Avec U date du 10 février 1434 v. s

Lettres d'apanage pour Pierre et Gilles de Bretagne, fils de Jean V.

Orig. scellé en cire verte sur lacs de soie verte du sceau n° 2 (Ar. L.-Inf., E 2 ; anc. Tr. des Ch. L. C. 9).

1438, février. — « Jehan... A touz... salut. Comme paravant ces heures, Nous, desirans pourvoirs à la sustentacion et estât de beaux filz Pierres et Gilles, noz enffanz jouveigneurs, et leur or~ denner leur apanage à ce qu'ilz n'eussent cause de faire question à beau filz le comte de Montfort, nostre aisné filz, mes le servir, honnourer et persévérer en bonne amour et union comme appartient à bons frères, eussions ordenné, de nostre grâce et par meure deliberacion et avissement des seigneurs de nostre sang, et mesmes du consantement de nosd. enffanz, bailler et asseoirs par apanage pour tout droit de nostre succession, à chascun de nosd. beaux filz Pierres et Gilles, le numbre de seix mil livres de rente à levée, pour en jouir pour eulx et leurs héritiers, sauff à recinder troys mil 1. d'icelle rante à nostred. beau filz Pierres, en cas que la succession de beau frère Artur, comte de Richemond, qui en deffault de hoir procréé de sa char, du consantement de nous et nostred. filz aycné, Ta adopté et fait son héritier tant en Bretaigne que hors Bretaigne, luy avendroit ; lesquelles troys mil 1. de rente, en celi cas et jucques à en savoir le certain, Nous ne nostred. filz aisné ne serons tenuz asseoir, ne ne pourra nostred. beau filz Pierres aucune chose en demander par assiete ne autrement, sauff en estre payé par main après nostre deceix, jucques aud. cas avenu ou en sceu le certain, lequel payesment sera tenu faire nostred. aysné filz après nostred. deceis, par lui et ses comis, par chascun an, durant la vie de nostred. frère, ou qu'il ait lignée que vraysemblablement lui succède. Et soit ainsi que puix nostred. ordennance et en l'entérinant, ayons acquis au prouffit de nosd. enffanz Pierres et Gilles, de beau cousin le sire de Rais, les terres et seignories qui ensuivent ; savoir est, pour nostred. filz Pierres : la propriété des chastel, chastellenie, terres et seignories de la Benaste o leurs droiz et appartenances, en nostre conté de Nantes, que de présent tient en douaire damme Anne de Cillé, veuve de feu le sire de la Suze derrain decedé, cent 1. de rente sur la chastellenie de Machecoul et cent cinquante 1. de rente sur la chastellenie de Veuz, estimé le tout dud. acquest monter ensemble doze cens cinquante 1. de rente; et pour nostred. filz Gilles : les chastel, chastellenies, terres et seignouries de la Mote Achart, les Marieres et les Chesnes, en la conté de Poitou, que dempuis il a transportez en nostre présence, par tiltre d'eschange, au sire de la Suze, pour mil 1. de rente sur la seignourie de Chantocé, quieulx led. beau filz nous a transportez ; et les chastel, forest, chastellenie et seignourie de Princzay en nostred. comté, avecq leurs droictures et toutes pertinences, estimé ausi valoir ensemble mil sept cenz 1. de rante, y comprins quatre mil escuz prins de la finance par nous ordrennée pour li acquérir terre, en la descharge que dessur ; lesquieulx acquectz leur eussions livrez et transportez en deschargeant en tant nostred. aisné filz dud. apanage. Et dempuis nous, pour nous et noz héritiers, ayons acquis par tiltre d'eschange dud. sire de Rais, les chastel, chastellenie, terres, seignourie, revenues, acquis, droitures et toutes pertinences et apendances de Chantocé en la duchié d'Anjou ; et pour parvenir aud. acquest, qui autrement ne se poait faire, et en retour et partie de la recompensacion d'iceli, nous ayent nosd. enffanz Pierres et Gilles baillé et livré, pour les bailler aud. sires de Rais, les chasteaulx, terres et seignouries dessusd., leur baillez comme dessur en commancement d'assiete de leurd. apanage; par quoy, de bonne raison et équité, suymes, nous

l80 LBTTUS «T MANPKMB W TS

et nostred. filz, tenuz les recompanser et leur bailler par autant vaillant. Savoir faisons que nous, desirans l'enterinance de nostred. ordennance et pourvoirs à nosd. enffanz, comme nature] ment tenuz suimes, icelle ordennance en la forme et manière dessur recitée, avons de rechieff faicte et faisons par ces présentes, du consantement de nosd. enffanz, qui icelle davant nous ont acceptée et eue agréable ; et commanczans l'entériner, avons baillé, livré, cédé et transporté, en la présence et de l'assentement de nostred. aysné filz, ballons, livrons et transportons par ces présentes à nosd. filz jouveigneurs, qui presens estoint et les acceptèrent, les terres et seignouries qui ensuivent, en leur recompensant des seignouries et mil 1. de rente que dessur ; savoir est : à nostred. beau filz Pierres, oultre la seignourie de Guingamp autresfoiz li baillée à valoir sur lad. ordennance d'apanage, <l u i ud. numbre de troys mil 1. de rente li doit estre comptée, et la puet nostred. aysné filz et son héritier recouvrer baillant par autant, les chastel, chastellenie, terres, seignories, moulins, prez, estangs, hommes, juridicions, demaines, rachaz, hommaiges, quant les cas des mors des subgiz avendront, de Hedé, de Chasteaulin en Cornouaille et le demaine de Lannyon, réservé le port, les brieffs, les bris et autres devoirs d'iceli, avecq toutes droitures, revenues et noblesses, sanz riens en retenir, jucques au montement et valeur de doze cens cinquante 1. de rente ; et à nostred. beau filz Gilles : les ville, chastellenie et seignourie de Lamballe, avecques toutes les rentes, rêve* nues, boays, moulins, prez, hommes, hommaiges, rachaz, quant les cas de mort des subgiz avendront comme dessur, juridicion et autres appandances et depandances d'icelle, pour le pris et somme de mil sept cenz 1. de rante. A tenir nosd. enffanz lesd. terres et seignouries en fié d'apanage, à homaige, obéissance, ressort et autre redevance acoustumée, de nous et noz autres suc* cesseurs ducs de Bretaigne, et réservé en touz endroiz les droiz, souveraintés et noblesses appartenons à nous et nosd. successeurs. Dit et condicioné par lad. baillée, que nous et nostred. filz ou son premier et principal hoir après lui, pourrons et pourront successivement recouvrer et retirer de nosd. enffanz jouveigneurs, leurs hoirs et successeurs, lesd. pièces et chascune d'icelles ensemble ou par partie, leur baillant et asseant autretant de rente comme on en retirera d'eulx à la foiz, ou reaume de France en l'obboissance de Ms r le roy, ou en Bretaigne, au choais et eleccion de nostred. héritier, sauff que si nostred. aysné filz ou sond. héritier premier et principal, faisoint lad. baillée hors de Bretaigne, qu'ilz ne pourront bailler à la foiz mains de quatre cenz 1. de rente hors chastellenie ou trois cenz en chastellenie, à chascun de nosd. enffanz ou leurs successeurs; laquelle recompance serons et seront nosd. héritiers tenuz leur bailler et délivrer reaument et deffait paravant les desaesir, ou si mieulx aimons ou nosd. héritiers après nous, bailler et livrer à nosd. enffanz ou les leurs, lesd. chastel, chastellenie et seignourie de Chantocé, au payesment dud. apanage, pour six mil 1. de rente ou ce que elle pourra valloir es trois anz derroins avant lad. baillée, equipollant Tune année à l'autre, ou dedanz seix anz et demy, cent mil escuz, si le racquit d'iceulx estoit fait par led. sires de Rais ou autres pour lui dedanz celi temps, au désir de la grâce que li en avons baillée, ou les terres et seignouries et tout ce que avons prins d'eulx, comme dessur, s'ilz retournent en nostre main ou en celle de nostred. filz ou héritier par la restitucion que led. sire de Rais en feroit ou autrement, Nous, en iceulx cas, et noz héritiers après nous le pourrons faire. Laquelle assiete, payesment, transport ou restitucion que dessur, seront tenuz et obligez nosd. enffanz Pierres et Gilles et leurs héritiers recevoir et prandre comme dessur, sanz deloy, diffuge, dissimulacion ou reffus queulxconque, et nous rendre ou à nosd. filz aisné ou son premier et principal héritier, lesd. pièces ou partie d'icelles, comme le racquict s'en fera, franches, quictes de tout devoir et charge d'ypotecque ou autres, fors celles qui de présent y sont; lesd. assiete, transport,

restitucion ou payesment faiz comme davant, et quictance pertinente en oultre, sanz icelles pièces ou partie d'elles retenir ne y reclamer aucun droit pour ces présents transport, baillée et assiete, ne autre cause, colour ou occassion quelconque. Et en tesmoign de toutes et chascune les choses dessurd., lesquelles voulons sortir leur planier effect, avons signé ces présentes de nostre main et fait seeller de nostre seel en laz de soye et cire vert. — Et au regard de lad. seignourie de Guingamp, nostred. beau filz Pierres ne sera tenu prandre recompance pour elle en autres pièces que chastellenie de cinq cenz 1. de rente, et le sourplus de ce que vauldroit lad. seignourie de Guingamp, en pièce entière au plus près de lad. chastellenie que faire se pourra, en une mesme seignourie, et sera saesi du tout de celle recompance paravant estre en riens départi de lad. seignourie de Guingamp. Donné comme dessur. A. G.

