite chienne noire qu’en s'en allant la duchesse d’Alençon avait donnée à son frère ? Le portrait de la reine de Navarre, qui est à Versailles, la représente tenant un petit bichon noir.

de madame la personne de ce monde qui a plus grant envie de l'aire service au Roy, à elle et à Vous , et qui de mylleur cueur supplie à Nostre Seigneur vous vouloir longuement garder, et à la Un donner son benoist paradis.

Faict à Madrys , le xv* jour de févryer.

Vostre très humble et très obéissant serviteur et myllieur sujet , DELABAmiE.

[F. Bclh., B” 881Î, f»l. 9. Dictée. ]