AU MÊME

(Fontainebleau, automne de 1537. )

Mon nepveu , de toutes les obligacions que j'ay à vous , je puis bien compter ceste cy du plaisir que vous m'avés faict de m'avoir asseurée de la bonne santé du Roy, dont je loue Dieu de tout mon cueur. J'avoys bien sceu par le prevoust de Paris qu'il avoit eu quelque mal à l'espaule, dont j'estois en grant paine, et m'avoit esté celée jusques à la venue dudict prevoust. Je ne pouvoys estre sans grant peur qu'il y eust pis, car ledict prevoust le me dist ainsy que j'estoys à disner, qu'il arriva; et me dist qu'il avoit tant d'affaires de par le Roy, qu'il ne me donna loysir de bien m'en enquéryr; ny despuis ne l'ay veu, car il est allé dehors. Mais je demouray en grant doubte dont votre lettre m'a du tout délivrée. Dieu me doint grâce de vous pouvoir lendre ung plaisir pareil , que j'estyme le plus grant quejesauroys avoir. Je luy escrips une lettre que je vous prie iuy vouloir présanter et luy dire que puis [que] ma fille est bien guérie, je la meneray lundi à Seuraine ou Saint-Clou pour changer l'air, et aussy pour me reposer du festoyement que j'ay faict aux Anglois, c{ue je remcctz n M. de Humyeres à vous

conter, quy s'aquite de sorte envers eux , que je ne vis jamais gens plus contens et du Roy et de ses serviteurs. S'il y avoit riens par dessà où je vous peusse faire ung bon service , vous fériés grant tort à l'espérience que vous avés de long temps sy vous n'y vouliés emploier

Vostre bonne tante et amye, Marguerite.

[ F. Béth., n" 8560, fol. 77. Auto. ]

(Du Bourg-1 a-Reine, décembre 1537 '. )

Mon nepveu, à ceste heure qui sont deux heures après mynuyt , j'ay sceu que ma fille est , Dieu mercy, bien amendée , et a perdu sa fiesvre et fort dyminué son flutz de ventre. Elle m'escript , comme vous voirez, ce que incontinent vous ay envoyé, car il me semble que vous avez tant participé en mon ennuy , que je vous ferois tort sy je ne vous departois de ma consolation , vous pryant dire au Roy que Nostre Seigneur n'a voulu priver ma fille de l'heur et du bien qu'il luy a préparé en sa pensée; car si elle n'eust eu nom que de mienne, la mort en eust voulu faire comme des

' Jeanne d'Albret fut très-malade au Plessis-lcz-Tours , où François P" la faisait élever loin de ses parents. (Voyez la Notice biographique, p. 65.)

Ch. de Sainte-Marthe (Or. /w/?.) dit expressément que lorsque la nouvelle de cette maladie arriva à Paris, on était aux jours les plus courts de l'année.

aultres ' ; mais la voyant esleue pour luy , elle n'a onze

toucher à ce qu'il luy plaist nommer ses enfants.

11 fault que je vous confesse que j'ay mené une vie despuis que je partis, qui me contraindra garder pour aujourd'hui la chambre , car la douleur que j'ay eue , m'a gardé de sentir mon mal et ma lasseté ; ce que je sens maintenant à bon escient. Vous priant que je saiche des nouvelles de la bonne santé du Roy, de la Royne et de Messieurs et Mesdames, et des vostres, car mais que tout soit bien , à cause de louer incessament Nostre Seigneur

Vostre bonne tante et amye, Marguerite.

[ F. Béth., n» 8649, fol. 29. Auto. ]

(Tours, janvier 1538.)

Mon nepveu , plus je voys en avant, et plus je connois la vraye amytié que me vous portés, car aux affaires sy grans et sy contraints où vous estes , vous avez mémoire de la personne de ce monde qui plus vous est tenue , me congnoissant tant obligée à vous du bon adverlissement que vous me faites, que si le pouvoir et le moyen estoit de faire aultant pour vous comme je le désire , vous seriez le plus heureux homme du monde; ce que. Dieu mercy, je vous tiens , veu les grâces qu'il vous fait, et au Roy età son royaulme, par

' Comme du prince Jean d'AIbrel, mort en bas âge, et des enfanis que le Roi avait perdus et que Marguerite appelait les siens.

vostre prudence , hardiesse et diligence , dont je recoy une sy grant joye que je n'en eus jamais de pareille. Je suis seure que \ous n'oubliés d'en donner la gloire à celuy dont tel heur vous vient, lequel j'en loue sans cesse de tout mon cueur.

