Communication de M. de Calan

nant que comme il soit ainsi de si long temps qu'il n'est de memouaire du contraire, ilz ont esté en saessine et bone posession de avoir, lever et prandre sur les desmes et autres revenues temporalles de la parrouesse de Plouegresquent, le numbre de cinq pippes de blé de rante chascun an, pour estre enployées trois pippes dud. blé à soustenir les lampes ardans jour et nuyt davant le précieux corps N. S. Jesucrist, au grant austier de lad. église, et les deux autres pippes pour dire un enniversaire soUempne chascun an en lad. église. Et ce neantmoins, messire Henri du Parc ch«f, qui tient à présent lad. parrouesse par certaine donnoisson que nous lui en avons faicte, a refussé et refuse dempuis lad. donnoisson, faire soludon et paesment de lad. rente, à tort et senz cause ; et pour ce, autresfoiz soy retrerent devers nous et nostre conseill pour nous en faire complainte. Sur quoy et pour savoir le certain de la cause, commeismes à certains noz seneschalx, allouez, bailliffs et officiers pour faire informacion... ; et par vertu desquelles, maistre Jehan Doguet et Fouquet Regnart, noz seneschal et alloué de Guingamp,vacquerent suffissanmentàlad. informacion faire et la firent, et icelle nous envoyrent fiablement enclose et fut présentée à nous et à nostred. conseill puis nagueres à Dinan. Et après que icelle fut ouverte, veue, leuue et diligeament visitée, trovasmes que lesd. supplians avoint esté et sont de long temps en posession d'avoir lad. rente et y ont bon et juste tiltre, et plusseurs personnes à qui la terre avoit esté donée par plusseurs sp* et dammes de la Roche Derien et autres qui povoir avoint, l'avoint poyée et fait poier, et quant aucuns avoint tardé de poier icelle, ils en avoint esté mis en sentence de excomunge, et dempuis en venu querre absollucion et lad. rente continuer, et que commune renoumée estoit icelle estre debue. Dont, ces choses bien considérées, mandasmes et commeismes par certaines noz lettres patantes sur cestes, à m« Guillaume le Mitier et Fouquet Regnart, qu'ils eussent maintenuz et réintégrez lesd. supplians royaument et de fait à la pocession et saisine desd. cinq pippes de blé et les en faisent joir, et en cas de opposicion, si aucune en feust, mettre lad. terre en nostre main jusques au montement desd. cinq pippes de blé..., comme plus à plain est faicte mencion en nozd. lettres expédiées à Dinan le segond jour de janvier derrain passé *. Par vertu desquelles, celui le Mitier, nostre conseiller, fist asavoir aud. messire Henri et lui signiffia qu'il feust et compareust, s'il veist l'avoir affaire, davant lui au bourc de Ploegresquent à certain jour...; auquel jour et lieu comparut davant led. m» Guillaume, pour ce, le procureur desd. supplians, et lequel m« Guillaume, en procédant à la matière, considéré que de la partie dud. messire Henri n'y avoit homme qui pover eust de se opposer, ne qui deist que lesd. lettres ne eussent esté mises à excecucîon sellon leur tenour, maintînst et réintégra led. procureur de nosd. supplians en la pocession etsaesine desd. cinq pippes de blé,pour les en faire joir sur les desmes que led. messire Henri avoit en lad. parrouesse par baillée et donnoisson de nous, sauff aud. procureur, en cas que ce ne lui suffiroit, avoir son recours sur les autres revenues dud. messire Henri en lad. parrouesse et jusques ad ce fournir, il print lesd. desmes en nostre main et y commist Guillaume Estienne pour faire à nosd. supplians avoir les paesmens desd. desmes. Et que dempuis^ led. messire Henri ne voullant obbair en ce que nous et nostred. conseiller Guillaume le Mitier, par vertu de nosd. lettres, en avoit fait et ordrenné, en contempnant nosd. mandemenz tellement quellement, se piégea par nostre court du resort de Gouellou et par davant noz seneschal et bailliff d'icelle ou l'un d'eulx, contre lesd. supplians et contre m* Tutgual Peîllac et Guillaume Estienne, leurs procureurs, qu'ils ne aucuns d'eulx, par eulx ne autres, ne peust troubler, molester ne inpescher led. messire