Î57. — AU ROY, MON SOUVERAIN SEIGNEUR

Monseigneur, la lettre qu'il vous a pieu m'escripre et les bons propous que vous avés daigné tenir de moy au vis-comte de Lavedan me donnent tant de contentement, que je ne scay commentasses très humblement je vous en puisse mercyer, ne prier le tout puissant le vous rendre par une longue et très heureuse vie; mais je vous confesse, Monseigneur, que je suis la plus obligée servante que vous ayés à vous aymer , honorer et obéir ; car, oultre ce que je y suis tenue par nacture avant vostre naissance et par l'amour qu'il vous a pieu tousjoiirs me monstrer, encorcs plus maintenant que je lions de Dieu par vous, Mon-

seigneur, la vie, la santé et le repous de mon esperit, dont vostre bonté se daignant soulcier de moy en est l'occasion. Par qooy, Monseigneur, je serois bien ingrate sy ce que par vous j'ay recouvert ' n'estoit de bon cueur employé pour vostre service, et ne me puis pardonner, ny au temps, qui m'a gardée de recevoir le bien que j'estimois trop grant honneur. Mais puisqu'il vous plaist que celle qui est moy mesmes ' fasse cet office, je vous en rends grâces les plus humbles que je puis, espérant, Monseigneur, que vous multiplierés tant cette belle lignée, que avant mourir j'auray le bien d'en élever quelque une , vous suppliant m'en garder la place. Et en attendant que moy mesmes vous en fasse la très humble prière, je vous supplie, Monseigneur, avoir, avecques le mary et la fille, pour très humblement recommandée en vostre bonne grâce

Vostre très humble et très obéissante subjecte et tante, Marguerite.

[F. Béth., n° 8651, fol. 20. Auto.]

liSn. — A M. D'IZERNAY^

Pau, le 20 janvier ( 1548 ).

Monsieur d'Izernay , j'ay receu la lettre que de Fontainebleau le X® de ce mois m'avés escripte , par la-

■ Sa pension de princesse du sang qu'elle avait craint de perdre. * Sa fille, Jeanne d'Albret, qui vivait à la cour, d'où Marguerite s'était depuis longtemps éloignée.

' Il dirigeait la maison de Jeanne d'Albiet.

quelle j'ay veu ce qui a esté regardé pour la despence de ma fille , que me faictes entendre ne pouvoir estre plus petite qu'elle est, et que estant madicte fille à la suite de la Cour, ne sçauroit avoir moins d'officiers ({u'ellea ; ce que le roy de Navarre et moy avons trouve (comme nous avions cy devant faict, par le rapport de mon cousin M. le Viscomte', et ce que m'en a apporté par escript l'escuyer Pierre Gaultier) estre insupportable, et qu'il seroit impossible de la continuer longuement, pour n'avoir moyen de y satisfaire. Je sçay bien, M. d'Izernay, que vous vous y estes acquité (comme encore faictes) de sorte qu'il n'y a riens d'excessif; sy est-ce que sy l'on n'y a esgard et que on ne la veuille de quelque partie modérer, j'ay peur qu'il y ait confusion. Il n'y a personne qui m'ait faict trouver ceste despense estrange , pour ce que nul par deçà ne m'en a jamais parlé , ny ne m'en a esté escript de lieu du monde , sinon ce quy en a esté dict au roy de Navarre par mondict cousin, et ce que en apporté ledict escuyer; aussy que ledict seigneur m'a dict que estant par delà , il l'avoit trouvée merveilleusement grande, de quoy j'avois bien voulu vous advertir, comme encores je fais, vous priant, M. d'Izernay, y tenir la main, car je ne pourrois avoir la puissance de (avecques la charge que j'ay) la supporter. J'espère que M. de Longpont , que j'ay entendu estre par les chemins pour venir, me fera certaine de ce quy en est. Et pour ce que par M. de Gennes qui est icy vous en-

' Le vicomte de Lavedan, Gensane ou Gaston de Boni hou , ami fidèle du roi et de la reine de Navarre.

tendres bien au long de mes nouvelles , ne vous feray ceste lettre plus longue , que supplier le Créateur, M. d'Izernay , vous donner sa très saincte grâce.

Vostre bonne maîtresse, Marguerite'.

[F. Béth., n° 9127, fol. G7. Dictée.]