Cf. n- 2i36 et *38a

dons affin que, icelles veues par nostre conseill, nous feissons sur ce roison auxd. abbé et couvent, qui de ce nous ont par pluseurs foiz très humblement suplié et requis. Savoir faisons que aujourduy en nostre conseill ont esté présentées, veues et examinées lesd. informacions et enquestes sur ce faictes, par lesquelles entre autres choses, pluseurs des tesmoinz dedanz contenus recordent avoir veu pescher à pluseurs des fermiers desd. abbé et convent en lad. rivière de Loyre, en l'endroit de ce que leur appartient de lad. isle de Redreczaill jucques à dix ou doze braces loign de terre, et sanz ce que les fermiers de noz escluzes dud. lieu de Thoairé y peschassent aucunement, ne gardassent les fermiers desd. abbé et convent de y pescher et prandre poisson, et autres desd. tesmoinz depousent avoir oy dire à leurs predicesseurs que ainsi se faisoit, et aussi que lesd. abbé et convent avoint eu anciennement molins sur challons en lad. rivière en l'endroit de lad. isle ; et mesmes ont esté veues en nostred. conseill, deux lettres qui par lesd. abbé et [convent] ont esté produites pour le bien de leur cause, Tune d'icelles datée ou moys de febvrier l'an de grâce mil deux cens quatre vignts et dix, laquelle contient en effect que lesd. abbé et convent bailloint à rente à certaines personnes une escluze o ses appartenances assiise auprès le Troessart, que Ton appelloit la Rougneuse, laquelle escluze estoit vulgaument appellée la Cornilliere, et un molin tenant à lad. escluze o toute la rote dud. molin, et tout ce qu'ilz avoint et povoint avoir en l'isle qui vulgaument est appellée l'isle de Redreczaill, pour la somme de trame 1. de rente ; et la seconde d'icelles lettres datée du xix e jour de mars l'an mil cccc dix neuff, laquelle contient que par composicion faicte entre lesd. abbé et convent d'une part, et certaines personnes qui detenoint une pièce de terre en laquelle avoit une meson siise en une isle appellée l'isle aux Moynes, en lad, parroaisse de S 1 Julien de Concelles, assez près des ravoiz de Thoairé, entre l'isle de Redreczaill d'une part et l'isle au sp de Montrelais d'autre, item deux levées de paulx pour pescherles joignant à celle isle au long d'icelle en loiée de la rivière de Loire, lesd. abbé et convent devoint recouvrer et recouvrèrent icelles choses, parmy ce que lesd. abbé et convent devoint poier aux parties adverses pour s'en désister, la somme de quarante 1., en les recompensant de lad. meson qui avoit esté faicte esd. héritages, et qu'ilz devoint demorer quictes de la mise du plet qui sur ce s'estoit ensuy entr'elx ; en laquelle lettre n'est faicte aucune mencion ne declaracion de molin. Attendu la teneur desquelles informacions et lettres, pour ce que par icelles est aucunement à suposer que lesd. abbé et convent ayent autresfoiz eu molins sur lad. rivière, combien que de rlgour les pourrions empescher de les faire, considéré qu'ilz ne apparoissent titre ne possession de ce, et aussi pour les préjudices et dommages que lesd. molins nous pourroint porter en pluseurs manières, nous, qui tousdis vouldrions augmenter et acroistre la fondacion dud. moustier, et mesmes pour participer ou service divin qui continuelment y est célébré et es bonnes prières et oraisons desd. abbé et convent, avons aujourduy... octrié... auxd. abbé et convent, pour elx et leurs successeurs, qu'ilz puissent faire faire et ediffier, avoir et tenir pour le temps avenir lesd. molins sur estappes en lad. rivière de Loyre, ou lieu que par nosd. commissaires après declerez leur sera merché et divisé, en l'endroit de ce que leur appartient de lad. isle de Redreczaill, au plus profitable pour elx et au moins endommageux pour nous que estre pourra; par ainsi que nous avons réservé à avoir et prandre et que lesd. abbé et convent et leursd. successeurs nous doyvent et sont tenuz poier..., à cause du droit que avions et povions avoir en l'emplacement desd. molins et du congié et octroy que leur avons donné et donnons par ces présentes de ediffier lesd. molins, la somme de quatre 1. de rente par chascun an au terme de la my aougst. Et pour mener et diviser auxd. abbé et convent le lieu où ilz feront ediffier leursd. molins en lad. rivière, et leur ordenner la forme de les faire faire sur estappes en manière qu'ilz

