AU MEME

(Paris), le 11 may 1526.

La paix du Seigneur, qui surpasse toute volupté et que le monde ignore, soit donnée à vostre cueur si abondamment que nulle contrariété ne le puisse affliger.

Je remercie celuy qui de son propre mouvement et sans s'arrester à nos démérites donne la paix où il veult, pour les nouvelles que j'ay receues de vous, pour vostre vertu, et la persistance de la grâce divine en

DE LA REINE DE NAVARRE. 21:î

vous. Le désir que j'ay de vous voir s'est encore accru par ce que j'en entends. Mais, mon cher cousin , tous vos amis ont deslibéré que, pour quelque raison, il n'est pas temps encore que vous veniez icy. Mais dès que nous y aurons faict quelque chose , avec la grâce de Dieu, je mettray peine à le vous communiquer. Et si tost que le tout puissant nous aura faict la grâce d'accomplir ce qu'il nous a faict la grâce de commencer, vous serez consolé en ceste compaignie, en laquelle vous estes présent, quoique absent de corps. Et en attendant le plaisir espéré de nous voir l'un l'auitre où vous souhaitez , s'il y avoit chose en quoy je peusse vous tesmoigner mon amitié et dileccion , avec la fiance en celuy par qui tout est possible, je m'y employeray comme pour moy mesmes.

Je me recommande à vos bonnes prières.

Vostre bonne cousine, très inutile, en celuy qui est toutes choses , Marguerite.