Or, mon nepveu, pour le lieu là où vous estes, je ne vous ay voulu fascher de propous indignes d'aller si loin; mais afin que sy l'on trouve mauvais mon voyaige de Brelaigne, que vous veuilliés uzer de l'amour que je suis seure que vous me portés et en dire la vérité, je vous veux bien ramentevoir que quand le Roy partit de Fontainebleau , je luy demanday, voyant Testât ou estoit la Royne, s'il luy plaisoit que je demeurasse pour luy faire service tant qu'elle seroit malade. Il me dit qu'il le me commandoit. J'ay fait son commandement, et combien que ma fille par deux fois feust malade, je ne voulus demander mon congié, jusques à ce que la Royne feust toute necte de sa fiebvre, et , par le commandement du Roy, m'en vins voir ma fille, espérant y demeurer jusques à recevoir aultre commandement. Mais entendant l'estresme nécessité où ma sœur, madame de Rohan", estoit, et que sans moy , son mary, ses enfants et elle estoient en dangier d'estre les plus pouvres gentilshommes de France, (non par leur faulte , mais de trèsmauvais serviteurs) l'obligation que j'ay, quant à la nacture et quant à l'honneur, m'a contrainte laisser ma fille qui estoit guérie , pour aller guérir ma pou-

' Isabeau d'Albrel, belle-sœur de Marguerite.

vre sœur, laquelle j'ay amenée avecques deux femmes pour la nourrir avecques ma fille , jusques à ce que leur maison soit désendebtée , (qui doibt sessante mille francs, et plusieurs terres engaigées!) et sans moy le demeurant s'en alloit, où ils n'eussent sceu vivre. Mais quoy qu'il en soit , je n'ay demouré à aller et venir que le temps que j'eusse séjourné à Biais, auquel lieu je m'en voys ramener ma fille, quej'avois amenée par eau en ceste ville de Tours , afin en allant et venant la voir huit ou dix jours en tout. Je vous prie , mon nepveu , le vouloir faire entendre au Roy , et l'asseurer que sy j'eusse entendu qu'il luy eust pieu que je feusse demourée avecques la Royne, il sait bien que je n'ay affaire sy contraint que je n'eusse laissé, combien qu'il fault que je vous die que quant ils sont en bonne santé , je foys sy peu de service au Roy en la compaignie des dames, que luy ny nul ne se doibt appercevoir de mon absence. Je vous prie encores bien fort, afin que je ne faille par faulte de l'entendre, me mander sy l'intention du Roy est que je ne bouge d'avecques la Royne , car où il luy plaira , il congnoistra qu'il sera obéy de bon cueur.

Mon nepveu , j'espère que le bon effet que vous avés mis à fin ' nous appportera une bonne paix et la fera plus facile; par quoy je ne me puis garder de vous prier avoir le Roy de Navarre pour recommandé , cai' vous savez que tout l'espoir qu'il peult avoir de jamais recouvrer son royaulme est la faveur du Roy , soit

' la trêve de Leucate.

par paix ou par guerre avecques l'Empereur. Je sçay bien que ce n'est la raison que son affaire soit traitté avecques celluy du Roy ; mais vous sçavés que le Roy voulut bien que le chancelier d'AIençon y allast de la part du roy de Navarre. Seulement je croy que puisque vous en avés la charge, il ne l'accordera pas mains voulentiers , et si , me tiens seure que après avoir fait l'affaire du Roy, vous n'oubliercs de faire toute la faveur que vous pourrés à celuy que vous congnoissés aussy bien que moy quel amy y vous est , et sy par vostre moyen le pouvoir luy augmente de monstrer quelle afecsion il vous porte , vous ne vous repentirés d'avoir prochassé de l'honneur h ceulx desquels vous pouvés conter la maison la vostre mesmes; vous priant estre l'ayde, le conseil et l'appuy de celuy qui a en vous sa parfaite fiance et avecques luy Vostre bonne cousine et vraye amye, Marguerite.

P. S. Je vous prie voir ce que j'escrips au Roy, et, s'il vous semble bon , la luy bailler ou faire bailler, ou la brusler. Je remets tout à vous.

[F. Béth., n-i 8562, fol. 42. Auto. ]