ne nous portent préjudice ne à nosd. escluzes et pescheries, ne aussi au passage des vesseaux qui montent et descendent par lad. rivière, par l'avisement des enageours et autres gens en ce se cognoissans, que voulons y astre appeliez, nous avons commis et commectons par ces présentes noz bien amez et feaulx conseillers Jehan Chauvin et Jehan Guerin, presidens de la chambre de noz comptes, maistre Robert Lepevrier, nostre aloué et prevost de Nantes, ou deux d'elx, ad ce appelle nostre procureur dud. lieu.... Et en oultre, pour ce que puis naguieres, par singulière devocion, nous avons fondé oud. benoist moustier de N. D. de Villeneuve, oultre les autres fondacions de nosd. predicesseurs et de nous, ung anniverssaire solempne à y estre dit et célébré pour nous et nosd. predicesseurs par chascun an durant nostre vie, au premier jour de juillet, à solempnité de vespres de mors qui doivent estre dictes à note le derroin jour de juign, et de vigilles et de trois messes à note qui semblablement doivent estre dictes led. premier jour de juillet, et, après nostre deceix, au semblable jour que nous irons de vie à trespas; pour la fondacion duquel anniverssaire avions assigné auxd. abbé et convent la somme de quatre 1. de rente sur la recepte de nostred. forest de Nantes, à en estre poiez par le receveur de lad. forest au jour dud. anniverssaire, nous, considerans que c'est nostre profit de descharger nostred. recepte desd. quatre 1. de rente, et aussi que lesd. abbé et convent seroint plus contens de s'en poier par leur main que qu'il leur convenseist faire mise ne poursuyte pour en avoir le poiexnent..., quitons et delessons par ces présentes auxd. abbé et convent et à leursd. successeurs, en les recompensant et pour descharge desd. quatre 1. que leur devons et avons assigné sur nostred. recepte, les autres quatre 1. qu'ilz nous devointet sont tenuz poier sur leursd. molins; à estre lesd. quatre 1. de rente assignées pour led. anniverssaire, poiées au prieur dud. convent comme elles seroint à nostre recepte ordinaire, affin qu'il les convertisse à l'augmentacion de la despense et au profit des religieux dud. convent qui ont et auront la charge de faire le service dud. anniverssaire Et en tesmoign de ce,

nous avons signé ces présentes de nostre main et fait seeller de nostre seel.

Ainsi signé, Par le duc, escript de sa main. — Par le duc, à la relacion de son conseill, ouquel : les eveBques de Rennes, de S 1 Malo et de Léon, l'archediacre de Rennes, Thebaud de la Claretiere, Jehan Chauvin, Jehan Garin et autres estoint. — Coaynon. »

Anoblissement de la tenue de Kerancloerec en faveur de Jean Gibon, secrétaire du duc.

Vidimus du n déc. 1486 (Ar. Morbihan, E).

A Rleux, 1436, 7 novembre. — t Jehan... A touz... salut. Comme à nous... appartienne franchir, etc. Et soit ainsi que nostre bien amé et féal secrétaire Jehan Gibon soit en pouvoir et volunté de édifier et faire maisons pour sa demourance, et faire métairie en une sienne tenue de héritage en la parroesse de Ploemelin, nommée et appellée Kerancloerec ; considerans les bons et agréables services que nostred. secrétaire nous a fait es temps passez...., avons franchy, ennobly, quicté et exempté... lad. tenue et les demourans en icelle à touzjours mes en perpétuel de touz fouages.,. Et mandons, etc. ; avecques faire rabat et descharge aux parroessiens de lad. parroesse, sur le nombre des feuz d'icelle, d'un feu entier ou par autant que les demourans en lad. tenue seront mis et esgaillez esd. fouagea dedans led. feu...

Ainsi signé, Par le duc, de sa main. — Par le duc, de son commandement. — D* Caxms. »

frère, la somme de deux mil 1. par an ; à en estre poié, savoir est de mil 1. par les quartiers de l'an, sur toutes noz receptes ordinaires, par le trésorier gênerai ou par l'un des receveurs particuliers d'icelles, et des autres mil 1., sur les aides, impostz, fouages et autres subsides, par le receveur gênerai ou par l'un des receveurs particuliers d'icelles finances ; à nous valoir, ce que sera poié desd. deux mil 1. de rente, acquit envers nostred. frère sur ce que sera et pourra estre trouvé au compte final d'entre nous, que lui devrons à cause des choses dessusd., oultre les poiemens qu'il a eu deparavant ces heures, à commencer nostred. ordennance au premier jour de ce présent moys. Et en ce que touche lesd. rachatz du Loroux Botereau et autres que dessus, qui nous compectent à cause de nostre principaulté, sanz le moien des pièces lui baillées, desquelx rachatz ne autres nous appartenans à cause de nostred. souveraineté, ne fut oncques nostre intencion lui faire transport ne baillée, jasoit ce que nostred. frère deist lesd. rachatz lui appartenir par la venu de ses lettres, Nous et noz successeurs ducs de Bretaigne en joirons et devons joir planierement, de Fassentement de nostred. frère qui s'en est depparti et est content, après que les choses lui ont esté par nostre conseill sur ce bien remonstrées. Et au regart desd. eaues et pescherles de Pillan, nostred. frère en joira paisiblement, non obstant les empeschemens sur ce lui donnez par nosd. officiers de Nantes, ausquelx en impousons sillence perpétuel, parmy ce que nostred. frère poiera et acquittera ausd. abbé et convent de Busay lesd. huyt 1. de rente et portera les autres charges qui deues sont à cause desd. choses par nous lui baillées, et aussi que il nous baillera ses contre lettres en fourme valable de tout Feffect et contenu en ces présentes lettres et en toutes les autres par nous lui baillées es causes dessusd. Si mandons et commandons très expressément à noz seneschal, alloué, procureur et receveur de Nantes, etc.

Par le duc. — Par le duc, de son commandement et en son conseil, presens : Vous, les evesques de Rennes, de S 1 Malo et de Léon, le grant maistre d'ostel, messire Pierres Eder, l'archediacre de Rennes et autres. — Coaynon. »

Anoblissement de Guillemet Briou.

Vtdimus du 3o janvier 1439 (Ar. L.-Inf., B, Anobl. et franchises).

