A MON COUSIN, M. LE DUC D'ALBANYE

J'ay veu ce que vous m'avés mandé, qui merent tant oblygée à vous, que je me tiens malheureuse de n'avoir occasion de le vous rendre selon l'obligacion que je y ay. Mais quant Toccasion s'y donnera , vous connoistrés que aous n'avés point amc personnes ingrates. Je parle pour le mary comme pour moy, car je say qu'il n'y a homme au monde en qui il ait plus de fiance que en vous , et pour cette occasion a chargé ce porteur vous dire ung propos qui luy touche, vous priant le croire et nous y donner conseil et ayde, comme je suis seure que vous ferés, car je n'ay jamais eu peur que vostre amytié me faillist, mais ouy plus toust qu'elle fust trop grande. Si ne le pourroist elle estre tant qu'elle passast celle que h jamais vous veult porter

Vostre bonne cousine et vraye amye, Marguerite.

408 LETTRES INÉDITES, etc.

P . S. J'ay entendu que M. le cardinal vostre fièic demeure à Romme pour les affaires du Roy ; je vous prie, quant vous luy escriprés, luy faire mes recommendacions, et que aultantque je suis aise dont il faict service au Roy, aultant il me desplaist de son eslongnement.

[F. Dupuy, n° 486, fol. 104. Auto.]

Mon nepveu, là où va ce porteur, il me samble ma lettre estre inutille , sinon pour vous pryer vouloir prandre ceste paine que je sache comme le Roy ce porte, car je le lessé sy beau en si bonne santé que je ne foys que désirer d'en sçavoir la continuacion. S'il y avoit ysy riens digne de vous faire savoir, je ne fauldroys à vous en rompre la teste ; mes ne vous pouvant parler que de mesnage , ne vous ennuyray de long propous, vous aseurant, mon nepveu, que tout ce quy est yssy est sy bien h vostre commandement, que vous en pouvez asseurer comme du vostre, et de ceux quy tant sont obligés à vous. Dieu me doint la grâce que par espérience vous puissiés connoystre quelle aflTecsion monseigneur le mary, qui bien fort ce recomande à vous, vous porte.

Vostre bonne tante et amye, Marguerite.

I F. Bôlh., n" 85ii), loi. 05. Aulo.]