A M. LE CHANCELIER D'ALENÇON

De Rouuillon ',14 janvier (1526).

M. le chancelier^ j'ay esté bien aise d'avoir à mon retour d'Espaigne trouvé si seur porteur , pour par luy vous faire part de mes nouvelles , et comme je suis jusques à quatre ou cinq journées auprès de Madame cuydé demourer pour une cheuste que je feiz, où je m'esclatay la peau dessus le genou! de près d'ung empan. Mais cela s'en va gary ; ce n'est le pis de mondict voyaige , puisque Dieu ne m'a donné la grâce de l'exécuter selon mon désir; toutesfois je ne suis hors d'espérance qu'il fera mieulx que nous ne sçaurions penser. Je vous puis dire que j'ay eu affaire aux plus grans dissimuleurs et gens où il se treuve «nussy peu d'honneur qu'il est possible. Quelquefois bonne parole, mais incontinent après cela estoit changé; j'ay mis peyne par tous les moyens qu'il m'a esté possible (comme assez , à mon advis, vous l'entendez) de sercher la paix, amitié et alliance de l'Empereur pour venir à la délivrance du Roy, et n'ay espargné chose qui sepeust ou deust; et pour toutes les gravités dont l'on m'a usé, a esté de me refuser de demourer en sa

' Jean de Brinon. ( \oyez la lettre 56*. )

* Bourg du département de Flsère. Marguerite, dans une lettre précédente, a annoncé qu^elle séjournerait à Narbonnelejonr de ISoél seulement, et se rendrait tout de suite auprès de la Régente. On voit, par le post-scriptum , que Louise de Savoie était ù Roussillon ; elle était venue jusque-là au devant de sa fille.

coropaignie avecques troys femmes; et au temps xjue j'ay esté contraincte retourner , n'ay pu avoir allongement de mon saufconduit , sinon ung qui estoit seulement pour trouver occasion de me retenir en leur pays , jusques à la fin de la trefve , et après ne me laisser aller. Cela me contraignit de faire telle diligence^ que j'estois tous les jours^ ung mois durant^ à cheval le plus du temps à six heures du matin , et arrivoys à la nuict au logis. Dieu m'a si bien aydée, que contre leur intention je suis retournée sans aulcun destourbier.

Incontinent après mon partement^ ils commencèrent de rentrer en praticque^ comme avez peu entendre. Nous espérons tous les jours la conclusion qui se debvoit apporter par le mareschal de Montmorency, dont il y aura tantost ung moys que nous n'ouysmes nouvelles y quy met toute ceste compaignie en grant paine. Le tout est que je laissay le Roy faisant. Dieu mercy, très bonne chère % et commençant bien à se fortifier, ayant délibéracion de prendre toutes choses selon qu'il plairoit a Dieu les luy envoyer. Je vous promets que je Tay veu en telle extrémité de maladie et si bas, que je vous puis dire que tout le monde, fors moy seulement , estoit désespéré de sa vie. Nostre Seigneur luy a rendu sa santé et j'espère que aussy fera-il la liberté , dont de tout son cueur le supplie , et vous avoir en sa très saincte garde , de Rossillon , le xiiij* jour de janvier,

Vostre bonne mestraisse , Marguerite.

' l'rès-bien portant , ayant bonne mine.

(De la main de la duchesse. }

Je VOUS onze bien asseurer quej'ay trouvé icy Madame sy contente et satisfaite du bon service que vous faites^ qu'il n'est possible de plus. Et croyés que le Roy ne l'est moins , car il entend bien que l'amitié et parfaite alliance du Boy son bon frère ' et de luy , est la plus grant grâce que Dieu en sa tribulacion luy ait donnée, et sus quoy il fonde le seur moyen de sa liberté; et croy que si le roy d'Angleterre entendoit qaelle amour et obligacion il a engendrée au cueur du Roy, la sienne encores croistroit, car il dit que sy son corps est prisonnier de l'Empereur, que son cueur et tout ce qu'il a, l'est du roy d'Angleterre. Dieu Teuille que je les puisse bien toust voir ensemble, et vous doint ce que vous mérités comme vray et bon serviteur que je vous tiens.

[ Archives du royaume , Suppl. aa Trésor des Chartes , J. 961 . Dictée. ]

' Marguerite fait allusion au traité d'alliance entre Lonise de Savoie et Henri YIII , roi d'Angleterre , qui fut ménagé par Jean de Brinon. ( Voyez Rymbh Act., t. XTV, p. 1 18. }

1,ÏT»ÏS

mïMiBs

.»peUitdéii*»«-

jdBre^î"