A Redon, 1436, 4 décembre. — « Jehan... A touz... salut. Comme à nous... appartienne annoblir, etc. Savoir faisons que nous, suffisanment acertainez de Pestât et gouvernement de nostre subgit Guillemet Briou, demourant en la parroesse de Ploevara, soubz nostre juridicion du ressort de Gouellou, lequel nous a servy en noz guerres et assemblées generalles en bon et suffisant apparoill, aient bonne volume et faculté de corps et de biens de y persévérer de bien en mieulx, ainsi que de ce avons esté vallablement imfourmez, desirans, pour bonne exemple, exaucer en honnour et biens ceulx qui ainsi le font et augmenter la noblesse de nostre pals..., icelui Guillemet et son héritier masle extroit de luy, avons aujourduy...ennobliz,quictez,franchiz et exemptez... de touz fouaiges...; en voullant qu'ilz joyssent des previleges de noblesse ainsi que les autres nobles de nostre pays, pourveu qu'ilz vivent et se gouvernent honnestement et qu'ilz nous servent en armes toutesfoiz que mestier en sera, en noz guerres et assemblées, comme les autres nobles de nostrç duché ; en deschargent... un feu entier.... Si donnons en mandement à noz trésoriers etc. ; pour valloir en perpétuel. Et en tesmoign de ce, nous avons signé ces présentes de nostre main et fait seeller de nostre seel en laz de saye et cire vert.

Ainsi signé, Par le duc, escript de sa main. — Par le duc, de son commandement, presens : le conte de Laval, Vous, Pevesque de Rennes, le grant maistre d'ostel, l'abbé de Beau Heu, Jehan de Mesillac, maistre Raoul de la .Moussaye et plusseurs autres. — A. Phblipot. »

Mention dans un compte de Noëlle Mintier, receveur de Moncontour (Ar. Côtes-du-N., E 6a5, fo *5).

1436,8 décembre. — Lettres de sauf-répit et souffrance d'hommage pendant un an pour Jehan de Buat, fils mineur et principal héritier de feu Charles de Buat, et pour messire Mahé Levesque, ch er , son curateur, en quittant led. mineur du défaut d'hommage non fait de tout le temps passé.

Anoblissement du domaine de Ténières en faveur de Jean Lemoyne.

Vidimus du 5 mars 1437 (Collection de M. Arthur de la Borderie).

A Rieux, 1436, 9 décembre. — « Jehan... A tous... salut. Receu ayons la supplicacion et requeste de nostre subgit Jehan Lemoyne, de la baronnye de Vitré, expousant corne ainsi soit que puis deux ans derroins il ait acquis, par conctrat heritel, de Pierres de Tesnieres, un lieu et demayne nomé et vulgaument appelle Tesnieres, siis en la parroesse de Torcé en lad. baronnie, lequel lieu est noble et tenu noblement à foy de nostre très chiere et très amée cousine et fealle la contesse de Laval, damme dud. lieu de Vitré, et a acoustumé d'ancienneté estre reiglé et gouverné noblement, sans ce que les metaiers et demourans aient esté impousez es temps passez paravent led. acquest en aucuns foaiges, tailles ne subsides, ne aussi contrains à faire le guet de nuyt ne autres servitudes à la ville de Vitré ; Et que ce neantmoins, aucuns des parroaissiens de lad. parroesse de Torcé, sans avoir esgart à la noblece et exempcion dud. lieu, ont de nouvel impousé les metaiers qui y demeurent de par led. Lemoyne, en aucuns fouaiges par nous ordrennez en nostre pals, et les veulent contraindre à en faire le poiement, combien que par la refformacion générale qui fut faicte des feuz d'icelle parroesse, led. lieu fut rapporté corne noble et il ne fut mis ne compté en charge ausd. parroessiens ; et à cause de ce, et sur le débat qui s'est ensuy entr'elx pour le fait de la contribucion desd. fouages, ilz sont en proceix par la court de Vitré ; quelle chose est au très grant grieff, préjudice et domage dud. Lemoyne, et plus seroit si led. proceix estoit conduit et qu'il convenseist que sond. lieu de Tesnieres, qui d'anciennetté a esté gouverné noblement, fut tributoire ausd. foaiges et subcides, en nous humblement suppliant iceluy Lemoyne qu'il nous plaise, de nostre grâce, vouloir et consantir qu'il et les metaiers demourans en sond. lieu usent et joissent des previlleges, franchises et exempeions de noblesce, ainsi que l'ont fait celx qui y ont demouré ou temps passé, et sur tout ce lui pourvoir de nostre convenable remède. Pour ce est il que nous, considérant que à cause dud. lieu lesd. parroaissiens de Torcé n'ont aucune charge et qu'il n'est point compté ne comprins ou numbre de leurs feuz ; par quoy, s'il estoit decleré que les demourans en icelui deussent contribuer ausd. fouages et subcides pour estre led. lieu venu en main partable, le numbre des feuz de lad. parroesse devroit en tant estre acreu et redonder i nostre proffit, et mesmes veu que led. Lemoyne est astraint, à cause de la noblesce de sond. lieu, de nous servir en armes

quant le cas le requiert, sur paine de l'amission du fié, par quoy de bonne raison nous ne devrions pas souffrir qu'il eust sur sond. lieu doux charges telles et si greveuses, et desirahs tousjours l'antretenement et augmentacion des lieux et fiez nobles de nostre pals, pour le bien et honneur de la chose publique d'icelui..., octrions à icelui Jehan Lemoyne, pour lui et ses successeurs, que il et sesd. successeurs et les metaiers demourans aud. lieu de Tesnieres soint doresenavant francs, quictes et examps de touz foages, tailles, subcides et subvencions quelconques, parmy ce que led. Lemoyne et sesd. successeurs seront tenuz nous servir ou faire servir en fait d'armes corne de lieu noble quant le cas le requerra, ainsi que noz autres subgiz qui tiennent lieux nobles en nostre pals. Si donnons en mandement à noz seneschal, alloué et procureur de Rennes, etc.

