AU ROY, MON SOUVERAIN SEIGNEUR

Monseigneur, il vous a pieu me faire tant de bien et d'honneur de m'avoirescript par Beaufils, qu'il n'est en ma puissance de vous en savoir assés très humblement mercyer ; mais je prie Nostre Seigneur vous rendre le contentement que vous m'avés donné en ce que plus vous désirés.

Monseigneur, nous attendons d'heure à aultre à savoir la conclusion que prendra celuy que nous vous advons mandé par l'Estang, pour ce que je pense que ce sera le millieur service que nous vous avons fait icy. Je serois bien heureuse si Dieu me faisoit la grâce, pour la peine que ce m'a esté de perdre si longuement vostre vue, que à mon retour vous puissiés trouver agréable ce que nous avons fait par dessà , car nostre fin n'est que de vostre service. Et pource, Monseigneur, que ce porteur, médecin de M. le cardinal de Tournon, par lequel il a envoyé visiter sa seur, a veu tout ce quy est digne d'escripre de ce pays, et est plus suffisant pour vous en rendre compte que ma lettre, (car il y a des choses où il se congnoist mieux que moy, que je luy ay dictes et monstrées, ) s'il vous

plaist, après l'avoir ouy parler, commander quelque chouse, TOUS serés bien toust obéy; et encores sans commandement foys chercher ce que je treuve estrange par les montaignes pour vous en porter, car vous savés, Monseigneur, que le désir de faire chose qui vous soit agréable est le plus grant que puisse avoir

Vostre très humble et très obéissante subjectc et seur, Marguerite.

[F. Bclh., n" 8557, fol. 9. Auto. ]