ÉPISTRE DE MAROT

Une doulceur assise en belle face ,

Qui la beaulté des plus belles efface ;

D'un regard chaste où nliabite nul vice ;

D'un rond parler, sans fard , sans artifice ,

Si beau , si bon , que qui cent ans l'ourroit ,

Jà de cent ans fascher ne s'en pourroît ;

Ung vif esprit , ung sçavoir qui m'estonne ,

Et par sus tout, une grâce tant bonne,

Soit à se taire , ou soit en deTÎsant ,

Que je vouldroys estre assés souffisant

Pour en papier escripre son mérite

Ainsj qu'elle est dedans mon cueur escriplo«

Tous ces beaulx dons et mille da vanta ige

Sont en ung corps né de hault parentaige ,

Et de grandeur tant droicte et bien formée ,

Que faicte semble exprès pour estre aymée

D'hommes et dieux, ô que ne suis«>je prince,

A celle fin que l'auldace je prinsse

Te présenter mon service petit ,

Qui sur honneur fonde son appétit.

Mais pourquoy prince? Une montagne basse

Souvent la haulte en délice^ surpasse ;

Les rosiers bas , les petits oliviers ,

Délectent plus que ces grands chesnes fiers ,

Et à nager en eau basse l'on treuve

Moins de danger qu'en celle d'ung grand fleuve.

Aussy jadis déesses adourées

D'hommes mortels se sont énamourées :

Le jeune Atys feut aymç de Cybele ,

Endymion , de Diane la belle ;

Pour Adonis Vénus tant s'abaissa