Ainsi signé, Par le duc, escript de sa main. — Par le duc, de son commandement, presens : Pevesque de Rennes, l'abbé de Beaulieu, Yvon de Rosserf, maistre Raoul de la Moussaye et plusieurs autres. — Coaynon. »

Anoblissement du domaine du Randren en faveur de Colin Ruellen.

Vidimus du 26 janvier 1437 (Ar. L.-Inf., B, Anobl. et franchises).

A Redon, 1436, 23 décembre. — « Jehan... A touz... salut. Comme à nous... appartienne ennoblir, etc. Savoir faisons que, à la supplicacion et humble requeste de nostre subgit Colin Ruellen, pèrre de nostre bien amé et féal servitour Pierres Ruellen, l'un des clers de nostre ch appelle, considerans les bons et agréables services que led. Pierres nous a faitz..., en partie de rémunération de ce et pour le bien et augmentacion du principal hostel et herbregement dud. Colin, siis en la paroesse de Conquoret, ou diocesse de S* Malou, nommé et vulgaument appelle le Randren, affin qu'il ne demeure inabité, enczois qu'il soit de plus grant valeur et revenue, au bien, honnour et utilité de nostred. servitour et de sond. pèrre..., led. hostel dessur descleré et les demourans en iceluy avons aujourduy... franchiz... de touz fouages..., et rabatons aux paroessiens d'icelle paroesse un feu entier, affin qu'ilz n'aient cause de y obicer ne contrarier. Si donnons en mandement à noz trésoriers, etc. En tesmoign desquelles choses, nous avons fait mectre et apposer à cestes noz présentes nostre seau en laz de saye et cire vert, pour valoir en perpétuel.

Ainssi signé, Par le duc, de sa main. — Par le duc, de son commandement, presens : l'evesque de Léon, l'abbé de Beaulieu, l'archidiacre de Kaemenetili, le procureur gênerai, mestre Raoul de la Mousaye et aultres. — P. le Clerc. »

Analyse (Bibl. nat., ms. fr. 16822, p. 470 bis). — Analyse (Hist. deSt-Gildas de Rhuys, par l'abbé Luco,

1436. — Lettres du duc faisant remise aux religieux de l'abbaye de S*-Gildas des Bois de 12 1. 10 s., soit le tiers des 3j 1. auxquelles ils ont été taxés pour un fouage; lad. remise, à raison de la mortalité presque générale du bétail des religieux. Le duc leur remet en outre les 25 1. restantes du même fouage et leur fait don de 1 5 autres livres, afin d'accomplir le vœu qu'il avait fait de donner à l'abbaye 40 1. pour « accomoder la grande vitre qui est au portail de l'église ; » avec mandement aux receveurs de payer aux moines lad. somme de 1 5 L

Mention (Ar. du château du Vaudequip).

1436. — Lettres d'anoblissement de la terre de Boblay, en faveur de Béatrix de Penhoet, veuve d'Olivier Guy on, s' de la Chapelle,

Ferme des sceaux de Moncontotir pour Olivier le Boulanger.

Orig. jad. scellé en cire rouge sur s. q. (Ar. Côtes-du-Nord, E 640, f. de Penthièvre).

Au Bois Raoul, 1437 n. s., 7 janvier. — « Jehan... Savoir faisons que nous informez des savence, loyauté et bonne dilligence de nostre bien amé et féal secrétaire Olivier le Boullengier, à ycelluy avons baillé, et que de nous a prins et affermé la ferme de noz seaulx, papiers, passemenz, coppies, enquestes et clergie de nostre court et juridicion de Moncontour, pour le temps et terme de quatre anz qui commenceront le x\ mt jour de avrill prochain venant ; pour nous en poier chascun an... cinquante 1. m., s'il ne y a qui plus en doient. Sur quoy nous avons, louant nostred. secrétaire nous poier et avenser sur lad. ferme vingt et cinq escuz de poys de franc au pris de xxv s. chascun, par la main de nostre bien amé et féal secrétaire Guion de Carné, trésorier de noz petiz coffres, pour emploiez en certaines noz afferes et choses secrètes, et lequel en comptera et respondra; et avent estre nostred. secrétaire départi de lad. ferme, se on boutoit sur luy, nous voulions que premièrement lesd. xxv escuz luy soient renduz et restituez par la main de nostre receveur desurz les lieuz quant à ce, et de allumer la chandelle es jours et heures acoustumez, et de aproprier le plus donnant, faisant son devoir du poyement comme dessus nous commectons. Si mandons à nostred. receveur, etc.

Pae le duc. — Par le duc, de son commandement. — De Carné. »

Analyse d'après les arch. de Châteaubriant (Bibl. nat., ms. fr. 2i33i, p. 291).

Au Bois Raoul, 1437 n. s., 8 janvier. — Lettres du duc autorisant Amaury, sire du Chastelier, son chambellan, à avoir une justice patibulaire à quatre pots en la seigneurie de la Motte de Brantien. — De Costlogon .

Anoblissement et franchise pour Jean Daragonnys.

Vidimus de 1440 (Ar. L.-Inf., B, Anobl. et franchises).