Par le duc. — (Sur le repli) Par le duc, de son commandement et en son conseill, uquel : Ml" les comtes de Richemont et d'Estampes, les evesques de Vennes et de Léon, le grant mestre d'ostel, messires Pierres Eder et Jehan de Kermellec, ch»», Jehan d'Ust, Pierre Ivette, Jehan Mauleon et autres estoient. — A. Guinot. »

23o3 Affranchissement des métayers de la Hulonnière.

Copie du XVIe s. (Ar. L.-Inf., B 5o, fo 5).

Au château de l'Hermine, 1438, 3 mars. — « Jehan... A tous... salut. Comme à nous... appartienne donner franchisse, etc. Et soict ainsi que à nostre bien amée et fealle Alnette Mauleon et à ses enffens d'entre elle et deffunct Jan Halloua[r]t son mary, apartienne ung lieu, domaine et herbregement, o ses appartenances, vulgairement appelle la Hullonniere, situé en la parroesse de Thouairé, ou diocèse de Nantes, les mestaiers et demourans auquel lieu aint accoustumé es temps passez estre contributifz à fouaiges et tailles, et nous aict supplié lad. Alnette qu'il nous pleust, de nostre grâce, les en affranchir et exempter et sur ce luy pourveoir de remède convenable ; Savoir faisons que nous, en recongnoissance des bons et agréables services que fist aultresfoiz lad. Alnette à deffuncte de bonne mémoire, nostre très chiere et très amée seur et compaigne la duchesse que Dieu pardoint, et laquelle Alnette nourit deffuncte nostre belle fille Anne de Bretaigne, de quoy elle n'a pas esté suffizanment rémunérée ; aussy pour consideracion des bons et agréables services que nous ont faict et font continuellement de jour en aultre les parens et amis d'icelle Alnette. . ., à icelle Alnette et à sesd. enfens avons voullu et octroyé. . . que les mestaiers et demourans de présent et... advenir oud. lieu de la Hullonniere, soint et demeurent perpétuellement francz... de tous fouaiges... Sy donnons en mandement à noz seneschal... de Nantes, etc.; et déchargez ausd. parroissiens de Touairé ung tiers de feu pour cellui lieu de la Hullonniere... En tesmoing de ce et à grigneur fermeté, nous avons signé ces présentes de nostre main et faict seeller de nostre seel en laz de soye et cyre vert.

Ainsi signé, Par le duc. — Et sur le reply, Par le duc, de son commandement et en son conseil, ouquel : les contes de Richemont, d'Estempes et de Laval, Vous, les evesques de Rennes et de S* Mallo, les sires de Chasteaubriant, de Mallestroict et de Chasteauneuf, messire Jehan de Kaermelech, Jan de Musillac et aultres estoint. — De Touscheronde. »

l82 LETTRES ET MANDEMENTS

Obligation du duc envers le comte d'E lampes, son frère, pour 5.0 oo écus d'or.

Orig. scellé en cire rouge sur s. q. du sceau n<> 9 (Ar. L.-Inf., E 35 ; anc. Tr. des Ch. T. B. afy.

A Vannes, 1438, 4 mars. — « Jehan... A touz... salut. Comme au traictié du mariage de nostre beau neveu Guillaume de Challon, s£ r d'Arguel, filz aisné de nostre beau cousin le prince d'Orenges son père, et de belle niepce Katherine de Bretaigne, fille de nostre très cher et très amé frère le conte d'Estampes, icelui nostre frère, entre aultres chouses ait promis et se soit obligé poyer aud. beau neveu d'Arguel, ou aud. beau cousin le prince d'Orenges son père, ou à autre ayant leur povoir et commandement, la somme de dix mille escuz d'or de poys de franc, dedans troys ans emprès la sollempnizacion et consummacion dud. mariage ; Savoir faisons que nous promettons de bonne foy et nous obligeons poyer à nostred. frère, dedans sept ans prouchains venans emprès le dabte de ces présentes, la somme de cinq mille escuz d'or du poys dessusd., pour lui aider à faire l'acquit envers nostred. beau neveu ou beau cousin le prince son père, de celle somme de dix mille escuz ; à nous valoir acquit celx cinq mille escuz envers nostred. frère sur ce que lui povons devoir à cause de son droit de pasnage (apanage) ou aultrement.

Par le duc. — Par le duc, de son commandement. — A. Guinot. »

23o5 Mandement d'enquérir des pertes subies par les fermiers des blés de Quiberon.

Orig. scellé en cire rouge sur s. q. du sceau n°9 (Ar. L.-Inf., B, Franchises).

Au château de l'Hermine, 1438, 6 mars. — « Jehan.. . A noz bien amez et feaulx Jehan Guyhomarchou, nostre lieutenant et recepveur d'Auray, Morice du Plousguenn et à chascun, salut. Receu avons l'umble supplicacion et requeste de noz pouvres hommes et subgitz Jehan Audren et Olivier Kaeraustin, contenant que comme en l'an derrain passé, lesd. supplians aient prins la ferme des tierczages de nostre isle de Queberan, à sexante tonneaux, moyté forment, moyté avoine, espoiranz lesd. supplians que le rapport des blés dud. an eust esté si ample comme avoit acoustumé estre les ans precedans ; ce que n'a pas esté, ainz par le fort vent qui fut u moys de juillet derrain, la tierce partie des blez de lad. isle en mourust sur pié ; et incontinant lesd. supplians voyans la grant pêne qu'ilz avoint en lad. ferme par cause dud. vent, vindrent par devers nous et nous supplièrent que, en ayant esgard à ce que dit est, il nous pleust les descharger de lad. ferme ; et nous leur respondismes qu'ilz feissent batre lesd. blez, et que sellon le rapport d'iceulx leur feissons raeson de leurd. perte ; dont onc puis n'ont eu aucun rabat ne descharge, combien que, tant pour occasion dud. vent que temps pluvieux et contraire qui a esté en la saeson d'aoust derrain, par quoy l'en n'a peu avoir enbienne ne batre lesd. blez, que mesmes pour ce que les Angloys, à leur descensse en nostred. isle, prandrent et emportèrent avecques eulx grant quantité de blez, poys, fèves et autres potages qui devoint redonder au prouffilt de lad. ferme,, iceulx supplians ont esté perdans en icelle de plus de vingt et cinq tonneaux de blé, et par le moien reduict à grant misère et pouvreté, nous suppliant qu'il nous pleust sur ce leur impartir de nostre grâce et leur pourveoirde

DE JEAN V, DUC DE BRETAGNE l8î

nostre convenable remède, humblement le nous requérant. Savoir faisons que nous..., ne voulans lesd. pouvres supplians, pour occasion de nostre ferme, estre ainsi apouvriz ne desers, confians en voz scens, loyautez, prodomies et bonne diligence, vous avons commis... quant adfin de vous enquérir... de lad. perte...

Par le duc. — Par le duc, de son commandement, presens : l'evesque de Léon, messire Jehan de Kaermelec, le procureur gênerai et autres. — P. le Clerc. »

23o6 Décharge de 85 o saluts et de ioo L pour A. Guinot, trésorier général.

Orig. jad. scellé en cire rouge sur s. q. (Bibl. de Nantes, f. Bizeul ; anc. Ar. de Rohan, Actes notables,

Au château de Succinio, 1438, 23 avril. — «Jehan... A noz bien amez et feaulx conseillers les gens de noz comptes, salut. Il est ainsi que au traictié et apointement parlé entre nous et le sire de Rais pour le contrat des chastel, chastelennie et seigneurie de Chantocé, derroinement en ceste nostre ville de Vennes, et lequel uncores n'a pas sorti son effeit, Nous promeismes et feismes bailler et paier, esperans celui contrat tenir et avoir lieu ainsi qu'il estoit entre nous acordé : aud. sire de Rais, cent livres ; au sire de la Suze son frère, cent saluz, pour leur desfroy, pour ce que longuement en traictent celle matière ilz avoint esté avec nous par decza ; à messire Henry Carbonnel lors estant avec led. sire de la Suze, cinquante saluz ; à Guillaume Grimaut et Guillaume Saussaie, conseillers sur ce dud. sires de Rais, pour leur paines et deligence, quatre cens saluz, o conducion que u cas que celui contrat ne tendroit entièrement, qu'ilz les nous randroint et nous en feroint entière restitucion, dont ilz baillèrent leur obligacion à Jehan Mauleon, trésorier de nostre espargne, qui en fist le poiement ; dont dempuis, par nostre comandement, Auffroy Guinot nostre trésorier, Ta restitué par une assignacion qu'il lui en a faicte o autre parties, sur les deniers de ce fouaige derroinement par nous ordrenné ; par quoy Paccion, ou cas dedeffault dud. contrat, est revollue aud. Auffroy pour les recovrer ; et pour Penterinance d'icelui, envoiasmes dès lors en la compaignie dud. sire de la Suze, aud. lieu de Chantocé, le sire de Rostrenen nostre chambelan, qui y fut à certain nombre de gens d'armes et de trait pour les y devoir mectre et tenir en garnison, la pocession baillée, par le temps de cinq sepmaines et plus, où il fist de grosse despance ; pour lesquelles, à son rectour devers nous, lui ordrennasmes et feismes paier en deniers contans trois cens saluz. Si vous mandons et comandons ycelles sommes et chascune, qui ensemble montent vin* l saluz et cent livres, vous allouez et mectez en clere mise et descharge aud. Auffroy, nostre trésorier gênerai, sur ses receptes en ses comptes quant il comptera, etc.

