AU MEME

Bovierque , le 5 décembre (1625 ).

Mon cousin , pourceque je ne sçay si ce porteur vous trouvera encores à Madrit, je vous escrips ceste lettre à l'aventure. Je l'envoyé là pour savoir des nouvelles du Roy et m'en rapporter ; et en attendant son retour, ne laisseray de m'advancer pour me mettre hors de ce pays dedens le temps de la tresve , dedens lequel espérant vous veoir ne vous fera pour ceste heure longue lettre, priant Dieu vous avoir en sa très sainte garde

( Marguerite , au lieu de signer ici , continue de sa main : )

Vous avés entendu tout ce que Brion a apporté; vous priant , sy encores vous estes là , attendre une bonne conclusion, afin que la pouvre mère, qui tant

en porte d'ennuy, en puisse estre consolée. J'escrlps à madame Elvire ', comme m'avés mandé, car vous sçavés que je ne doy ny ne veux penser que à ce quy touche le Roy et Madame. Mais j'entends bien (dont il me desplaist) que je ne suis digne de faire ny à Tung ny à l'autre service, sinon d'obéir à leur commandement selon lequel s'en va, à Bovierque, le v'' jour de décembre ,

Vostre bonne cousine Marguerite.

[F. Béth., n° 9127, fol. 33. Dictée.]