AU ROY

(Montfrin % 1536.)

Monseigneur, encores que ce ne soit à moy h louer une chose où mon estât me rent ignorante , si ne me puis-je garder de vous escripre que tous les capitaines m'ont asseurée n'avoir jamais veu camp si fort et si à propous que cestuy-cy. Une chose ne puis je ignorer, que c'est la plus nette place, fust-ce ung cabinet, que je vis oncques , remplie des plus beaux hommes, en très grant nombre ; les millieurs visaiges, les millicurs propous monstrant l'envie qu'ils ont de vous faire service que l'on sçauroit souhaiter. Il est vray, monseigneur, que vous leur avés baillé ung chef ^ qui est tant digne d'estre vostre lieutenant, que je croy que en tout le monde n'en eussiés sceu trouver ung qui en toutes choses approche tant de vous que luy; car parlant à luy, l'on oit vos propous, qui sont pour asseurer toutes les craintes dont ceulx qui contrefont les saiges veulent user ; vous asseurant , monseigneur, que en pa-

' Marguerite alla visiter le camp d'Avignon. Dans la lettre suivante, elle rend compte au Roi de cette visite.

' Bourg du département du Gard, non loin de INîmes. ' Montmorency.

rôles et en effects, en estresrae diligence et vigilance, en doulceur envers ung chascun, en prompte justice, en ordre, en pacience à escouter chascun , en prudence de conseil, il monstre bien qu'il est faict de vostre main et appris de vous seul, car de nul aultre ne peut il estre disciple ; car de toutes les vertus que Dieu vous a données, il en a pris si bonne part, que vous trouvères en toute chose vostre voulenté suivie. Ce que je vous dis n'est point de moy seule, mais après avoir parlé à tous les capitaines l'ung après l'autre, de toutes les sortes et nacions que vous avés au camp , ils m'ont dit tout ce que je vous mande, et mille fois davantaige, luy portant une amour et une obéissance si grande, que encores entre eux n'y a eu nul débat, et sont ceulx qui de natures estoient contraires comme frères unis ensemble. Le comte Guillaume ' m'a dict que je vous escripve qu'il y a bien différence du purgatoire honteux d'Italie au paradis glorieux de ce camp, et m'a dict des faultes passées que j'ayme mieulx qu'il vous compte que moy, car ils sont importables, principalement voyant, Dieu mercy, tout le contraire en cette armée, qui est telle que je ne voudroys pour tous les biens de ce monde ne l'avoir veue , car je l'estime tant , que je vous proumets ma foy, monseigneur, que sy l'Empereur feust venu quantje y estois, je n'en eusse point bougé, estant toute seure qu'il ne peuît nuire à une telle compaignie. Au pis aller, je serois trop heureuse de mourir avecques tant de vertueuses personnes.

' Guillaume de Fuslciii])crg,

Je ne vous diray point l'honneur que m'a faict M. le grant maistre, lequel ne savoit riens de ma venue, ne nul de mes gens. Il m'a monstre tout vostre camp, avecques ces deux vieux pères, et ces jeunes princes, et si grant nombre de gens de bien , que jamais Pantasilée ' ne feut receue en tel honneur, lequel procède de vous à qui je le retourne. Sy suis-je seure que l'Empereur en tiendra deux jours conseil davantaige, pour deviner la cause qui m'y a fait aller, et si en" feray là où je voys* bien mon prouffit et son dommaige.

Monseigneur, je vins arsoir ' en ce lieu de Monfrin , où est la compaignie du roy de Navarre , que j'aye veue toute en bataille. Je ne vous diray rien des hommes d'armes, mais il y a peu de gens mieulx montés que les chevaux légiers. Vous vous contenterés des Gascons; et pleust à Dieu que l'Empereur s'essayast de passer le Rosne quant je suis icy ! car avecques le secours que vous m'envoyriés (et sy n'en fault pas beaucoup! ) j'entreprendrois bien sus ma vie, toute femme que je suis , de le garder de passer, et n'y a nul que vous quy me peust garder d'y estre, mais je croy qu'il ne l'entreprendra pas, ny aussy d'assaillir le

' Reine des Amazones, qui alla au siège de Troie. Pentasilëc était foit à la mode au xvi* siècle

Arrière donc, royne Pautasilée , Maintenant est ta gloire annihilée.

(M.VROT.)

' Là où je vais.

^ Arsoir, hier soir.

camp, ny encores moins d'aller de vostre cousté, car vostre demeure luy donne une merveilleuse crainte et grant faveur à vostre camp. Ce ne vous est petit honneur que ung de vos servicteurs arreste l'Empereur et le fait mourir de faim, en sorte que si Dieu vous preste, comme il fait, sa main, je tiens la victoire ou la paix comme vous la sçauriés demander; et pensés , monseigneur, voyant vostre santé et vos affaires aller sy bien, en quel contentement et louange de Dieu s'en va priant continuellement pour vostre prospérité

Vostre très humble et très obéissante subjecte et mignonne, Marguerite,

[F. Béth., n» 8546, fol. 55. Auto. ]

Mon nepveu , je ne vous puis assés miercier de ce que par ce porteur nous avés envoyé visiter, et sy nous eussions pensé que le Roy feust encores tant en Avignon et vous aussy, nous n'en feussions point partis, ny ne ferons d'icy pour demain, vous priant, mon nepveu , me faire sçavoir s'il seroit pas bon que nous allassions attendre le Roy à Lyon , ce que je désire bien , mais je n'en feray que ce que vous nous en manderés.

Je sçay bien la paine où vous estes, dont je ne seray à mon aise que je ne saiche que vos gens soient

despartis. Mais quoy qu'il y ait, je vous requiers garder vostre santé, et ne \ous donnés tant de travail, et vous gardés d'aller veoir les malades, car ces ilux de ventre se pregnent comme peste, et vous pouvez estre seur que sy vous estes malade, je retourneray à vous.

Je suis merveilleusement aise du bon tour que a faict le roy d'Escosse ', et me semble qu'il est maintenant fort à propous pour monstrer à son oncle* son ingratitude. Il mérite bien d'estre le bien venu en ce royaulme , comme le Roy et vous le sçaurés bien faire, quy sera exemple à tous.

Mon nepveu , j'ay prié ce porteur passer par Sainct- PoP, et vous faire tenir des lettres que ce jourd'huy vous y ay escriptes en passant , afin que son rapport adjousté à ma lettre, vous congnoissés la vérité et donnés l'ordre à l'advenir. Et de peur de vous ennuyer de ce fascheux propous , je y feray fin , priant Dieu , mon nepveu , vous donner aussy

' Jacques V. «Sur le bruit qui courait que l'empereur allait engloutir la France , Jacques Y, se souvenant des anciennes alliances de sa nation avec nos Rois, embarqua seize mille hommes pour venir au secours de François P% sans en être prié. Le vent le rejeta trois fois sur les côtes de son pays ; il aborda enfin avec quelques vaisseaux à Dieppe , d'où il prit la poste pour aller trouver le Roi. Mais il le rencontra sur la route de Lyon à Paris. En reconnaissance d'un secours donné de si bonne grâce, le Roi ne put lui lefuser Madelaine, sa fille aînée , quoique ce prince fût déjà fiancé à une fille du duc de A/ endôme. M (Note de M. Auguis, OEuvres de Marot, t. II, p. 54g.)

^ Henri VIII.

' Ce doit être Saint-Paul en Languedoc, prèsd'Usez.

bonne vie et longue que la vous désire, comme mère à enfant,

Vostre bonne tante, mère et vraye amye,

Marguerite.

[ F. Béth., no 8550, fol. 45. Auto. ]