A MON COUSIN, M. LE MARESCHAL DE MONTMORENCY

. Saiat-Gcrmaio-en-Laye, 31 mars ( 15. . ].

Mon cousin , pour ce que je suis seure que Babou vous advertit amplement de la maladie de Madame, qui luy survint hier à l’issue du sermon , par un grant desvoiement d'estomac et de gouttes , ne vous en feray longue lettre, espérant que Nostre Seigneur luy donnera ce qu’il sçait luy estre nécessaire pour sa santé; mais vous veuil bien advertir que M. d’Alençon vous a escript une lettre, pensant que feussiez encore

' M. de Montmorency fnt fait maréchal ilc France en avril i5a-r, < par 1a mort de monsieur de Chastillon, son beau-frère, » dit Brantôme.

icy , laquelle j’ay pensé ne estre besoing vous envoyer , pour ce que estes au chemin pour aller donner oi'dre aux maux exécrables dont il vous escripvoit , que font les adventuriers Je lui ai fait responce qu’il chasse si bien ceulx qui sont au pais là où il est, qu’il les vous envoyé au pais d’Anjou et du Mayne , pour les chastier en la manière que desjà avez bien commencé, ainsy que Madame a eu nouvelles, dont elle vous sçait merveilleusement bon gré; vous priant de ma part, mon cousin, que en faictes telle et si bonne exécution qu’il en soit mémoire pour l’advenir. En quoy faisant, ferez ung oeuvre fort plaisant et agréable à Nostre Seigneur, auquel je prie , mon cousin , vous avoir en sa saincte garde ; à Saint-Germain-en-Laye , le dernier jour de mars.

Vostre bonne cousine, Marguerite.

P. S. Madame m’a dist que je vous asseure qu’elle est guérye, et que demain ira au sermon où M. de Troyes * commence la Passion. Croyés que le Roy et elle sont si contens de vous, que je ne vous veux escripre les prepous qu’ils en ont tenus, de peur de vous mettre en gloire; mais je supplie celuy pour l’honneur duquel seul, je croy, avez si bien commencé , vous donner sa grâce de parachever, en sorte

* Compagnies de volontaires qui n^avaieot point de solde et commettaient des désordres excessifs. On fut obligé de les réduire à main armée.

* Guillaume Petit, qui ne tarda pas à être nomme au siège de Senlis.

DE LA REINE DE NAVARRE. 155

(que?) son yre soit appaisée, regardant la bonne justice que ferés.

[F. n*> 8567f fol. Dictée. P. S. aufo. ]