Par le bug. — Par le duc, de son commandement. — J. de Vennes. »

Fondation en la cathédrale de Vannes à l'intention de la duchesse, femme de Jean V.

Fragment (Ar. Finistère) ». — Analyses (Ar. Morbihan, G, f. du chap. de Vannes. Inventaires). 1438, 24 avril. — « Jehan... A touz... salut. Comme ja piecza pour la très grant et singulière

1. Feuillet détaché d'un cahier en parchemin écrit au XVI* siècle. La fin de cet acte, dont nous n'avons pas retrouvé le texte in extenso, est analysée d'après les inventaires.

184 LKTTRKS ET MANDEMENTS

devocion et affection que touz temps avons à l'église de saint Père de Vennes, en laquelle est et repose le corps de feue nostre très chiere et très amée seur et compaigne la duchesse, que Dieu pardoint, et pour en i celle faire prières especialles, tant pour Pâme d'elle que pour les âmes de nous, noz prédécesseurs et successeurs, et affin que en icelle mesmes, à l'onneur, louange et gloaire de Dieu, le service divin puisse au temps avenir y estre continué de bien en mieulx, nous avons donné, octroyé et promis bailler et asseoir le numbre et somme de deux centz livres de rente, valantes et levantes à main, pour dire et célébrer par chascun jour en lad. église, à l'issue de matines, une messe de Requiem à noue, sollemnement, et y estre assistans ou service divin et heures canonielles d'icelle église par les personnes et en la fourme et manière qui ensuist, laquelle messe sera célébrée par ouyt chappellains portans l'abbit de lad. église, qui ad ce seront choaesiz par l'evesque et chappitre dud. lieu, pour ce faire cothidianement chascun à son tour par sepmaine et tenir cueur durant la celebracion d'icelle ; avecques lesd. chappellains, seront quatre bacheliers portans led. abbit, choesiz comme dessus par l'evesque et chapitre. Et, tant pour lesd. messes célébrer que pour chascun d'eulx faire residance continuelle au cueur de lad. église durant lad. celebracion d'icelle messe, et estre [es] messes ordinaires et heures canonielles, que desormains seront célébrées et dictes en lad. église tant de jour que de nuyt, auront chascun d'iceulx chappellains quinze 1. par an, à leur estre distribuez par marrelx comme est acoustumé le faire en lad. église, qu'est en somme seix vigntz libvres, et les quatre bacheliers, pour estre assistans esd. messes et heures, auront chascun d'eulx ouyt 1., à estre semblablement distribuez par les marrelx comme dit est, qui se montent trame et deux 1. Et seront tenuz lesd. chappellains et bacheliers, à l'issue de lad. messe, faire une recomandacion sollemne amprès la tumbe de nostred. feue compaigne. Item, pour ce que les deux archepresbtres, qui sont tenuz et obligez à estre au service continuelment en lad. église, n'ont pas revenues suffisantes pour leur sustantacion, avons ordrenné qu'ilz auront chascun d'eulx cent soulz, qu'est deix 1. par an... Durant laquelle messe et recommandacion y aura deux cierges de cire ardans ; pour lesquielx maintenir et avoir, a esté ordrenné seix deniers par jour, qui montent » à 9 1. 1 s. 3 d. par an. Le diacre et le sous-diacre recevront chacun 9 1. 1 s. 3 d., celui qui baillera les marrelx (méreaux), 40 s. par an, et le surplus montant à 8 1. 16 s. 3 d., sera distribué aux chanoines. Pour l'assiette des 200 i. de cette fondation, Jean V donne à l'église de Vannes le manoir de S ( -Robin et la terre de Plouvara; mais comme ces biens fonds avec les 100 1. de rente assignées sur la recette du domaine excèdent les 200 1. de la fondation, le duc veut en outre qu'il soit dit tous les jeudis à son intention une messe basse de l'office du saint Esprit.

23o8 Pouvoirs des commissaires sur le fait des Marches.

Inclus dans un procès-verbal du 20 sept. 1438 (Ar. L.-Inf., E 187 ; anc. Tr. des Ch. K. B. 24). — Inclus dans des lettres du roi Charles VII, données à Orléans le 22 août 1439 (Ibid.; anc. M. E. 18). — Inclus dans des lettres de Jean V (Plus loin n©» 2384 et 2385).

1438, 2 mai. — «Jehan... A touz... salut. Savoir faisons et bien acertenez des sens, leaulté, preudommie et bonne discreccion de noz bien amez et feaulx escuiers, conseilliez et secrétaires Thibault de la Claretiere, maistre de nostre houstel, maistre Robert Lespervier, nostre seneschal de Nantes, Jehan Blanchet l'aisné, Guillaume Grimault et Jehan du Masle noz secrétaires, icelx ou

DR JEAN V, DUC DE BRETAGNE l85

troys d'eux, dont lesd. de la Claretiere et Lespervier seront tous jours deux, avons commis et députez

quant afin de comuniquer, entendre et besoigner avecques les conseilliers et commissaires de M« r le roy, telz qu'il lui plera commectre et ordonner, à la reformacion et cnqueste du gouvernement des marches communes et avantageuses entre mond. s** et nous, sur les marches de Bretaigne et de Poictou, que devant ces heures ont esté debatues aucunement entre les officiers de mond. s** et les nostres, en traictier et apointer, y besoigner et conclure jouxte les enquestes qui par elx ensamble en seront faictes, ainsi et en la meniere que faire le pourrions si presens y estions de nostre personne. Et ce qui par elx y sera fait et besoigné, promectons le tenir et avoir ferme et agréable sans aller à rencontre. Tesmoign ces présentes signées de nostre main et seellées de nostre petit seel de nostre chancelerie.

Ainsi signé, Par le duc, escript de main. — Par le duc, de son commandement. — Guinot. »

Lettres de surséance en faveur des religieux de Redon .

Orig. jad. scellé sur s. q. (Ar. Ille-et-Vil., H, f. de l'abb. de Redon, liasse 17). — Copie du 2 déc. 1640 (Ibid.).

A Redon, 1438, 14 mai. — « Jehan... A nostre bien amé et féal conseillier maistre Pierre de l'Ospital, nostre président et autres... salut. Receu avons la supplicacion et humble requeste de noz humbles orateurs les abbé et convent du benoist moustier monseigneur Sainct Saulveur de Redon, contenant que comme ils ayent esté fondez de noz prédécesseurs, qui leur ayent donné et baillé plusieurs privilèges et prérogatives touchant le fait de la juridicion temporele dud. moustier, et mesmes soient en possession et saesine d'excercer juridicion spirituele en leur territoire dud. moustier, sens ce que les subgiz d'icelui soient tenuz d'obbeir en simple querelle pour l'evesque ne archediacre de Vennes, fors seulement le jour de leur visitacion, ne ailleurs que aud. lieu de Redon à Peglise de Nostre Dame devant les officiaulxdud. evesque et dud. moustier ; et que pour occasion de lad. juridicion spirituele lesd. evesque et archediacre, chascun pour son interests de leur part, et lesd. abbé et religieux d'autre, soient en proceix par appellacion et autrement en court de Rome, quelx sont uncore pendans et indiscux, et desquelx proceix l'advenement est en doubte ; et que non obstant tout ce, lesd. evesque et archediacre, par eulx, leurs gens, commis et députez, ont voulu excercer par manière de usurpacion, juridicion spirituele et visitacion es églises subgites dud. moustier, autrement et en autre manière qu'ilz n'ont droict et possession de le faire et contre Pestât des prérogatives et privilèges dud. moustier et desd. abbé et convent, en les voulant trubler sur leurs possessions et saesines, et pour ce que icelx abbé et religieux ont voulu garder leurs droitures et possessions, en impeschant aucuns se portans serviteurs desd. evesque et archediacre qu'ils ne feissent aucuns esplez de juridicion oud. territoire, autrement qu'il n'appartient et que lesd. evesque et archediacre n'ont droit et possession de faire, Nos procureurs generaulx, en obbeissant à nos lettres et mandement, ont fait donner ajournement aud. abbé et à aucuns des religieux par devant nous et nostre consoill, tendans afin d'infraction de nostre sauvegarde, pour ce que lesd. evesque et archediacre et que que soit leurs serviteurs qui faisoient lesd. esplez estoient en nostre sauvegarde, à la notice desd. abbé et religieux, ainsi que disoient, faisans leurs conclusions à toutes fins pertinentes au cas, lesquelx abbé et religieux ayent voulu décliner et excepter de se délivrer devant nous et nostred. consoill pour plusieurs causes contenues en leurs proceix et autres. Sur débat de quoy ait

