AU MÊME

Saint-Gerniain-en-Laye, le 12 juin ( 1529?).

Mon nepveu, j'ay receu par ce porteur les lettres que m'avez escriptes, et vous asseure qu'elles m'ont donné beaucoup de plaisir de m'avoir donné seuretéde la bonne santé du Roy, dont sans elles j'eusse esté en double. Madame a esté très aise d'avoir sceu qu'il a prins des pilulles, car il luy sembloit que au partir de ce lieu, il avoit besoing de purgation. Pour vous advertir de Testât de Madame , elle se porte bien , Dieu mercy. Elle feut hyer disner aux Loges, dont elle s'est bien trouvée, et a fort bien reposé cesle nuit. Je continueray à vous escripre de sa disposition '. Je vous prie en récompence ne vous ennuyer de souvent nous asseurer de celle du Roy, et d'avoir le roy de Navarre et sa suite pour bien recommandée. Vous sçavez qu'il est en une compaignie qui ne l'espargnera au

' Santé.

jeu, sans le remède de vostre bon conseil. Sur ce, mon nepveu , je m'en voys ouïr messe , et prier Dieu qu'il vous doint le bien et l'heur que vous désire, à Saint- Germain- en -Lciye, le xii" jour de ping,

Vostre bonne tante et amye, Marguerite.

[F. Béth., n» 8620, fol. 14. Dictée. ]