AU MÊME

( De Tolède , octobre 1525.)

Mon cousin , quelque mine que l'on me fasse , si sont ils sy estonnés , que ne sçavent que dire! Je ne crains que la longueur; mais dites au Roy en luy présentant ma lettre, que je treuve leur estrangeté sy piteuse, qu'ilz me donnent bonne espérance. J'espère ce soir despescher devers luy pour l'advertir de la conclusion que nous avons prise, et sur cela attendre son bon plaisir; vous asseurant que si j'avois affaire à gens de bien et qui entendissent que c'est que d'honneur, je ne m'en soulcierois ; mais c'est le contraire. Chascun me dict qu'il aime le Koy, mais l'expérience en est petite. Le principal est de sa santé , puisque Dieu la luy donne bonne, je vous prie, ne craignes d'ung petit temporiser, car pour retourner à Madril devers luy et pour revenir icy, cela n'est riens, car j'espère que en ces dissimulacions ilz se raviseront. Croyés qu'il y a icy ung chancelier qui est d'étrange sorte '. Mais quoy qu'il en soit, leurs menaces et pa-

' Gattinara. « L'empereur conclut enfin le traité de Madrid, si ombreux à la France, que Gattinara, son chancelier, refusa généreusement de le sceller. Ce fut l'empereur qui, ayant pris froidement le^ sceaux, scella lui-même l'acte. » (Dreux du Uadii-h, IY, 44-)

rôles sont si foibles, qu'ilz me font plus espérer que craindre; et après avoir veu ce que j'ay veu, je treuve s'est empiré pire que je ne le pensois, non tant pour nous que pour eux. Vous lires au Roy ma lettre que je luy escrips, et ceste-cy, et l'asseurerés que samedy et dimanche que je n'ay rien faict, n'ay bougé des religions', car où les hommes faillent. Dieu l'à-point oblie.

Vostre bonne cousine, Marguerite,

[F. Béth., 110 8507, fol. 81. Auto.]