l86 LETTRES ET MANDEMENTS

esté appointé par nostred. consoill que, en attendant que on peust veoir et visiter aucunes lettres faisant mencion de leursd. privilèges, prérogatives et droitures, lesd. abbé et religieux ajournez se comparoistroient devant nous et nostred. consoill le lundi prochain après que seroit chanté en saincte église Cantate, au lieu où tendroient nos gens assign[ences], et que sur ce et toutes leurs raisons leur seroit fait droit, comme à plein est contenu oud. proceix, daté le xxn e jour de février derroin. Et nous ayent supplié lesd. abbé et religieux, attendu que le débat qui est entr'eulx et lesd. evesque et archediacre conscerne le fait de lad. juridicionspirituele, qui est revocquée endoubtepar le débat 'des parties, quelles en sont en proceix devant leur juge compettant, ainsi que devant est dit, [qu'il] nous pleust faire retarder et soursaeirs le procès de nozd. procureursà rencontre d'eulx, jucques passé soit entr'elx de ce que dit est, en court de Rome ou ailleurs, où la cause, de sa nature, doit estre traitible. A la supplicacion desquelx voulans obtempérer, ne voulans que par occasion du port ou soustennement d'aucuns de nos officiers, procureurs ne autres, lesd. abbé et religieux ayent aucune grevance, vexacion ne travaill, ne soustenir proceix qui feust préjudiciable à leurs privilèges et juridicion, attendu mesmes qu'ilz dient estre en possession de défendre leur juridicion spirituele, en laquelle possession lesd. evesque et archediacre, par leursd. commis les eust voulu trubler, impescher et usurper, Vous mandons faire retarder et soursaers led. proceix intempté à instance de nosd. procureurs, et lesser lesd. abbé et convent paisibles et hors de tout ajournement jucques ad ce que passé soit et discuté entr'elx de leursd. debaz devant les juges à qui la cognoessance en appartient, sauff à reprandre et poursuir led. proceix passé de leursd. debaz, si le cas Ta en soy; et nous mesmes par ces présentes en la manière que dit est mettons led. proceix en sourseance et à nozd. procureurs en impousons silence, etc.

Par le duc. — Par le duc, de son commandement : l'abé de Beaulieu, Pierres de la Marzeliere, Jehan Guiho, Yvon de Rocerff, Jamet Godart etpluseurs autres presens. — J. du Masle. »

23lO

Décharge pour Jean Guéri f accusé à tort de malfaçon dans la construction des murailles

de Rennes.

Vidimus du i5 février 1449 (Ar. mun. de Rennes, liasse 134).

AKerjehan,i4.38, 17 mai. — « Jehan... A touz... salut. Comme par aucuns haingneux et malveillant de nostre bien amé et féal Jehan Gueriff, bourgois de nostre ville de Rennes, nous eust esté raporté et dennoncé que celui Guerriff, qui a eu pluseurs convenans à nostred. ville au fait des clostures et murs d'icelle, et en faisent icelx murs s'estoit mal porté et y fait pluseurs grans abus, ainsi que disent icelx raporteurs, comme d'avoir mis matière de mortier en icelx que n'estoit pas bonne, et ou millieu d'icelx avoit mis pierre gectée sans estre assiise de maezons si non comme les porteurs la mectoint, et n'avoint pas fait les matières bonnes et suffisantes, ains les avoir fait faire de terre, et autres abussemens qui longues seroint à raconter ; et pour icelx voirs et visiter et nous en faire rapport, eussions commis noz bien amez et feaulx conseillers l'evesque de Nantes nostre chancelier, nostre grant maistre d'ostel, Jehan d'Ust président de noz comptes, et nostre trésorier gênerai; et en oultre depuix, semblablement eussions commis noz bien amez et feaulx conseillers et secrétaires Symon Delhoye, Guion de Carné et Jehan de Touscheronde, lesquelx noz commissaires se sont transportez sur lesd. murs, en présence desd. raporteurs et de pluseurs et en grant nombre des

bourgois de nostred. ville, par pluseurs et divers jours, et y fait venir maczons et autres ouvriers en ce recognoissans, sur ce jurer dire vérité que par pluseurs endroiz d'icelx murs et que que soit es lieux où icelx raporteurs leur ont monstre et aparu, et les [ont] rompuz, ouvers et visitez par touz les lieux où icelx peussent estre mal faiz; et par la rellacion et infourmacion d'icelx et de chascun faicte deuement, ait esté trouvé que iceulx murs avoint esté faiz bien et deuement et de bonnes et suffisantes materes selon les divis et poins desd. convenans. Pour quoy, actandu la relacion d'icelx et bon rapport dud. Guerriff que faicte nous a esté de sa personne et bonne renommée par pluseurs de nozd. officiers et pluseurs et en grant nombre desd. bourgois, qui nous ont rapporté icelui avoir faiz de grans deligences et honnorables services au fait de la clouaison de lad. ville, icelui Jehan Guerriff, ses hoirs et successeurs et autres ses compaignons, si aucuns sont, d'icelle accusacion et proceix avons quicté et quictons par ces présentes generalment de tout ce que on leur en pouroit faire demande en quelque manière que ce soit ou temps advenir, et de ce que en a fait de luy en suymes bien contens. En mandant à noz cappitaine, son lieutenant, connestable de nostred. ville... cesser touz proceix et accusacions qui à celle cause se pourroint faire all'encontre de lui et de sesd. compaignons en quelque manière, en leur imposant et imposons sillance perpétuel... Et pour ce que led. Guerriff y a soustenu pluseurs domoiges, dont suymes tenuz de bonne raison l'en desdommoiger, nous lui avons ordonné et ordonnons par ces présentes prandre et avoir sur les deniers de la reparacion de Rennes la somme de trame escuz d'or, à lui estre poiez présentement sanz dissimulacion par Pierre Pépin, receveur et miseur d'icelle, auquel mandons l'en conctanter et à celui ou ceulx qui orront le compte d'icelui miseur lui rabatre icelle somme de xxx escuz...

Ainsi signé, Par le duc, escript de sa main. — Par le duc, de son commandement, presens : le grant mestre d'ostel, l'abbé de fieaulieu, Pierre de la Marzeliere et autres pluseurs. — G. de l'Abbaye. »

Décharge de 181 marcs, S onces, 16 esterlins d'argent pour Jean Mauléon, trésorier de

l'épargne.

Copie dans un mémoire produit vers 1467 par le fils de Mauléon (Ar. L.-Inf., £ 204 ; anc. Tr. des Ch.).

Au ch« de l'Hermine, 1438, 24 mai. — « Jehan... A noz bien aftiez et feaulx conseilliez les gens de noz comptes, salut. Nous vous mandons et commandons que vous allouez et mectez en clere mise et descharge à tiostre bien amé et féal conseiller Jehan Mauléon, trésorier de nostre espargne et garde de noz joyaulx, le numbre et somme de ix u i m., v o., xvi esterlins, maille et tierz d'esterlin d'argent, qu'il a baillé de nostre commandement, en pluseurs espèces de marcs et veille vexelle d'argent qu'il avoit en garde pour nous, à Pierres de la Haye, orfèvre de Rennes, pour nous faire certaine vexelle de cuisine double dorée, sellon que plus à plain est contenu et fait mencion en une relacion signée de la main de Jehan Juzel, auditeur de noz comptes, qui présent estoit à lad. baillée... Et ce voulons, sauff aud. Mauléon à estre rechargé de lad. vexelle quant elle sera faicte, du poiz que elle sera trouvée peser.

Ainsi signé, Par le duc, escript de sa main. — Par le duc, de son commandement. — A. Guinot. »

iS8

Mandement d'enquérir sur le tracé des douves destinées à remédier aux débordements

du lac de Grand-Lieu.

Expédition n'ayant pas été scellée et sans souscriptions (Ar. munie, de Nantes, série II).