A Guérande, 1437, 16 janvier. — « Jehan... A touz... salut. Comme à nous... appartiegne... ennoblir et franchir, etc. Et soit ainsi que Jehan Daragonnys, marchant des parties de Gennes,soit issu et extroit de noble lignée, lequel, de long temps a, est demourant et marié en nostre pals, s'entre-

i5o lettres rr mandements

mectant de fait de marchandise tant par mer que par terre, dont par cause de ce, nous est redundé plusieurs proufiz à noz receptes et revenues, et encores a désir et volenté de le faire de mieulx en mieulx ou temps avenir, desirans touz bons marchans estrangiers atroire à estre et demorer en nostred. pais pour le bien de nosd. revenues ; par le moien et occasion de [quoy], aucuns noz officiers ont voulu le... tailler et égailler es tailles... Savoir faisons que nous avons aujourduy... ennobly, franchi... de touz fouages..., et voulons qu'il joisse et use des prérogatives de noblesce ainsi que le font les autres nobles de nostre pais, pourveu que toutesfoiz et quant besoing en sera, il se mecte en suffisant appareil d'armes selon sa puissance pour nous servir quant le cas avendra, ainsi que les autres nobles. Et d'abundant nous, à plain acertennez des scens, loyauté, prodommie et bonne diligence dud. Daragonnys, iceluy avons aujourduy cruyé, institué... changeur, [à] tenir et excercer par lui et un sien clerc table de change en noz villes, foires, marchez et ailleurs, universellement par tout nostre duché, ainsi que les autres changeurs de nostre pays... Et en oultre, pour ce qu'il se doubte d'aucuns ses haigneurs ou malvueillans lui estre fait ou donné aucun empêchement, icelui, sa femme, enfans et familliers, serviteurs, maisons, terres, héritages, biens meubles, avecques toutes ses justes possessions quelconques, avons prins et mis en noz protection, seurté especiale et perpétuelle sauvegarde. Si donnons en mandement à noz capitaines, etc.

Ainsi signé, Par le duc, de sa main. — Par le duc, de son commandement, l'abbé de Beaulieu, Jehan de Musillac et autres presens. — G. de Carné. »

Mandement de laisser le vicomte de Rohan jouir d'un octroi à lui concédé.

Orig. jad. scellé en cire rouge sur s. q. (Bibl. de Nantes, f. Bizeul ; anc. Ar. de Rohan, Actes not., n<> 241).

t A Lanruas près Redon, » 1437, 12 février.— « Jehan... A noz seneschal, alloué et procureur de Ploermel..., salut. De la partie de nostre très cher et très amé frère et féal le viconte de Rohan, nous a esté expousé combien que deparavant ces heures nous ayeons ottrié à nostred. frère, prandre et lever en ses terres et seigneuries de nostre duché generallement, troys solz par pippe de vin y vendu en detaill, pour un an commancé à la Toussains derroine, et cinq soulz pour l'autre an ensuivant, pour les causes et ainsi que plus à plain est contenu en noz lettres patentes sur ce faictes, recours à icelles ; Ce neantmoins, pour ce que en nosd. lettres n'est fait aucune mencion de faire lad. levée es terres de nostre très chiere et très amée cousine et fealle la vicontesse de Rohan, mère de nostred. frère, jasoit ce que leurs terres et seigneuries soint une mesme chose, et que led. devoir ait esté par nous ordenné estre levé pour en estre mis et employé la finance aussi bien au prouffit de nostred. cousine comme de nostred. frère, vous nostre procureur de Ploermel, vous y estes oppousé et les voulez troublez et empeschez de non faire lad. levée es terres et seigneuries de nostred. cousine, au très grant grieff, préjudice et domage d'elle et de nostred. frère, requérant sur ce nostre provision. Pour ce est il que nous, bien recolez de l'ottroy sur ce fait à nostred. frère, et que nostre entencion estoit et est que led. devoir fust levé sur les hommes des terres et seigneuries de nostred. cousine comme sur celx de nostred. frère, sans aucune division, vous mandons, etc.

Par le duc. — Par le duc, de son commandement, presens : l'evesque de S k Brieuc, le sire de Combour et plusseurs aultres. — A. Phelipot. »

DE JEAN Y, DUC DE BRETAGNE l5l

Arrentement de terrain dans la ville de Rennes.

Vidimus du 16 déc. 1440 (Ar. L.-Inf., B, Baillées à rente : Rennes).

A Redon, 1437, 14 février. — « Jehan... A touz... salut. Comme par l'avis et deliberacion de nostre consoill, nous aions nagueres ordonné bailler et acencer par heritaige, par bout et en» chiere, à qui plus en voudroit donner, une certaine place et circuit de terre à nous apartenant, qui ne nous portoit comme nul proufilt, cituée en nostre ville dé Rennes entre la porte Jaquet et le prochain bout de nostre cohue dud. lieu devers lad. porte, pour y faire et ediffier abitacles et caba« retz à tenir et excercez le fait de change et autres marchandies, sellon la teneur de la commission sur ce faicte, adreczée à nostre bien amé et féal secrétaire Guion de Carné, trésorier de noz petlr coffres, o povoir d'en faire les baillées aux plus donnans, à nostre proufilt, ainsi qu'il veist estre convenable; Lequel, par vertu de nostred. commission, ait baillé et acencé par heritaige, ou nom de nous et de noz hoirs, à nostre féal subgit Guillaume le Taillandier, comme au plus donnant et derroin enchérissant emprès le ban fait et à ja'chandelle, comme apartient, une certaine place et quantité de terre contenante par fons quatre piez et demy, venante à rue, qu'est la tierce place de la première, du bout devers porte Jacquet, siise sur la grant rue, au davent et en l'endroit l'ostel Jehan Gourdel, comme elle est bonnée et merchée ; pour nous en poier et servir par chascun an à nostre recepte de Rennes, aux termes de Noël et de la saint Jehan Baptiste, quarante et quatre solz de rente, par moitié poiez esd. termes, et pour entrailles de ce, la somme de trante et deux escuz d'or de bon pois, une foiz poiez quictes à nostre main ; quelle finance led. le Taillandier ait baillée et poiée à nostred. trésorier pour nous en respondre. Savoir faisons que nous, à plain acertennez icelle baillée avoir esté et estre bien et deument faicte à nostre proufilt, icelle avons eu et avons ferme et agréable, et Pavons confermée et confermons aud. le Taillandier... Et partant avons voullu qu'il ediffie en celle place, en manière de cabaret et boutique de sept piez de hault, frans, sans la couverture, pour y tenir et excercer fait de change, par lui ou ses commis, ou autres marchandies honnestes, ainsi qu'il verra le avoir affaire... Si donnons en mandement à noz seneschal, alloué, procureur et receveur dud. lieu de Rennes, etc.

