Le reste a disparu par suite d*une coupure de l'original

2. Le i*' compte du trésorier général Guinot (Bibl. nat., ms. fr. 1 154a, f> 6) nous apprend que Jean Labbé partit le 7 janvier 1430 n. s. « pour traiter du mariage de M" Pierre de Breuigne avec la fille du viconte de Touars (Françoise d'Amboise). »

26o LETTRES ET MANDEMENTS

temps passé, baillé, en quoy il s'est grandement empleé à nostre bien..., avons... franchy... led. lieu, héritage et herbregement de TOspital et les demourens en yceluî, de touz fouages..., et en tent les avons anobliz et anoblissons, en voulent quMl soit rabatu un feu... Si donnons en mandement, etc.

Aenxin signé, Par le duc, de sa main. — Par le duc, de son commendement : le compte d'Estampes, Tabbé de Biaulieu, Jahan de Musilac, le garde robier et aultres presens. — Matblin. »

Ratification des restrictions apportées aux dons faits par le duc après l'attentat des

Penthièvre.

Vidimus du lo déc. 1429 (Ar. L.-Inf., E i ; anc. Tr. des Ch. N. C. 20). — Copie du XVII" s. sur papier (Ar. Côtes-du-Nord, E i; f. de Penthièvre). — Analyse (Bibl. nat., ms. fr. 22332, f» 168).

A Redon, 1429, 29 novembre. — « Jehan... A touz... salut. Comme après que nous fusmes délivrez et mis hors des mains de ceulx de Blays et de leur mère, qui longuement nous avoint detenuz et prins faussement et en prodicion en alant à leur convy à Chastoceaux, en commectant vers nous crime de félonie et de lèse majesté ou premier et principal chief d*icelui crime ; par quoy touz leurs biens meubles et héritages estans en nostre pays nous estoint et sont confisquez et acquis et à nostre demaine appliquez, à en disposer et ordrenner ainsi que du nostre propre, et aussi les biens de celx qui furent à la prinse de nostre personne et d'aultres noz hommes et subgiz, qui dempuis soustindrent et portèrent le fait desd. de Blays à l'encontre de nous et de noz bons et loyaux subgiz, et avecques ce, de ceulx qui furent en dejBFault de venir au recouvrement de nostre personne et qui en furent deloyans ou reffusans, en desobboissant à noz editz et commandemens ; pluseurs de noz subgiz nous eussent fait et firent requestes en nous demandant lesd. terres à nous appartenantes par les moyens dessusd.; ausquelx nous feismes donnoisons d'icelles terres en pluseurs manières, sans avoir esgart à la valeur des choses desquelles nous feismes don et transport, pour ce que pour lors n'en estions pas acertennez ; quelles donnoisons furent immenses, excessives et préjudiciables à nous et à noz successeurs et héritiers, ainsi que notairement on le peut savoir; et lesquelx nosd. subgiz en obtindrent lettres de nous, quelles ils firent publier en nostre gênerai parlement tenu à Venues assez tost après que nous feusmes délivrez. A l'encontre desquelles lettres de donnoisons et à la publicacion d'icelles, nostre très cher et très amé aisné fils Franczois, par ses procureurs, soy opposa à toutes fois et pour ses droiz et interestz; quelle opposicion fut receue et fait savoir à ceulx qui desd. donnoisons parnous faictes vouloint user et s'en joir... Et pour ce que ceulx ausqueulx nous avions fait lesd. donnoisons disoint vouloir joir desd. terres à elx données, tant pour elx que pour leurs hoirs et successeurs quelxconcques, quelle chose ils ne povoint valablement, actendu que lesd. choses par nous données avoint esté et estoint incorporées et annexées à nostre propre demaine duquel l'alienacion, quant elle se fait, doit estre auctorisée et faicte o certain mistere, quel n'avoit pas esté gardé, sans lequel lesd. donnoisons ne povoint ne devent sortir ne avoir effect, et que que soit en la manière que faire le vouloint ; — Voulans declerer à plain de nostre intencion et soubz quelles manières et condicions nous avions fait lesd. donnoisons, pour eschiver aux debatz qui par cause de ce peussent ensuir, declerasmes et interpretasmes, nostred gênerai parlement tenant, que nostre entencion avoit esté dès le temps que feismes lesd. donnoisons à quelxconcques personnes que ce feust, et