A Redon, 1438, mai. — « Jehan... A noz bien amez et feaulx escuier et consoilliers noz senneschal, alloué et procureur de Nantes, Thebaud de la Claretiere, Alain Raymond, Jehan Blanchet l'aizné et Thomas Moreau ', salut. Receu avons la supplicacion et humble requeste qui de la part de pluseurs noz hommes et subgiz, tant nobles que autres, demourans es parroesses de S 1 Philibert de Grant Lieu, de la Marne, de S* Lumine, de S* Mars de Coutays, de S fc Mesme, de S* Pazaine, du Port S 1 Père, de Breint, de Boaye, S» Legier près le Port S* Père, de S* Aygnen, du Pont S 1 Martin et de la Chevroliere, tenans et qui ont héritages environ les rivages du lac de Grant Lieu, ezpousans icelles parroesses en grant partie estre contigues et ajacentes dud. lac et des rivières dessendentes en icelui, avecques et de la rivière du Tenu, et que anciennement, pour aucuns impeschemens et chaussées qui avoient esté faictes et édifiées, tant la chaussée de Pilon comme la chaucée Le Roy et celle de Veux, par le moyen de pluseurs pescheries, maroys et bresses qui s'estoient fourmées au dessus et à dessoubz de lad. chaussée de Pilon, sur aucunes desquelles pescheries nous est deu certain devoir, le cours de Peau descendent dud. lac et des rivières qui y affluent estoit impesché, telement que les terres et heritaiges desd. expousansen grant partie estoient diminuez et grandement empirez. Et jadis, sur la complainte qui en fut faicte à noz prédécesseurs, nous fut octroyé des prédécesseurs desd. supplians certains devoirs et rentes annuelles qui encores nous sont poiez chascun an sur les retraiz dud. lac, montans à bien sept vigns 1. de rente ou plus, pour et ad ce que les impeschemens qui occupoient le cours de Peaue dud. lac feussent remis en tel estât que Peaue d'icelui peust avoir son cours en la rivière de Loyre où il avoit et a acoustumé se évacuer, et que les prédécesseurs desd. expousans peussent de leurs héritages adjacens dud. lac joir et user à leur proufit, et auxi que pluseurs grans chemins qui par les occuppacions dessurd. estoient submergez, feussent évacuez ; nyantmoins lesquelles choses et servitut qui nous est fait chascun an de la rente que prenons sur lesd. retraiz, y a de présent plus grande occupacion que oneques mais, car la submersion dud. lac et des eaux qui y descendent est tele et si grande, que elle fait dommage aux nobles et commun peuple d'environ led. lac de la valeur de plus de mil 1. par an, combien que tousdis on les compelle au poiement faire des rentes d'icelx retraiz qui sont submergez par lesd. eaues, ou très grant grieff, lésion et dommage desd. expousans, quelx, pour le bien de la besoigne et adfin de évacuer lesd. submersions, ont avisé de faire douves commenezans près led. lac environ les mettes de S 1 Aignen, conduyans par auprès du herbregement de Souche, traversans nostre forest de Nantes en se randant près la pointe des tailleix de PEspronniere, en descendent à la chaussée de la Breviere et en Pestier dud. lieu, à se essever par led. estier en la rivière de Loyre, pourveu qu'il nous pleust tollerer que ainsi feust et donner licence de le faire, humblement le nous requérant. Savoir faisons que nous, desirans eschiver le dommage que lesd. expousans ont et pevent avoir par les submersions desd. eaux et augmenter le bien de la chouse publique de celx

i. Les trois derniers noms ont été raturés sur le document.

lieux, eue sur ce deliberacion et avisement en nostre grant consoill, vous mandons... vous transporter es lieux que lesd. expousans dient avoir avisé, en y appellant des gens congnoessans en telle chose, pour voirs et vous acertenner sommairement et de plein si par lesd. lieux ou par autres que vous aviserez estre plus convenables, les eaux dud. lac et rivières qui y himerdent se pourront convenablement évacuer et prandre leur esseff à descendre en lad. rivière de Layre, au moins endommagera et à maindre coustage que faire se pourra, tant pour nous que pour lesd. expousans, que pour les autres qui ont et pevent avoir héritages par où lesd. douves se poursuivront. Et si vous avisez que ce soit chouse à faire convenablement, nous voulons et ordrennons dès à présent que icelles douves et autres euvres ad ce convenables soient faictes aux despens desd. expousans et de touz autres qui ad ce seront à contraindre, avec le desdommage ou recompense de ce que sera occuppé par le fait desd. douves, par meuble ou par héritage, à voz esgars et ordrenance ; par lesquelles voz ordrenances nous voulons l'euvre estre commencée, conduyte et parachevée jucques à conclusion d'icelle. Et pour ce faire et sattisfier les recompenses nécessaires estre faictes aux parties à qui il appartendra, icelles quant ad ce appellées, voulions qu'il soit fait taillée et egaillement sur lesd. expousanz et autres qui proufit y pourront prandre et avoir, par vous ou deux de vous, appeliez un ou deux de chascune desd. parroesses, et ycelle levée par voz commis... Donné en nostre ville de Redon, le (en blanc) jour de may, l'an mil cccc trante huyt. »

23i3 Création d'un office de chantre dans la collégiale de Lamballe.

Copies du i«" mars i533 et de sept. i656 (Ar. Côtes-du-Nord, E 187, f. de Penthièvre).

A Vannes, 1438, 3 juin. — « Jehan... A touz... salut. Comme nouvellement nous ayons fondé ugn collîeige de certains numbres de chanoynes en l'église parrochial de N. D. de Lamballe, amprès laquelle fondacion nous, voyans qu'il estoit convenable pour le bien et honneur d'icelle église et colliaige y avoir ugn chief qui en eust le gouvernement, ayons en iceluy colliaige commis et institué ugn doyen, chieff dud. colliaige, et en iceluy constitué en dignité. Et dempuix icelle meismes fondacion, après et dempuix l'institucion dud. doyan, ayent esté receuz en icelle église et colliege aucuns jeunes enffens corristes qui checun jour aydent à faire le service divin, dyent les petitz versetz et Benedicamus es heures, portantz la croueiz et l'eau benoiste et les cierges es processions, et y font plusseurs aultres services qui moult sont à l'honneur de lad. église, à la louange de Dieu et de la glorieuse Vierge Marie sa digne mère, ou nom de laquelle est lad. église fondée ; et il soit très expédiant et neccessaire, à ce que lad. église et collieige puissent estre honnorablement servye ainsi que apartient à église collegialle, que lesd. jeunes corristes qui de présent y sont et qui pour le temps avenir y seront receuz, soint prins et instruictz en l'art de musique et que que soit en leur plain chant, à ce qu'ilz puissent valloir et ayder aud. service faire, quelle chose ne se peult faire sans grant charge et coustaige. Meismes ayons esté advertilz que, pour l'honneur de lad. église et collaige, est bien licite y ordonner une aultre dignité qui ayt le nom de chantre et qui porte la charge de livrer les leczons à matynes et à vigille de mors, commander les anthoines, respons et alleluyes, et aultres choses qui seront à faire et dire en lad. église, en cueur et ailleurs, auquel soit ordonné aucune revenue oultre celle qu'il prend et doit avoir ou gênerai numbre desd. chanoynes mys aud. colliaige ; Savoir faisons que nous... voulions et ordonnons que, pour le temps advenir,

y aura et de présent y avons créé et institué ugne dignité qui sera nommée et appellée la chanterie de lad. église et colliaige, et celuy qui la tiendra en sera dict et appelle chantre, et avant touz lesd. chanoynes et aultres personnes dud. colliaige il présidera et sera le premier après le doyen, aura le gouvernement du cueur et la charge de livrer par luy ou aultres qu'il commectra, lesd. leczons, invitatoires, anthoines, respons, versetz et alleluyes et aultres choses, tant en cueur que es processions où sera led. colliaige. Meismes aura la charge de monstrer et aprandre ausd. jeunes corristes jucques au numbre de quatre enffens, leurd. plain chant et le parssurs dud. art de musique, au mieulx que faire le saura et poura. Et d'icelle dignité aurons la collacion, institucion, provision et toute aultre disposicion que nous avons retenu et retenons, nostre vye durante, et après nostre deceix à nostre aisné filz et principal héritier, et à noz successeurs tenans nostre principaulté checun en son temps. Et pour docter en partye lad. dignité à ce que elle puisse estre maintenue et durer à tousjours mais et porter lesd. charges, actendans y docter et faire plus ample doctacion, avons ordonné et ordonnons que celle dignité ou celuy ou ceulx qui la tiendront, checun d'eulx jouyront de la somme de vignt cinq 1. de rente ou pension annuelle sur nostre recepte dud. Lamballe, y avons présentement assigné..., à estre poyées celles sommes aud. chantre... Et en oultre, nous du tout acertennez, à plain confians des scens... et bonne diligence envers nous de nostre bien amé chappelain sire André Quillart, l'un des channoynes dud. colliaige..., à iceluy... assignons lad. dignité et chanterie... Si prions et requérons révérend père en Dieu et nostre bien amé et féal conseillier Pevesque de S 1 Brieuc... ajouster son decrect et tout ce confirmer..., et aud. doyen... instituer de par nous led. sire André en lad. dignité et luy bailler et assigner estai en cueur, ou lieu suserain au costé sinistre et parroil lieu en chappitre... En tesmoign de ce et pour valloir en perpétuel, nous avons faict seeller ces présentes de nostre seel en laz de soye et cire verd.

Par le duc. — Franczois. — (Sur le reply) Par le duc, de son commandement. — De Carné. — Par M« r le comte, de son commandement. — J. de Vay. »

Lettres d'amortissement pour la collégiale de Quint in.

Copie du 7 oct. 1643 (Ar. Côtes-du-Nord, G, f. de la collégiale de Quintin). — Copie du XVII« s. (Collection de M. Arthur de la Borderie ; anc. arch. du château de Quintin). — Annuaire des Côtes-du-Nord, 1860, p. 58-66.

