LETTRE XV

du même. (2 juin 1487.)

De par le Roy.

Très chers et bien amez, nous avons receu unes lectres que le sieur Desguerdes nous a escriptes^ par lesquelles il nous fait savoir la prinse de la ville de S '-Orner, laquelle est de présent en noz mains et en notre obéissance, ainsi que pourrez veoir par le double des dites lectres que vous envoyons cydedans encloz et, pour ce que ce sont très bonnes nouvelles et grandement à l'avantaige de nous et de notre royaume, nous vous en advertissons voulentiers et espérons que, à l'aide de Dieu, de

vous et de nos aultres bons et loyaulx serviteurs et subgectz, noz affaires de tous costez prospéreront de bien en mieulx et que ceux qui ont entreprins et veullent entreprendre sur nous et notre auctorité n'y gaigneront riens et qu'ilz ne viendront pas au dessus de ce qu'ils cuidoient faire.

Nous vous envoyons aussi le double d'unes lectres que notre cousin le comte de Candalle et les sénescbaulx qui sont avecques lui ont aujourd'lmy escriptes de devant Nantron où est le sieur d'Albret, par lesquelles vous pourrez congnoistre la nécessité en quoy est le dit sieur d'Albret et le double d'un mémoire touchant la response que leur avons faicte et, la chose parachevée, le vous ferons incontinent savoir, avec de noz autres nouvelles. Donné à Laval, le ne jour de juing.

Depuis nos lectres escriptes. nous

avons eu nouvelles de la prinse de Coucy et de Ploermel en Bretaigne, ainsi que semblablement pourrez veoir par le double des lectres qui nous en ont esté escriptes que aussi vous envoions.

CHARLES

Parent.

A noz très chiers et bien amez les gens d'église, nobles, bourgois, manans et habitans de notre ville de Tours.