AU ROY, MON SOUVERAIN SEIGNEUR

Monseigneur, la lettre qu’il vous a pieu m’escripre et les bons propous que vous avés daigné tenir de moy au vis-comte de Lavedan me donnent tant de contentement, que je ne sçay comment assés très humblement je vous en puisse mereyer, ne prier le tout puissant le vous rendre par une longue et très heureuse vie; mais je vous confesse, Monseigneur, que je suis la plus obligée servaple que vous ayés à vous aymer , honorer et obéir ; car, oultre ce que je y suis tenue par nacture avant vostre naissance et par l’amour qu’il vous a pieu tousjoiirs me moiislrer, encores plus maintenant que je tiens de Dieu par vous, Mon-

seigneur, ia vie , la santé et le repous de mon esperit , dont vostre bonté se daignant soulcier de moy en est l’occasion. Par quoy, Monseigneur, je serois bien ingrate sy ce que par vous j’ay recouvert ‘ n’estoit de bon cueur employé pour vostre service, et ne me puis pardonner, ny au temps, qui m’a gardée de recevoir le bien que j’estimois trop grant honneur. Mais puisqu’il vous plaist que celle qui est moy mesmes * fasse cet office, je vous en rends grâces les plus humbles que je puis, espéi’ant, Monseigneur, que vous multiplierés tant cette belle lignée, que avant mourir j’auray le bien d’en élever quelque une , vous suppliant m’en garder la place. Et en attendant que moy mesmes vous en fasse la très humble prière , je vous supplie. Monseigneur, avoir, avecques le mary et la fille, pour très humblement recommandée en vostre bonne grâce

Vostre très humble et très obéissante subjecte et tante, Marguerite.

[F. Bélh., o° 8651, fol. 20. Auto.]