Ainsi signé, Par le duc, escript de sa main. — Par le duc, de son commandement et en son consoil, ouquel : l'evesque de Léon, messire Jehan de Kermellec, Yvon de Roscerff et autres estoint.

— O. DE COBTLOGON. »

Arrentements de terrains dans la ville de Rennes.

Vidimus des xo février 1440, 21 déc. 1440 et 3 janvier 1441 (Ar. L.-Inf,, B, Baillées à rente : Rennes).

A Redon, 1437, 14 février. — t Jehan, etc. * Lequel... ait baillé et acencé par héritage, ou nom de nous et de noz hoirs, à nostre féal subgit Guillaume Seguin, comme au plus donnant..., une

1. Cet acte et les trois suivants, de môme date que le précédent, sont conçut exactement dans les mêmes termes que lui. Les différences portent uniquement sur les noms des preneurs, les débornements et le prix des arrentements. Il suffira de donner ici les passages spéciaux à chacune des pièces.

152 LBTTXBS ET MANDBMSMT8

certaine place et quantité de terre contenante par fons cinq piez en quarré, qu'est la seconde et prochaine place de celle qui fait le coign du renc de davant l'oustel Perrin Bouexel, du cousté devers l'église S 1 Jacques, comme elle est bonnée et merchée ; pour nous en poier et servir... vignt s. de rante, par moitié à chascun desd. termes, et pour entrailles de ce, la somme de quinze escuz d'or de bon poys, une foiz poiez, etc. »

— « Jehan, etc. Lequel... ait baillé et acencé par heritaige, ou nom de nous et de noz hoirs, à nostre féal subgit Jehan Bunochel, comme au plus donnant.., une certaine place et quantité de terre contenante par fons seix piez de leise et sept de long, qu'est celle qui fait le coing entre le puiz et l'entrée des haies, au davant du degré de la haute cohue de Rennes, comme elle est bonnée et merchée ; pour nous en poier et servir... trante s. de rame, par moitié à chascun desd. termes, et pour entrailles de ce, la somme de trante escuz d'or de bon poys, une foiz poiez, etc. »

« Jehan, etc. Lequel... ait baillé et assencé par heritaige, ou nom de nous et de noz hoirs, à

nostre féal subgit Jehan Bunochel, comme au plus donnant..., une certaine place et cantité de terre contenante par fons seix piez de leise et cinq et demi de long, qu'est la place qui fait le coign et bout de rue sur la grant rue, en l'androit et au davant de l'ostel Jehan Chouan, comme elle est bonnée et merchée; pour nous en poier et servir... cinquante s. de rante,par moitié à chascun desd. termes, et pour entrailles de ce, cinquante escuz d'or de bon poys, une foiz poiez, etc. »

— « Jehan, etc. Lequel... ait baillé et acencé par heritaige, ou nom de nous et de noz hoirs, à nostre féal et subgit Guillaume Giron, comme au plus donnant..., une certaine place et quantité de terre contenante par fons quatre piez et demy en carré, qu'est la première place faisant le bout, prouchaine de la porte Jacquet, siise sur la grant rue, comme elle est bonnée et merchée ; pour nous en poier... xliui s. de rente, par moitié esd. termes, et pour entrailles de ce, saizante escuz d'or de bon poys, une foiz poiez, etc. »

Mention dans la Réformation de Léon (Bibl. de Nantes, n° 54756, f° 6).

1437, 14 février. — Lettres d'anoblissement pour Thomas le Thoreuc, de la paroisse de Ploudalmézeau.

Confirmation de franchise aux vassaux de Vévêque à Bréhand- Moncontour et Yffiniac.

Copie du 18 février 1524 (Ar. Côtes-du-Nord, G, f. de Pév. de St-Brieuc).