A Vannes, 1438, 11 juin. — « Jehan... A tous... salut. Receu avons la supplication et humble requeste à nous faite de la part de nostre cher et aimé cousin et féal Jehan, sire de Quintin, contenant que messire Geffroy, sire de Quintin, son oncle darain decedé et duquel il est héritier principal, emeu de saine et entière dévotion, désirant de pourvoir au salut de son ame et affin de prier Dieu pour les âmes de lui, ses prédécesseurs et successeurs, longtemps et auparavant son decez, o l'octroy et assentement dud. suppliant son nepveu, qui son hoir principal et présomptif et attendant estoit pour lors, ordonna et fonda en l'église Nostre Dame de Quintin, située près le château dud. lieu, «n laquelle gisent et reposent les corps dud. feu messire Geffroy et autres ses ancestres, un collège de cinq chapellains, qui, par lad. ordonnance et fondation, doivent et sont tenus dire et disent par chacun jour en lad. église toutes les heures

canoniaux à noue, à la manière et comme Ton fait aux églises collegialles et cathédrales, et deux messes chacun jour, sçavoir est : une petite messe de Nostre Dame à la fin et parachèvement de matines, et la grande messe à nottes aux environs de midy ; pour lequel service dire et célébrer à jamais en perpétuité, led. fondeur ordonna auxd. cinq chapellains la somme de six vingt 1. mon. de rame, de levée et par chacun an, et pour payment et assiette (ficelle rante, led. fondeur leurs bailla et transporta et assis le nombre de trante six tonneaux et six perrées de gros blez, mesure de Moncontour, et à iceluy nombre de blez fournir et payer par chacun an, obligea pour lui et ses hoirs trois dixmes à lui appartenantes en la parroisse de Quessouay, en la chatellenie dud. lieu de Moncontour, sçavoir : la dixme du bourg de Quessouay, la dixme de Val Hermelin, la dixme de Cresoual, et, en cas qye lesd. trois dixmes ne suffiroient à payer lesd. trante six tonneaux et six perrées de gros bleds, leur obligea la dixme du Bouessic en lad. parroisse, jusqu'au nombre qui resteroit dû estre payé prins sur lesd. trois dixmes. Et pour lesd. cinq chapellains et leur estre aydants à dire et faire led. service dans lad. église et collège, ordonna deux petits coreaux auxquels bailla assiette et voulut qu'ilz eussent et prinssent, chacun an, sur la dixme du Bouessic le nombre de dix huit perrées de gros bleds de lad. mesure. Et outre, led. feu sr de Quintin, par son testament et darniere volonté et en ordonnant de ses choses, assertainé du bon service et office divin qui quotidiennement estoit fait et continué en lad. église et collège, voyant et regardant que led. collège et chapellains d'iceluy estoient peu fondez veu la grande charge qu'ils avoient aud. collège, désirant toujours les augmenter et icelle fondation estre maintenue et perpétuée en lad. église, donna, céda et transporta, pour lui et ses hoirs, aud. collège et chapellains d'iceluy et à leurs successeurs tenants le lieu d'iceux, outre le nombre des rames susd., la somme et nombre de trois tonneaux froment de rente, de levée par chacun an, mesure dud. lieu de Moncontour, à estre prins, levés et receus par eux, leurs commis et députés, en et sur les dixmes à lui appartenantes au terroir de Quessouay, au temps et termes que lesd. dixmes ont accoustumé d'estre levées et payées par chacun an et à jamais, lesquelles dixmes en gênerai lui appartiennent aud. terroir de Quessouay, et leurs obligea et hypothéqua pour lui et ses hoirs au payment dud. nombre de trois tonneaux froment, dicte mesure, et en outre leurs bailla et ordonna quatre chartées de foin par chacun an, à leur estre randues jusqu'à leur habitation et demeurance dud. lieu de Quintin ; et voulut que lesd. chapellains eussent usage de bois pour leur chauffage en la forest de Quintin, comme de tout ce est plus à plain fait mention es lettres de lad. fondation, recours à icelles '. Dempuis lesquelles fondation et dotation dud. collège de cinq chapellains et deux coreaux que dessus, iceluy feu sire de Quintin et dame Beatrix de Touars, pour lors sa compaigne et épouse, en continuant la bonne volonté et l'affection avec la dévotion que eux et chacun d'eux avoient en lad. église et collège, et pour toujours iceluy maintenir et augmenter et accroistre, et affin que led. service et office divin y fut fait plus solemnellement et Dieu prié par plus grand nombre de chapellains, ordonnèrent et ajoutèrent aud. collège trois chapellains outre les cinq precedens, quieux trois chapellains doivent et sont tenus par lad. ordonnance dire et célébrer une messe chacun jour dans lad. église à toujours mais au temps advenir, et estre presants et assistants à dire les heures avec les autres assemblement et quotidiennement ; et pour ce faire leur céda, donna et transporta au nom de lui et de ses hoirs à toujours au temps avenir, le nombre et somme de soixante 1. de rente, de levée par chacun an, qui est à chacun d'eux vingt 1., à leurs estre payées continuellement par mains de lui

i. Ces lettres, du i5 mai 1405, ont été publiées par D. Morice, Pr. H, 748-754.

ou de ses successeurs jusqu'à ce que led. fondeur, ses hoirs et successeurs en ayent fait assiette et baillée par héritage ; pour laquelle somme de soixante 1. de rame, leurs a esté puis nagueres, en payement et assiette d'icelle rante, baillé, cédé et transporté par led. suppliant, le nombre de soixante raix de seigle, mesure de Quintin, par chacun an à jamais, auquel nombre de soixante raix de seigle payer et fournir par chacun an, led. suppliant obligea tous les revenus, profits et émoluments et toutes les dixmes à lui apartenantes au temps du payement, au terroir et baillage de la forest de Quintin, ou en l'evesché de Cornouailles ou en celluy de S 1 Brieuc ; et, en cas que lesd. dixmes ne pourroient fournir de payer led. nombre de seigle par chacun an, leurs a obligé au nom que dessus, toutes et chacunes ses autres dixmes estantes et situées en son terroir nommé le terroir de Botoha, au diocèse de Cornouailles, jusqu'au nombre que [ne] pourrqient fournir lesd. dixmes du baillage de la forest. Et combien que lesd. fondations et dotations ayent esté faites tant par led. feu sire de Quintin que par led. suppliant, sire de Quintin et du Perrier, qui les a approuvées et eu agréables et soy y est consenty et consent, et que par vertu d'icelles lesd. chapellains ayent toujours fait et font continuellement et quotidiennement led. service et office par la manière ainsi qu'il est ordonné, ce neantmoins led. suppliant et lesd. chapellains font doutte que ce nonobstant, icelle fondation et dotation par aucuns des successeurs desd. fondeurs seroient révoquées et annulées au temps avenir, tant parce que lesd. dixmes et choses à eux baillées et transportées en la manière susd. n'ont esté par nous amorties, que par autres causes qu'ils pourroient dire et alléguer à rencontre de lad. fondation ; pour quoy led. suppliant, persévérant en sa bonne volonté et dévotion, qui de tout son cueur désire lad. fondation estre maintenue et perpétuée en lad. église, affin que led. service et office divin y soit continué ainsi qu'est ordonné, et mesme lesd. chapellains nous ont humblement supplié qu'il nous plaise, de nostre grâce et affin que soyons participans es bonnes prières et oraisons qui ont esté et sont faites en lad. église, amortir lesd. dixmes et rames baillées et oblatées aud. collège, jusqu'au nombre dessusd. baillé par les fondeurs. Pour quoy nous... amortissons par cestes présentes toutes et chacunes les dixmes et rantes baillées et octroyées esd. chapellains et collège par la fondation et dotation que dessus, et en voulant et vouions qu'elles soient tenues de nous à tout jamais au temps avenir comme à fief amorti, sans que lesd. chapellains ni leurs successeurs tenans lesd. chapellenies soient tenus au temps avenir à nous payer droit de rachapt, ne faire à nous ne à nos successeurs ne autres, quelconques autres redebvances, obéissances ne recognoissances aucunes, à cause desd. héritages et dixmes leurs baillées, ainsi que devant est contenu, fors à nous et à nos successeurs seullement, comme pour cause de fief amorti. Si mandons et commandons à nos seneschaux, alloués et procureurs de Rennes, de Cornouaille et du ressort de Gouellou, etc.

Ainsi signé, Par le duc. — Et sur le repli : Par le duc, de son commandement, presemz: l'abbé de Beaulieu, l'archidiacre de Kemenedily, Jehan de Musillac, Pierre Ivete, le seneschalde Broerech et autres. — Loret*. »

23 1 5 (Mandat de paiement)

Copie papier (Ar. L.-Inf., E 204; anc. Tr. des Ch.).

