AU MEME

(2 décembre 1525.)

Mon cousin , ce porteur vous dira des nouvelles de mon diligent voyage, suivant ce que, par le commandement du Roy, m'avés escript ; à quoy, sy je puis , ne fauldray, en sorte que je pourray faire Nouël à Narbonne. Que ce soit sans desplaisir de l'eslongner ' sy hastiiVement et de sçavoir sy peu comme il se porte, je ne le dis pas, car vous pouvés bien penser que sans luy faire service, l'ennuy de l'avoir laissé et la paine des longues journées ne me sont de peu de travail. Toutesfois voyant que vous m'escripviés que je feisse toute diligence possible, et que bien toust me manderîés pourquoy % en ay faict ce que la compaignie que je mène en a peu porter, comme plus au long vous dira ce porteur , qui porte au Roy ce que à ce soir Cliasteauvieux m'a apporté de Madame, où j'espère qu'il voira chouse qui luy plaira. Elle a esté malade, mais vous pouvés asseurer le Roy qu'elle est du tout en très bonne santé, et vous asseure que à mon arrivée en ce lieu, n'estois sans paine, tant du

' De le quitter. Cette locution est familière à Marguerite.

' Charles V, averti qu'elle emportait l'abdication du Roi en faveur du Dauphin, méditait de la faire arrêter si , trop confiante, elle laissait expirer le terme du sauf-conduit avant d'avoir franchi la frontière. On voit par cette lettre que l'avis de cette trahison fut donné, non pas directement à Marguerite, mais à François I", qui le lui fil transmettre par Montmorency. J'ai dit, dans la vie de Marguerite, qu'on attribue ce bon office au connétable de Bourbon.

Roy (dont depuis la venue du Vis-Roy, don Hugues et Lalemant n'ay eu nouvelles) que de Madame, pensant mal des deux coustés. Mais Dieu m'en a soulagée de l'ung, le suppliant ainsy faire de l'aultre, car sans sça voir qu'ilz soient tous deux en bonne santé, la mienne ne pourroit aller loing sans tumber; par quoy, mon cousin, je vous prie que de vostre cousté je saiche comment vostre maistre se porte et les affaires, afin de, tout incontinent que j'en auray faict l'essay ', envoyer le tout h Madame. Priant Nostre Seigneur qu'il soit comme le désire

Vostre bonne cousine, Marguerite.

[F. Bélh., no 8507, fol. 83. Auto.]