AU MEME

Mon nepveu, quant Montpezat ' partit pour aller en Italie, il me pria de vouloir prendre avecques moy la fille de madamoyselle de Pryvoystat, qui est sœur de feu M. d'Aubijou, et demy seur de M. de Rodez % et eut lettres du Roy, par lesquelles luy estoit commandé la me amener, ce que ladicte damoyselle voulentiers accorda, et me la vouloit amener à Lyon. Mais pour ce que, comme vous sçavés, j'estois sur mon aller en Gascoigne , je luy escripvis qu'elle la me gardast jusques à ce que je feusse au pays , ce

■ Jean de Montpesat , surnommé Carbon , lieutenant du roi de Navarre. « Monstre faicte à Lymoges , le 1 1 mars i526 ( iSaj ) , de la coni- « pagnie du roy de Navarre.... Jehan de Montpezac, dict le capitaine '( Carbon, lieutenant. » (F. Béth., n° 8498, fol. iS.)

' Georges d'Armagnac , évêque de Rhodez, et plus tard cardinal.

qu'elle a faict si honnestemeiit que j'ay occasion de m'en contenter, ycu l'obëyssance qu'elle a portée au Roy. Vous savés , mon nepveu , les affaires qui ont esté depuis, en sorte que le peu de loysir que nous aTons eu m'a gardée de l'envoyer quérir, la tenant toutesfois mienne , puisqu'il avoit pieu au Roy me commander la prendre. Mais à ce qu'elle m'escrit et à vous aussy, vous voirés le tort que Montpezat luy a faict et à moy aussy, veu qu'elle estoit mienne. Vous savés que c'est que d'ung rapt contre la voulenté de mère et de fille. Si Montpezat n'a plus de faveur qu'il n'a eu déraison , l'on sait bien ce qu'il mérite; et quant à moy, qui pour l'amour de luy seulement l'avois acceptée, il m'a gardé si peu d'iionnesteté que s'il ne me remet la fille entre mes mains, il ne sera pas à fin de procès. Par quoy, mon nepveu, je m.'adresse à vous, vous priant avoir pitié d'une pauvre vefve ayant perdu deux fils au service du Roy, qui en luy obéyssant, ne sans donner aucune occasion, a esté spoliée de sa fille par force. Je laisse qu'elle est de bonne maison et bien apparentée, car si c'estoit la moindre femme du monde, si est le cas digne de recommandacion , comme ce porteur et son homme vous diront; priant Dieu, mon nepveu, vous donner aultant de bien que pour soy en sauroit désirer Vostre bonne tante et vraye amye, Marguerite.

[F. Béth., n» 8514, fol. 33. Auto.]