DC JEAN Vf DUC DB BRETAGNE 26 1

encores estoit que elles estoint extensibles seullement à la personne de ceulx à qui nous les avions faicteSf si par exprès n'estoit fait mencion et déclaré que ce feust pour elx et leurs hoirs ; ouquel cas de lad. decleracion, estoit nostre ferme et délibéré propoux que ce feust à leurs héritiers et enfans malles procréez d'elx en mariage, sans ce que les filles y deussent riens prandre ne avoir, ne les femmes de ceulx à qui avions fait lesd. donnoisons nul droit y reclamer, par cause d'acquest ne autrement après le décès de leurs mariz, s'il n'estoit dit et ordrenné especialement que elles y deussent aucune chose avoir et prandre ; et, ou deffault desd. condicions, c'est assavoir que si celx à qui nous avions fait lesd. donnoisons decedoint sans hoir de leur corps, lesd. choses à elx par nous données nous retournoint et devoint retourner, à en joir comme de nostre propre héritage nous ou noz successeurs ou cause aians de nous, et nous en povions ensaisiner reaument et de fait les prandre, avoir et tenir en noz mains, sans débat ne empeschement, et sans ce que les parens ou héritiers desd. décédez, qui à elx succedoint ou povoint succéder en aultres héritages en ligne ou succession collatéral, y deussent ou peussent aucune chose quérir, avoir ne demander, mais par exprès esd. cas en furent par nous privez. Et doncques, pour pluseurs causes ad ce nous mouvans, plus à plain contenues es lettres sur ce faictes, recours à icelles *, o le consantement et volenté de nostred. aisné fils, ayons fait donnoison et octroy à nostre très cher et très amé fils puisné Pierres de Bretaigne de toutes et chascune les terres à nous appartenantes et qui nous pevent de présent compecter et appartenir, et qui pour le temps avenir nous pourroint escheoir et avenir par les moyens dessusd.,à en joir par héritage pour lui, ses successeurs et héritiers, ainsi et en la manière et forme que faire le pourrions ou temps de présent, des cas advenuz et des autres qui pour le temps avenir escherront et advendront ; et lui en avons cédé et transporté touz les droiz que nous y avons et avoir povons, sans aucune chose à nous en retenir, sauf noz droiz, sou verainetez et l'obboissance, ainsi qu'il appartient en tel cas. Pour ce est il que nous, desirans nosd. ordonnances et donnoisons faictes à nostred. fils Pierres estre enterrinées, et que elles lui puissent valoir et s'en joir ou temps avenir, tant pour l'amour et affeccion que avons à lui que aussi pour son bien et avancement, et affin que aucun doubte ne soit fait en ceste matière, qui empesche ou puisse empescher l'execucion de nosd. dons et transportz, et que on n'y puisse ygnorance prétendre desd. interpretacions et decleracions, mais soint tenues et gardées en la forme et manière que dessus est dit, nous encores d'abondant, par deliberacion et avisement de nostre grant conseill tenu en ceste nostre ville de Redon, là où nous avions mandé les gens des éstaz de nostre pays, icelles interpretacions et decleradions avons louées, ratifiées et approuvées..., et de ce avons fait et faisons loy, constitucion et ordonnance, quelle nous voulons que soit inviolablement tenue et gardée sans aucunement l'enfraindre ne irriter ; en mandant et commandant à noz président, seneschalx, allouez et procureurs de Rennes, de Nantes, de Broerech, de Cornouaille, de Léon et de Treguer, leurs lieuxtenans, etc. Et en tesmoin de ce, nous avons signé ces présentes de nostre main et fait seeller de nostre seel en laz de soye et cire vert.

Ainsi signé. Par le duc, de sa main. — Par le duc, de son commandement et en son grant conseill, presens : M^ le conte d'Estampes, Vous, l'evesque de Léon, les sires de Quintin, de Penhoet, de Rostrenen et de Kaer, le grant maistre d'ostel, le président, l'arcediacre de Rennes, messire Roben d'Esplnay, les seneschalx de Ploermel, de Broerech, de Cornouaille et de Moncontour et aultres pluseurs. — Coaynon. »