A MON COUSIN, M. LE MARESCHAL DE MONTMORENCY
De Saint-GermaiD-cn-Laye, 28 septembre (15. . ).
Mon cousin , j’ay veu ce que m’avez escript pour le fait de l’élection de Seniis', en quoy, par le rapport de messieurs de Sens et président de Rouen, avez si bien commencé vostre voyage, que , oultre le contentement que le Roy et Madame en ont de vous , j’ay ceste fiance que pour le service qu’avez fait au grant Roy, d’avoir esté cause deluy bailler ung tel serviteur*, il vous donnera la grâce de continuer à tel heur que aurez de plus en plus occasion de le louer. Vous me ferez au surplus plaisir de me faire souvent savoir de vos nouvelles ; je feray revanche de vous despartir de celles d’icy , qui jusques à maintenant sont très bien , et en la mesme sorte que à vostre partement les avez laissées; qui sera la fin pour ceste fois , priant Nostre Seigneur vous donner ce que plus désirez. De Sainct- Germain-en-Laye , xxviij* jour de septembre.
Vostre bonne cousine, Marguerite.
P. S. Mais la femme grosse ne l’est plus’.
[F. Béth., n* 85J4, fol. 53. Dictée. P. S. auto. ]
' LVlection de l’évcque de Senlis.
” Guillaume Petit, d'abord éveque de Troyes. Plus tard il défendit Marguerite, accusée d’hérésie par Noël Béda , au sujet du Miroir de l’âme pecheresse.
’ Je ne sais de qui Marguerite veut ici parler. Il y a apparence que c’est d’cllc'nicme. Elle n’eut point d’enfant du duc d’Alençon , mais pcut'Ctre y cut'il un commcncemcul de grossesse.
DE LA REINE DE NAVARRE
De Saioct-GermaiD en Laye, le 1 1* jour d'octobre.
Mon cousin, j’ay receu vos deux lettres, et par la dernière me reprochez que je ne suis femme de promesse et que ne vous ay point escript, ce que toustesfois vous promis à votre partement. Ein quoy fault que je vous die que vous errez, car je vous feis responce à ce que me mandastes de l’élection de Senlis et du contentement que le Roy et Madame en avoient de vous , et de l’espérance que j’avois que feriez heureux voyage , puisque le commencement y estoit sy bon ; et davantaige vous faisois sçavoir , sy l’avez oblié, que la femme grosse ne l’estoit plus. Despuis n’y a -eu nul changement, et est la compaignie au mesme estât que la laissastes, parquoy et que je voy que bien tost y serez de retour, ne vous en tiendray plus long propos , et feray fin en cest endroit, priant Nostre Seigneur, mon cousin , vous avoir en sa très saincte garde.
Vostre bonne cousine, Marguerite.
P. S. Vostre père n’oublie rien icy. Je vous prie que ne dormés pas avecqucs Mézières *, car l’on a belle envie de sçavoir sy vous avés riens faict.
[ F. Bôth., n** 8551, fol. 30. Dictée. P. 5. auro.]
* Mézières était un secrétaire ou un courrier. Marguerite écrit à M. de La Rochepot : « Vous ferez bien de lui faire écrire par « Mézières. »
Sainct-Germam^en-Laye, dernier jour de février (15.
Mon cousin, pour vous faire sçavoir des nouvelles de Madame , je vous advertis qu’elle a esté merveilleusement malade d’une forte colicque, accompaignée de beaucoup de foiblesses. Vous povez penser la paine et l’ennuy que ce nous a esté ! Elle fist hier une pierre grosse comme ung pois ; depuis , elle s’est tousjours portée de mieulx en mieulx , mais elle se treuve toutesfois fort foible encores. Madicte dame m’a dict qu’elle désire merveilleusement à vous voir en ce lieu, et que j’eusse à le vous mander.
M. de Villenc ’ m’a advertie que vous aviez quelque mal d’estomac; parquoy, mon cousin, vous en ferez ainsi que vostre santé le pourra porter, que je désire estre telle et si bonne qu’elle permette vostre venue en ceste compaignie. Cependant qu’il plaira à Nostre Seigneur la vous envoyer , je vous prie me souhaiter pour ouïr les bons sermons de vostre Evesque *, desquels je pense bien que ferez provision pour m’en faire part une fois.
Mon cousin, je prierai Nostre Seigneur en cest endroit vous donner l’heur et le bien que vous désire ( de
' Jean <lc Brinon, seigneur de ViUaincs, chancelier d'Alençon.
* De Scnlis , Guillaume Petit. Voyca ci-dessus, pages i54 et i56.
'"Digitiz^ bÿ‘C.>rin^L’
DE LA REINE DE NAVARRE
Sainct-Germain-en-Laye, ce dernier de fébvrier) celle qui est
Vostre bonne cousine etamye, Marguerite.
P. S. Je vous prie sus tout , gardés vostre santé et me mandés comme elle se porte , car vous savés bien cpie je l’estime comme la mienne propre.
Je seray, s’il vous plaist, recommandée à M. de Sanlis.
[ F. Béth., n*> 8SM, fui. 57. Dictée. P. S. auto. ]