A Prières, 1438, 29 juin. — « Jehan... A nostre bien amé et féal conseillier Jehan Mauleon, trésorier de nostre espargne, salut. Comme nous eussions nagueres ordonné à Auffroy Guynot,

1 . « Et scellé de cire jaune (verte) en lacs de soye verte. »

DB JEAN Y, DUC DE BRETAGNE ig3

nostre trésorier et receveur gênerai, de bailler et délivrer dedans le xv e jour de juign prouchain venant, la somme de cinq cens 1. monnoie aux gens de nostre beau fîlz Pierres, pour partie de son estât et despence ; Et soit ainsi que les gens de nostred. filz soint présentement venuz devers nous espérant y trouver nostre trésorier, lequel pour présent n'est point devers nous, par quoy le puissons faire poier lad. somme de v e 1.; Si vous mandons et commandons que, incontinant ces lettres veues, vous baillez et délivrez lad. somme, des deniers de nostre trésor, à Jehan de Treal, pour icelle somme envoier à nostred. filz, sauff à vous à recouvrer lad. somme sur led. trésorier, et qu'il vous en assigne en manière que en puissez estre poié dedans la mi aougst prouchaine venante; et si le cas avenoit, par mort ou aultrement, vous fussez desapointé de voz offices avant avoir recouvré lad. somme, nous voulions que icelle somme de v* 1. vous soit allouée à voz comptes, etc. Ainsi signé, Par le duc, escript de sa main. — Par le duc, de son commandement. — Godart. »

Mention dans un compte (Bibl. nat., ms. fr. 11543, fb 34; anc. Ch. des c. de Nantes).

1438, 3o juin. — Quittance du duc à Eon Conan, receveur de la châtellenie de Duauit, de la somme de 12 1. payée sur ses recettes. — Signé, Par le duc. — J. Babouin.

Mention dans un factum de l'année 1671, p. 11 (Ar. L.-Inf., G 1).

1438, 16 juillet. — « Lettres patentes en forme d'arrest, portant décharge et exemption des ouvriers et monnoyers de la ville de Nantes, du droit d'impost qui leur estoit lors demandé par le fermier d'iceluy, ensemble de tous autres imposts, tailles et subsides quelconques. »

Ordonnance établissant l'égalité des fouages pour tous les vassaux du territoire de

Montfort.

Vidimus du 3o août 1438 (Ar. L.-Inf., B, Franchises). •

Au chiteaude Blain, 1438, 3o juillet.— «Jehan... A touz... salut. Comme autresfois à la requeste de deffunct le cardinal de Montfort, lors prieur de S 1 Ladre, nous eussions donné franchise de touz fouaiges et subsides à ses hommes dud. prieuré demourans es troys parroesses de Montfort, savoir est : S 1 Jehan, S 1 Nicholas et Coulon, laquelle franchise, à la supplicacion dou prieur qui à présent est doud. lieu de S* Ladre, aions ratiffié et approuvé ; Et que dempuis, à la requeste de nostre très cher filz et féal le conte de Laval, sire de Montfort, disant que ses hommes proches demourans esd. parroisses delessoient son fié inhabité et s'en alloint loger et demourer ez fiez doud. prieuré, pour la franchise et exempcion que y avions ottrié, nous aions donné pareillement franchise à iceulx hommes de nostred. filz ; Et il soit ainsi que religieux hommes et honestes les abbé et convent de S 1 Jacques près Montfort nous aient présentement remonstré comme, par cause desd. franchises, les hommes proches de lad. abbaye sont allez demourer ez fiez de nous franchiz comme dit est, et ont

le fié (ficelle abbale delessé comme frost et inhabité ; par quoy les rentes et revenues de lad. abbale sont très grandement diminués, tant en fermes de moulins qui souloint moult valoir que es autres droiz, jurisdicions et appartenances de lad. abbale, et au très grant préjudice, dommage et détriment d'icelle, et plus pourroit estre si lesd. franchises avoint lieu et les fiez de lad. abbale demourassent chargez et contributoires aux fouages et subsides dessusd., car par ce lesd. moulins cherroint en ruyne, et seroint les revenues de lad. abbale en celle partie comme dou tout perdues et degastées, requerans humblement iceulx religieux sur ce nostre provision et remède convenable. Savoir faisons que nous.., affin d'obvier au grieff et préjudice... feit auxd. religieux..., voulons et ordennons que les fiez et hommes dessusd., tant de nostred. filz comme de l'abbaie et prieuré dessusd., soient pour le temps avenir réglez... en contribucion et poiement des fouages et aultres subsides, esgalment en la manière que anciennement avoint acoustumé le faire, sanz avoir esgart esd. franchises de nous ottriés comme dit est, lesquelles, avec toutes les lettres sur ce données avons cassé et anullé... et decleré de nulle valeur, sauff en ce que touche seulement les habitans en la closture de lad. ville de Montfort, laquelle voulons demourer en lad. franchise. Etoultre, comme ainsi soit que les habitans desd. troys parroesses de Montfort, hommes proches de nostred. filz et aussi doud. prieur, dempuis le temps de la franchise qui par nous leur estoit ottrié, aient contribué au paiement des aides qui de par nous ont esté ordennez à lever es villes de nostre pals, et neantmoins aucuns receveurs desd. fouages, puis lad. franchise, aient voulu contraindre iceulx hommes desd. troys parroesses à poiez les fouages comme ilz avoint acoustumé, sanz avoir esgart à lad. franchise ne à ce qu'ilz ont contribué es aides dessusd., disans lesd. receveurs en avoir esté rechergez en la chambre de noz comptez, Nous, ne voulans yceulx hommes porter double charge, mesmes qu'ilz esperoint lad. franchise leur valloir entièrement, voulons et ordennons qu'ilz soient et demeurent quittes... de tout ce que lesd. receveurs leur demandent et pourroint leur demander à cause de fouage dou temps passé puis le temps de lad. franchise, par ainsi qu'ilz y contribueront es temps avenir ainsi que dit est. Si mandons expressément... à touz... ceste nostre ordennance, revocacion et quictance tenir et faire tenir, etc.

Ainssi signé, Par le duc, escrit de sa main. — Par le duc, de son commandement et en son conseil, presens : Vous, l'evesque de Léon, l'abbé de Beauleu, Jehan de Ust, le trésorier et pluseurs autres. — Godart. »

Mention dans une quittance du 25 août 1438 (Ar. L.-Inf., E 174; anc. Tr. des Ch. M. B. 8).— Mention dans un inventaire non folioté, de Tannée 1570 (Ibid., E 246 ; anc. V. B. 2, 6 f°* avant la fin).

Au château de Blain, 1438, 3o juillet *. — « Lettre faisant mencion que M* r le duc avoit remis et

1. L'inventaire, qui seul indique la date de lieu, donne à ces lettres la date du 1" juillet 1436. La leçon de la quittance — que nous adoptons — nous semble de tous points préférable. On ne comprendrait pas en effet que le duc eût voulu se faire livrer Champtocé avant le contrat du 21 janvier 1438 (voy. le n* 2296 visant ce contrat), par lequel Gilles de Rays lui cédait cette seigneurie. S'il est difficile de s'expliquer autrement que par une distraction Terreur de l'inventaire sur la date de Tannée, on peut du moins se rendre compte de la confusion commise sur la date du jour, laquelle était exprimée par le mot pénultième ; étant données les abréviations de l'époque, il y a une certaine similitude entre pénultième et premier. Ajoutons que l'acte est daté de Blain dans l'inventaire ; or cette résidence concorde parfaitement, pour le 3o juillet 1438, avec l'itinéraire du duc (cf. n- 23 18 et 2320). Sur la foi du présent inventaire — nous ne connaissions pas alors la quittance — nous avons, dans notre Itinéraire de Jean V (Introd., p. cxxxi), indiqué- uir séjour à Blain le i« juillet 1436; il faut par suite supprimer cette étape.

DK JEAN V, DUC DE BRETAGNE ig5

pardonné au s* r de la Suse le deffault, amende et interestz en quoy il povoit estre encouru vers lui, pour deffault de non avoir rendu es mains du sire de Rost[r]enen y commis de par mond. sv le duc, le chastel et forteresse de Champtocé •. » — Signé, Par le duc et par Auffroy Guinot.

Ordre de payer jooo écus au sire de Rqys.

Vidimus du 22 juillet 1455 (Bibl. de Nantes, f. Bizeul ; anc. Ar. de Rohan, Actes notables, n* 248). —

Analyses dans un inventaire (Ar. L.-Inf., E 219 ; anc. Tr. des Ch. T. F. 8).