A Redon, 1437, i5 février. — « Jehan... A toutz... salut. Comme puix nagueres, sur la complaincte à nous faicte de la partie de révérend père en Dieu nostre bien aymé et féal conseiller l'evesque de S 1 Brieuc et de ses hommes demourans es paroesses de Brehant Moncontour et de Yffiniac, fiez enclavez esd. paroaisses, disans que notz recepveurs de fouaiges en icelles parties voulloint et s'efforczoint faire poier et contribuer en notz fouaiges les hommes dud. révérend père en Dieu pour le numbre de troys feuz, sçavoir est, ceulx de Brehant Moncontour, deux feuz et celuy de Yffiniac, où n'a que ung seul estager, ung feu, en leur grant grieff, préjudice et dommaige, et contre les droictz, franchises et libertez de l'église, pource qu'ilz disoint que au temps passé et par

DE JEAN V, DUC DB BRETAGNE l53

tant de temps que memoyre d'homme n'est du contraire, eulx et leur predisesseurs ont esté francs et ezemps de contribucion de fouaiges, Nous, desirans en sçavoir la vérité, eussons par deliberacion de nostre conseil, commis nostre bien aymé et féal conseiller Jehan de Mainfeny, l'un des auditeurs de nostz comptes, pour en faire informacion et emqueste... Sçavoir faisons que aujourdhuy, icelle emqueste nous avons faict oupvrir en nostre conseil et voirs et examiner bienmeurement; sellond laquelle... les hommes dud. révérend père en Dieu desd. paroesses de Brehant Moncontour et de Yffiniac ont esté ou temps passé francs, quictes et exemps de fouaiges et aultres subsides, et que esd. lieulx y a franchise et munité comme en l'église ; pour quoy... voulions et nous plaist qu'ilz soint réglez et maintenuz en leursd. franchises et libertez ; en mandant, etc.

Ainsi signé, Par le duc, escript de sa main. — Par le duc, de son commandement, presentz : Vous, le doyen de S 1 Mallo, le maistre des requestes et aultres. — Le Nepvou. »

Affranchissement de deux métairies en faveur de Martin Thebaud.

Vidimus du 27 oct. 1441 (Ar. L.-Inf., B, Anobl. et franchises).

A Redon, 1437, 25 mars. — « Jehan... A touz... salut. Savoir faisons que nous recolans des bons et agréables services que nous a fait es temps passez nostre bien amé et féal segretaire Martin Thebauld, tant au sege de Chantoceaux pour le recouvrement de nostre personne que ailleurs, et uncores fait de jour en aultre ; et aussi bien infourmez et acertennez des grans pertes et domaiges qu'il a soufers et enduré durant le siège de Pouencé, et mesmes puis nagueres par la course et pille que firent les gens Jehan de la Roche à Chasteaubrient, à laquelle course l'ostel dud. Martin fut pillé et desrobé, voulans aucunement l'en recouvrer, à iceluy aujourduy, de nostre grâce espicial, avons franchi... de touz fouages... deux gaingneries et metaeries à nostred. segretaire appartenans, siises en la parroaesse de S 1 Jehan de Beré, avec les metaiers et demourans en icelles, tant celx de présent que du temps avenir, l'une d'icelles appelée la metaerie de la Barre et l'autre la metaerie de S 1 Michel, les mesons de laquelle furent arses par les Angloys durant led. sege de Pouencé, et est de présent à intencion nostred. segretaire de la mesonner et rediffier en iceluy lieu ou aillours assez près; et partant, avons rabatu... aux parroaessiens de lad. parroaesse les deux pars d'un feu.... Si donnons en mandement à noz seneschal, alloué et procureur de Rennes, etc.

Ainsi signé, Par le duc, de sa main. — Par le duc, de son commandement, presens en son consoill : l'evesque de Léon, le sire de Montafilaftt, messire Pierre Eder, le doien de S* Malo, l'archediacrede Quemenédilli, Jehan d'Ust et autres. — R. Lenevou. »

Mandement d'enquérir des droits des religieuses de S'-Sulpice sur le pré Auffray.

Copie du XVI« s. (Bibl. de Rennes, Cartulaire de St-Sulpice de Rennes, fo 1 1 v<>).

A Vannes, 1437 *, 5 avril. — « Jehan... A nostre bien amé et féal conseiller Pierres de Beaucé, nostre senneschal de Ploermel, de Dinan et de S 1 Aubin, salut. Sçavoir faisons que aujourdhuy se

1. Ou bien 1438. Le doute est permis par suite de l'omission de l'indication pascale.

I 54 LKTTUBS ET MANDEMENTS

sont comparez davant nous en nostre conseil, nostre bien amé et féal conseiller Pierres Ivette, maistre de nostre hostel et subgarde de noz forestz de Rennes et de S 1 Aulbin, nostre procureur dud. lieu de S 1 Aulbin, d'une partie, et dom Jehan le Bariller, procureur prouvé de religieuses et honnestes dames l'abbesse et convent du moustier de S 1 Sulpice, d'aultre partie, en l'ajournement donné de la partie de nosd. officiers all'encontre desd. abbesse et convent, à l'occasion de certain esplect et closture que celle abbasse et convent, leurs gens et officiers avoint faict de nouvel en une pièce de terre en pré estante en nosd. forestz, nommé le pré Auffray, en quoy celles abbasse et convent disoint avoir droict par heritaige, et nozd. officiers disans le contraire, et le fons et propriété à nous appartenir. Et après plusieurs raisons ouyes entre lesd. parties, a esté appoincté de assentement desd. parties, que vous faictes emqueste sommairement et de plain par tesmoigns dignes de foy du droict que nous y avons et aussi du droict que lesd. abbesse et convent y ont, tant en fons que es levées et pasnaiges, et aussi de la valleur d'iceluy pré par rente, ou prisaige appelle nostred. subgarde ou son lieutenant et nostred. procureur, sellond les mémoires et articles qui vous seront baillez d'une et aultre partie, etc.

Ainsi signé, Par le duc, en son conseil, ouquel : les gens des comptes et plusieurs aultres estoint. — J. Mainfeny. *

Procédure entre V abbaye de Boquen et Guillaume de la Houssaie.

