J^. — A MON COUSIN, M. LE MARESCHAL DE MONTMORENCY

Il y a sy long temps que nous n'avons eu que malades icy, que je n'eusse sceu escripre que mauvaises nouvelles, car M. d'Angoulesme ' a sy bien fait veiller Madame, que en sauvant son enfant, a cuidé perdre sa santé pour long temps; dont, bien que guérie, n'est encores fortifiée. Et puis, pour n'estre désadvouée de la maison, les ay voulu suivre; mais voyant que je n'ay point de grâce à faire la malade, ne m'en sens plus. Celuy quy donne les tribulacions pour uostre salut, n'a voulu longuement voir mon impacience, car c'est aux bons et vertueux que les paines sont données. C'est assés pour moy de servir les malades , sans donner la paine de moy à tant quy valent mieulx. Ce porteur, oultre ma lettre , vous en donnera seureté, et de tous les affaires de dessa, vousasseurant que vouslre maistre met bonne paine à vous secourir, et s'il luy estoit possible luy mesmes y estre en personne, c'est le plus grant désir que pour ceste

■ Charles, duc d'Angoulême, troisième fils duP.oi,né à Saint- Germain, le 2-2 janvier iSa-î ; mort aux environs d'Abbeville, le g septembre i545.

heure il faict. Je supplie le Dieu des batailles tellement y mettre sa main , que , à son honneur, celuy de ses ser\icteurs et leurs vies soient gardées. Vous ferés plaisir à Madame de souvent luy escripre, et plus que vous ne pensés, et croies

Vostre bonne cousine, Marguerite.

[F. Béth.,n° 9127, fol. il. Auto.]

ll>. — AU MEME.

Mon cousin , pourceque depuis le partem.ent d'Esgvilly Madame a esté si tourmentée de sa goutte que jamais ne luy ay veue pareille de longueur et de peu de repos, elle n'a peu veoir vostre lettre , car jusques à ceste heure qu'elle commence à reposer, elle a esté vingt-quatre heures en estremité de douleurs du pié gauche, après avoir enduré six jours celle du pié droit. Mais elle m'a commandé vous dire que vous luy faictes fort grant plaisir de souvent luy escripre, et qu'elle vous prie ne vous ennuyer de solliciter le Roy comme avez si bien commencé qu'il n'est possible de mieulx, pour le soulagement des gentilshommes et du peuple; en quoy, oultre le service du maislre et vostre debvoir, faictes chose dont le très grant maistre se contente. J'espère , veu le temps , que n'y ferez long séjour, à quoy elle taschera. Qui me fera finer ceste lettre, vous priant n'oblier ce que vous ay escript par deux aullres, ne sçay si les avez veues? Mais c'est pour ne dormir à ce que vOstre bon père a bien commencé ' , car

' Voyez lettre i5.

j'ay eu des lettres de M. de Jonvelle qui désire que vous alliez là huit jours pour espouser sa fille'. Je croy son vouloir bon , mais pour si long marché le terme d'amys est bien court. Priant Dieu qu'il vous doint tel conseil et vouloir qu'il sçait vous estre bon ; et plus n'en aurez, sinon que j'espère puisque Madame dort, que son mal ira tousjours en amendant, s'il plaist à celuy auquel vous recommande

Vostre bonne cousine, Marguerite.

[F. Béth,, n» 9127, fol. 29. Dictée. ]