AU ROY

(MoDtfriû% 1536.)

Monseigneur^ encores que ce ne soit à moy à louer une chose où mon estât me rent ignorante , si ne me puis-je garder de tous escripre que tous les capitaines m'ont asseurée n'avoir jamais veu camp si fort et si à propous que cestuy-cy. Une chose ne puis je ignorer, que c'est la plus nette place, fust-ce'uug cabinet', que je TÎs oncques , remplie des plus beaux hommes , en très grant nombre ; les millieurs visaiges, les millieurs propous monstrant l'envie qu'ils ont de vous faire service que l'on sçauroit souhaiter. Il est vray, monseigneur, que vous leur avés baillé ung chef ^ qui est tant digne d'estre vostre lieutenant, que je croy que en tout le monde n'en eussiés sceu trouver ung qui en toutes choses approche tant de vous que luy ; car parlant à luy, l'on oït vos propous, qui sont pour asseurer toutes les craintes dont ceulx qui contrefont les saiges veu-* lent user ; vous asseurant , monseigneur, que en pa-

' Marguerite alla visiter le camp d'Avignon. Dans la lettre suivante,^ elle rend compte au Roi de cette visite.

* Bourg du département du Gard, non loin de Nîmes. ^ Montmorency.

326 LETTRES INEDITES

rôles et en effects^ en estresme diligence et vigilance^ en doulceur envers ung chascun^ en prompte justice, en ordre, en pacience à escouter chascun , en prudence de conseil, il monstre bien qu'il est faict de vostre main et appris de tous seul , car de nul aultre ne peut il estre disciple ; car de toutes les vertus que Dieu vous a données, il en a pris si bonne part^ que vous . trouvères en toute chose vostre voulenté suivie. Ce que je vous dis n'est point de moy seule, mais après avoir parlé à tous les capitaines l'ung après l'autre, de* toutes les sortes et nacions que vous avés au camp , ils m'ont dit tout ce que je vous mande, et mille fois davantaige, luy portant une amour et une obéissance si grande, que encores entre eux n'y a eu nul débat, et sont ceulx qui de natures estoient contraires conune frères unis ensemble. Le comte Guillaume ' m'a dict que je vous escripve qu'il y a bien différence du purgatoire honteux d'Italie au paradis glorieux de ce camp, et m'a dict des faultes passées que j'ayme mieulx qu'il vous compte que moy, ear ils sont importables, principalement voyant , Dieu mercy, tout le contraire en cette armée, qui est telle que je ne voudroys pour tous les biens de ce monde ne l'avoir veue , car je l'estime tant , que je vous proumets ma foy, monseigneur, que sy l'Empereur feust venu quant je y estois, je n'en eusse point bougé, estant toute seure qu'il ne peult nuire à une telle compaignie. Au pis aller, je serois trop heureuse de mourir avecques tant de vertueuses personnes.

^ Guillaume de Fastemhcrg.

Je ne tous diray poîot Thonneor que m'a faict M. le grant maistre , lequel ne savoit riens de ma venue ^ ne nul de mes gens. Il m'a monstre tout yostre camp, avecques ces deux vieux pères , et ces jeunes princes y et si grant nombre de gens de bien ^ que jamais Pantasilée ' ne feut receue en tel honneur, lequel procède de TOUS à qui je le retourne. Sy suis-je seure que l'Empereur en tiendra deux jours conseil davantaige, pour deviner la cause qui m'y a fait aller, et si en feray là où je voys* bien mon prouffit et son dommaige.

Blonseigneur, je vins arsoir ' en ce lieu de Monfrin, où est la compaignie du roy de Navarre, que j'aye veue toute en bataille. Je ne vous diray rien des hommes d'armes , mais il y a peu de gens mieulx montés que les chevaux légiers. Vous vous contente^rés des Gascons ; et pleust à Dieu que l'Empereur s'essayast de passer le Rosne quant je suis icy I car avecques le secours que vous m'envoyriés (et sy n'en fault pas beaucoup ! ) j'entrepreudrois bien sus ma vie , toute femme que je suis , de le garder de passer, et n'y a nul' que vous quy me peust garder d'y estre, mais je croy qu'il ne l'entreprendra pas, ny aussy d'assaillir le

' Reine des Amazones, qui alla au siège de Troie. Pentasilëe était fort à la mode an xvi* siècle :

Arrière donc» royne Pantasilée, Maintenant est ta gloire annihilée.

( Marot. )

* Là OÙ je vais.

* Arsoir^ hier soir.

camp^ ny encores moins d'aller de Vostre coosté, <:ar Tostre demeure luy donne une merveilleuse crainte et grant faveur à vostre camp. Ce ne vous est petit honneur que ung de vos servicteurs arreste l'Empereur et le fait mourir de faim^ en sorte que si Dieu vous preste, comme il fait, sa main, je tiens la victoire ou la paix comme vous la sçauriës demander; et pensés , monseigneur, voyant vostre santé et vos affaires aller sy bien, en quel contentement et louange de Dieu s'en va priant continuellement pour vostre prospérité

Vostre très humble et très obéissante subjecte et mignonne , Marguerite.

[F. Béth., n» 8546, fol. 55. Auio. ]