AU ROY

Monseigneur, le bon visaige que j'ay trouvé à M. le Daulphin, la santé, la grâce et les propous me contraignent ne laisser pour le rapport que vous eu fera ce porteur, de vous asseurer que je ne le veis oncques en millieur estât, et me semble en si peu de temps y avoir trouvé si grant amendement, que j'espère et croy fermement que ce sera un segond vous mesme, qui est la perfecsion où tous ceulx qui vous aiment le désirent voir. Il me donna à souper, et ne tint pas à m'offrir son lict que je ne couchasse en sa chambre, et nous fit une chère si bonne, avecques façon et contenance tant honneste, qu'il semble en vostre absence vous vouloir contrefaire d'audace et de gracieuseté. Je prie Nostre Seigneur luy en donner la grâce, et à moy, Theur de pouvoir aultant mériter la vostre que vous m'avés donné de seureté d'y estre, sans nul mérite, sinon celuy que Dieu a le plus agréa-

DE LA RETNE DE NAVARRE. 4o5

ble, qui est le sacrifice du cueur, que jamais n'oustera

du feu de perpétuelle amour^ humilité et obéissance

Vostre très humble et très obéissante subjecte et seur^

Marguerite.

P. S. Monseigneur, je serois mauvaise hostesse% si je ne vous disois que le bien que vous avés fait à ce mesnaige est aussy bien employé qu'il est possible, tant du désir de vous faire service, que de la reconnoissance de vos bienfaicts, car sa maison n'a nom que la vostre, et m'y festie comme vostre concierge.

[ F. Béth., n» 8546, fol. 37. Auto. ]