ÉPISTRE DE MAROT

Une doulceur assise en belle face ,

Qui la beaullé des plus belles efface ;

D'un regard chaste où n'habite nul vice;

D'un rond parler, sans fard , sans artifice.

Si beau , si bon , que qui cent ans l'ourroit ,

Jà de cent ans fascher ne s'en pourroit ;

Ung vif esprit , ung sçavoir qui m'estonne ,

Et par sus tout, une grâce tant bonne ,

Soit à se taire , ou soit en devisant ,

Que je vouldroys estre assés souflîsant

Pour en papier escripre son mérite

Ainsy qu'elle est dedans mon cueur escriple.

Tous ces beaulx dons et mille davantaige

Sont en ung corps né de hault parentaige ,

Et de grandeur tant droicte et bien formée.

Que faicte semble exprès pour estre aymée

D'hommes et dieux. O que ne suis-je prince ,

A celle fin que l'auldace je prinsse

Te présenter mon service petit ,

Qui sur honneur fonde son appétit.

Mais pourquoy prince? Une montagne basse

Souvent la haulte en délices surpasse ;

Les rosiers bas , les petits oliviers ,

Délectent plus que ces grands chesncs fiers ,

Et à nager en eau basse l'on treuve

Moins de danger qu'en celle d'ung grand fleuve.

Aussy jadis déesses adourées

D'hommes mortels se sont énamourées :

Le jeune Atys feut aymé de Cybele ,

Endymion , de Diane la belle ;

Pour Adonis Vénus tant s'abaissa