A Blain, 1438, 2 août. — « Jehan... A nostre bien amé et féal conseiller Jehan Mauleon, trésorier de nostre espargne, salut. Comme par avant ces heures nous aions contracté avec le sire de Rais, de ses chastel, terre et chastellenie de Chantocé, heritelment pour nous et nos enffans, et par le moien d'iceli contract ayons promis li faire bailler et livrer certaine somme de finance au montement de cent mil escuz, en ce comprins et compté les sommes que ja par vous et autres li avions fait délivrer sur ses terres de Rais, de la Benaste, de la Mothe Achart et ce qu'il devoit à nostre chancelier, Geuffroy le Ferron et autres, au désir des contraictz sur ce faiz, dont preneismes charge d'en faire l'acquit ; Et de présent led. sire de Rais soit venu devers nous, et nous ait dit et signifié que l'empeschement que son frère de la Suze et autres li avoint mis sur la possession et joissement d'icelx chastel et chastellenie avant ces heures, par quoy il n'avoit peu son contract entériner ne nous en livrer et bailler saesine ainsi qu'il avoit accordé, li seroit osté et de touz poins mis hors, moiennant la somme de vu* escuz que pour ce il avoit promis et octroyé bailler à sond. frère et autres, desquelz il nous a suppliez et requis faire faire le paesment, à ce que le contract dessurd. fust entériné et acompli ; Nous, qui pour riens ne voudrions que ainsi ne fust, à ce que de nostre part la chose ne soit retardée, ne que on puisse dire que en nous ne tienne qu'il ne sorte son effect, vous mandons et commandons icelle somme de sept mille escuz bons et de paes, bailler et paier en présence de nostre chancelier et Jehan de Ust, nostre conseiller, ou de l'un d'eulz, aud. sire de Rais ou qu'il ordonnera, sur et de la finance par nous autresfoiz ordonnée pour nos enffans Pierres et Gilles, dont avez la charge, pour icelle pour eulz amployer en héritage, ainsi et par la forme que ensuit: c'est assavoir, présentement aud. sires, à sa main ou qu'il commettra pour li, trois mil escuz, en vendant pour celle somme à nosd. enfans et dont retirerez le contraict, le nombre de cent cinquante 1. de rente sur les chastel et chastellenie de Pournic, u cas que en celle seignorie et en droit de ses héritages ilz seroint contens de les prandre et avoir, et si non, sur tous les héritages, terres et revenues quelconques que celi sires a en nostre pays, à nostre choais et élection, à cornmancer en un lieu et pareschever de prochain en prochain ; et au regart desd. quatre mil escuz restans desd. vu» escuz, vous les mettrez, en la présence de nosd. chancelier et conseiller ou l'un d'elx, et dud. sires et celx qu'il y voudra apeler pour les veoir compter et numbrer, en main deposite, en nostre ville de Nantes et mesons de Jehan Chauvin nostre conseiller, Gillet Barbe, Geffroy le Ferron ou l'un d'elx, à la conservacion dud. sires de Rais ou d'autres qu'il vous nommera ;

1. On sait d'ailleurs par un Mémoire (Ar. L.-Inf., E 175, et D. Mor., Pr. II, 1340) que les parents du maréchal de Raya — René de Raya, s* de la Suze, était son propre frère — pour obvier aux prodigalités du baron, avaient occupé plusieurs de ses châteaux.

ig6 LETTRES ET MANDEMENTS

ausquelx, citost que arez eu parfaicte cognoessance que led. chastel sera en nostre main et que Yvon de Kersaliou sera dedans iceli le plus fort, et qu'il le vous ara fait savoir, baillez et délivrez lesd. mi* escuz entièrement, en deschargent desd. cent mil escuz et de tant nous acquicter vers li. Et pour ce que ne suymes certains sy tant avez de finance entre mains, de l'argent ordonné pour nosd. enffans, pour le présent, comme montent lesd. vu* escuz, nous voulons et suymes contens que vous prenez de l'argent de nostre trésor pour les fournir par autant qu'il en deffaudra, sauf à vous à les remettre et restituer le plus briefvement que faire le pourrez, de la finance de nosd. enffans que sur ce présent foage leur avons ordonné, se par vous elle est receue...

Ainsi signé, Par le duc. — Par le duc, de son commandement et en son conseill, uquel : Vous, l'evesque de Léon, Jehan d'Ust, [Thebaud de la] Claretiere et autres estoient. — A. Guinot. »

Mention dans un compte de Mauléon, trésorier de l'épargne (D. Lob. II, io38; D. Mor., Pr., II, 1270).

1438, 4 août.— Mandat de paiement de 5,ooo liv. « au sire de Rays,à valoir sur les cent m escus pour le contract de Champtocé *. »

Lettres d'apanage pour Pierre de Bretagne, fils de Jean V.

Orig. scellé en cire rouge sur s. q. du sceau n<> 9 (Ar. L.-Inf., E 2 ; anc. Tr. des Ch. L. C. 9).

A Vannes, 1438, 28 août. — « Jehan... A tous... salut. Comme pour contanter le sire de Rais de l'acquest de Chantocé, Nous ayons prins entre autres choses 11 e l 1. de rante que avons acquis dud. sires de Rais, u nom de beau filz Pierres, sobz condicion de racquitz declerez par les contractz sur ce faiz, recours à icelz ; et dempuis les ayons cédez et transportez aud. sires de Rais à valoir aud. acquest, Savoir faisons que nous, desirans reconpancer led. beau filz Pierres desd. 11 e l 1. de rante, li avons aujourduy baillé et transporté la chastellenie et parc de Duaut o leurs apartenances, jucques aud. numbre de 11 e l 1. de rante, à en joir soubz les condicions et en la manière declerée par nos autres lettres, des autres pièces li baillées pour semblable reconpance des autres terres que avons prinses de li et baillées aud. sire, recours esd. lettres ; et Poutreplus des levées et revenues desd. chastellenie et parc, li avons assigné à valoir sur sa pancion. Si donnons en mandement à nostre trésorier et receveur gênerai et au receveur particulier dud. lieu, et autres...

Par le duc. — Par le duc, de son commandement et en son conseill, uquel : M*- le comte de Monfort, Vous, l'evesque de Léon, le grant mestre d'ostel, messires Piere Eder et Jehan de Kermellec, ch er », Jehan d'Ust et autres estoient. — A. Guinot. »

1. Par contrat du 21 janvier 1438, le sire de Raya avait vendu au duc les châtellenies de Champtocé et d'Ingrandes pour le prix de 100.000 écua d'or (Ar. L.-Inf., E 174; anc. Tr. des Ch. M. C. 10 et M. C. 19).

Lettres d'apanage pour Pierre et Gilles de Bretagne, fils de Jean V.

Orig. scellé en cire rouge sur s. q. du sceau n<> 9 (Ar. L.-Inf., E 2 ; anc. Tr. des Ch. L. C. 9).

A Vannes, 1438, 3i août. — « Jehan... A touz... salut. Comme par noz lettres patentes parmy lesquelles ces présentes sont annexées *, Nous ayons voulu et ordenné que nostre beau filz Franc* zoys, comte de Montfort, eust et joist pour le temps avenir des chastel, terres, chastellenies et seignouries de Chantoucé et d'Ingrande, que de nouvel et puix naguieres avons eu et acquis du sire de Rays, et que pour recompance des terres et seignouries que deparavant avons eu et acquises dud. sires et baillées à noz enfianz jouveigneurs Pierres et Gilles de Bretaigne, à valoir sur leur apanage, desquelles les avons desaesiz et rendues aud. sires, au désir de nosd. lettres, ilz eussent et joissent o les condicions et en la manière en nosd. lettres contenues, de noz chastellenies de Hedé, Lamballe, Lannuyon, Gouvreyn et Chasteaulin en Cornouaille, Savoir faisons que ce neantmoins, ce jourduy, en présence et du consantement.de nostred. beau filz le comte, Nous avons voulu et ordenné que nosd. enffanz Pierres et Gilles ayent et joissent par moictié, pour le temps avenir, desd. chastel, chastellenies et seignouries de Chantocé et d'Ingrande, avecq les acquiz de Loire et autres revenues y pertinentes et apendentes, à valoir sur leur avenant et ce que pour iceli leur avons ordenné ; et que nosd. chastellenies de Hedé, Lamballe, Lannuyon, Chasteaulin et Gouvreyn nous demeurent tout ainsi et en la manière que elles estoint paravant led. contract et ainsi que si oncs n'en eust esté parllé ; ainsi dit et condicioné que, non obstant ce présent transport et baillée, si s'est le plaisir et volunté de nostred. aysné filz d'avoir et recouvrer celx chastel, chastellenies et seignouries de Chantocé et d'Ingrande, il le pourra faire dedanz seix anz prochains, en rendant et baillant à sesd. frères les chastellenies et seignouries précédentes en la manière et o les condicions contenues esd. lettres. Et pour ce que le tout des terres et seignouries que avons promises bailler aud. sire de Rays ne sont pas uncores acquictées de l'evesque de Nantes nostre chancelier, le chappitre dud. lieu et Geffroy le Ferron, dont, par la forme dud. contract de Chantocé, avons promis faire l'acquict des deniers et finances ordennez à nosd. enfianz jouveigneurs en la descharge de leurd. frère aysné, nous avons voulu et ordenné, voulons et ordennons par ces mesmes présentes que, pour chascun deux mil escuz que de leurd. finance pour celi racquict seront baillez et payez es dessurd., nostred. filz aysné, u cas qu'il vouldroit avoir et recouvrer pour li lesd. chastel et chastellenies de Chantocé et d'Ingrande, soit tenu bailler et aseoir à sesd. frères cent 1. de rente es pays d'Anjou, de Poitou ou le Maine, en l'obboyssance de M* r le roy, en pays paysible, c'est asavoir troys cenz 1. de rente en chastellenie en une pièce, ou quatre centz 1. de rente sans chastellenie, jucques au montant de leurd. finance et pour celi pris. Et ainsi l'avons ordenné tenir et valloir entr'eulx, en présence et o ravissement des gens de nostre conseill. Et pour ce que, dempuix l'ordrennance de noz lettres patentes que dessur, avions ordenné à beau filz Pierres, à valloir à son droit et avenant, deux centz cinquante 1. de rente sur nostre chastellenie de Duaut, ainsi que apert par noz lettres annexées à ces mesmes présentes ', voulions, u cas que nostred. beau filz le comte retireroit lesd. chastel et chastellenies de Chantocé et d'Ingrande, celles deux centz cinquante 1. de rente