Orig. non scellé (Ar. Côtes-du-Nord, H, f. de l'abbaye de Boquen).

A Vannes, 1437, i5 avril « amprès Pasques. » — « Jehan... Savoir faesons que aujourduy à cestes noz assignences se sont comparuz nostre procureur gênerai et frère Rolland Chevalier, procureur de humbles religieux les abbé et convent de Bosquien, denuncieur o nostred. procureur gênerai, acteurs d'une partie, et Guillaume de la Houssaie, en son nom et comme procureur autresfoiz prové pour Colin de la Houssaie son frère, deffenseurs, d'autre. Lesquielx furent congnoessans que par cestes noz assignences clein avoit esté jugié, es aveulz desd. nostre procureur et denuncieur, sellon leurs proceis, et pour y recevoir tesmoins, les jurer, purger et enquérir, avoint esté commis entre autres Guillaume du Pré, davant lequel, à jour de lui assigné de la part desd. acteurs, avoint esté présentez Guillaume Hallenaust, Jouhan Guadel, Geffroy Perraust, Thomas Perraust, Guillaume le Moenne, Jouhan Gaubert, Perret Doallen, Rolland Perraust et chascun, quielx avoint esté jurez et purgez. » G. de la Houssaie ayant accepté ces témoins, sauf les trois Perraust, « pour y recevoir tesmoins soubz la producion de cest jour, leur avons commis et commectons Jehan Troussier, Pierres Riaczon, Jehan Rolland, Morinet Riou, Jehan le Moenne ou dous d'eulx, et avons poursui temps aud. de la Houssaie dedens noz prochaines assignences, de faire

faire ses enquesies oud. clein de reprove Item, à la requeste dud. Guillaume delà Houssaie,

avons donné en commandement à noz sergens et chascun qui en seront requis, ajourner led. abbé, frère Rolland Eschierdel, Rolland Gueguen, Olive Gueguen, Jehan Gueguen à donner auctorité csd. Rolland et Olive, Michielle Guihien, et son père à lui donner auctorité, Doulce Gueguen et Olivier Briquet, son mari, à lui donner auctorité, et chascun; quielx led. de la Houssaie dit avoir esté complices et adhérez dud. abbé à coupper, diciper, démolir et abatre pieulx et appareilz de bouays que lesd. Houssayes et leur père avoint et leur appartenoint, estans en certaines mettes es grèves de la

DE JEAN V, DUC DE BRETAGNE f 55

mer, pour paescheries, en commettant tordait, à comparoir à noz prochaines assignences pour sur ce reapondre aud. Houssaie esd. noms, et à sond. père s'il le requiert; et lequel abbé par led. frère Rolland son procureur a esté ajourné.

Par le duc, à la rellacion du conseill tenant les generalles assignences. — Rolland. »

Lettres d'amortissement pour f abbaye de Boquen.

Orig. jad. scellé sur lacs. (Ar. Côtes-du-Nord, H, f. de l'abbaye de Boquen).

A Vannes, 1437, 19 avril. — « Jehan... A noz président, senneschaulx, allouez et procureurs de Rennes et de Lamballe... salut. Receue avons la supplicacion et humble requeste de noz humbles religieux et orateurs les abbé et couvent de Boquian, contenant que comme il soit ainsi que puis nagueres de temps Tephaine Quemar, de nostre ville de Lamballe, ait donné et transporté ausd. religieux certains héritages qui sont situez en la parroisse de Morieuc, quieulx sont prochement tenuz de nous, o la charge de dire par un certain jour en chascune sepmaine une messe en leur église et moustier de Boquian, pour Famé de lad. Tephaine et de ses prédécesseurs et successeurs; quelle donnaison ont voulu impugner les héritiers de lad. Tephaine, et par la court de noz assignâmes y a eu procès et plait pandent par long temps 1 , à la grant charge de nosd. povres religieux et orateurs qui ne sont pas de grande fondacion, et tant ont esploité vers lesd. héritiers qu'ilz ont obtenu en cause vers eulx, o certaine retrincion et recindement qui par nostre président a esté fait à nosd. religieux ; et ainsi tout ce que lesd. religieux ont de héritages pour lad. fondacion, qui est à grant charge, ne vault pas quatre 1. de rante. Et s'estoit opposé nostre procureur gênerai par lad. court de noz assignances à rencontre desd. religieux, de non joir desd. héritages ne donnaison en nostre préjudice ; quelle chose est ou grant préjudice desd. religieux, et jamais n'en pourroint venir à conclusion si par nous n'y estoit pourveu, humblement le nous requérant. Pour ce est il que nous... amortissons ausd. abbé et convent les héritages et rames estanz en lad. parroisse de Morieuc tenuz de nous, que lad. Tephaine leur donna, etc.

Par le duc — (Sur le repli) Par le duc, de son commandement, presens : Mf le conte, l'evesque de Léon, Pabbé de Beaulieu, le maistre des requestes et autres. — R. le Nevou. »

Anoblissement et franchise pour Jean et Eon Quelle

Vidimus du 29 déc. 1456 (Ar. L.-Inf., B, Anobl. et franchises).

A Plaisance, 1437, 29 avril. — « Jehan... A touz... salut. Savoir faisons que nous, ouy le bon rapport qui fait nous a esté du bon et honneste gouvernement de noz subgitz Jehan Quello et Eon Quello, son fils, demourans en la parroesse de S 1 Guinollay de Baz, soubz nostre juridicion de Guerrande, considerans la puissance et faculté qu'ilz ont en corps et en biens à bien nous servir...