DE DUPLESSYS, GOUVERNEUR DE LA VILLE DE SAUMUR

( 24 août 4589. )

Messieurs, tout aussi tost que j'ay veu vostre lettre, j'ay faict tenir celles que m'avez envoyées, chacune en son addresse, et ay mandé de tous costez pour recouvrer les hommes que demandez et desquelz pourez avoir affaire aux occasions; mais la diligence ne se fera pas comme j'eusse désiré, parce que toutes les postes qui estoient assizes entre icy et Saint -Jehan s'en sont retournées, à quoy il seroit besoin^ pour-

voir par un nouveau mandement ausdictes postes pour les faire revenir.

Toutes fois, je haste et presse tous les gens de guerre de s'acheminer tant que je puis, je vous ai envoyé tout ce que j'ay peu des miens, ayant bien affaire de ce qui me reste, sur l'advertissement que je viens d'avoir qu'il se faict un amas au pays de Manger pour une entreprise qu'on dit estre sur ceste ville, à quoy je veille tant que je puis. Quant à vous ayder de ma compaignye de chevaux légers, je ne l'ay peu encore dresser, parce qu'on a révoqué l'assignation que le feu Roy m'avoit donnée pour l'entretenir, et ne m'y a on voulu pourvoir, quelque instance que j'en aye faicte. Cependant, Messieurs, je vous supplye bien humblement croire que je n'espargneray jamais ny tout ce qui sera en ma puissance, ny ma propre vye pour vostre conservation et service, vous bai-

saut bien humblement les mains avec prière à Dieu, Messieurs, vous donner heureuse et longue vye. A Saumur, ce xxmie d'aoust 1589.

Yostre humble et affectionné amy à votre service.

DUPLESSYS.

( Suscription. ) A Messieurs, Messieurs les maire et eschevins de la ville de Tours.

(Au dos, en écriture du temps. )

Lettre de M. Duplessi, gouverneur de Saumur, du 24 d'aoust 1589.

LETTRE XLYII

( Ie' septembre 1589.)

Cette lettre et les deux suivantes sont relatives à un complot ayant pour but de livrer la ville aux partisans de la Ligue , le deuxième formé à Tours dans le courant de l'année 1589. Ce complot échoua comme le premier, qui avait été suivi de la destitution du maire Gilles Duverger et des vingt-quatre échevins, justement accusés d'avoir pris part à cette conspiration. Dans cette dernière circonstance, au contraire, ce fut à la fidélité des nouveaux magistrats que l'on dut le salut de la ville. Henri IY en exprime au corps municipal sa gratitude et lui promet protection et reconnaissance.

Noz amez et féaux , nous avons entendu , par le sieur de Manou et aultres

encore, de quelle affection vous vous estes portez pour résister à la conspiration dernièrement faicte en nostre ville de Tours contre nostre authorité et le bon devoir que vous continuez pour la conserver en nostre obéissance, dont nous avons receu un très grand contentement, et trouvons fort bon le renfort que vous avez faict de quelques compagnies de cavallerie et que le payement en soit levé, selon l'ordonnance que les conseillers de nostre conseil en ont faict, vous priant et exhortant, aultant qu'il nous est possible, de continuer en ceste loyauté avec asseurance que nous ne perdrons jamais la mémoire de vostre fidélité, ains que vous en recevrez le fruict en toutes les occasions qui s'offriront de vous faire congnoistre par effect la bonne volonté que nous en avons, selon vostre mérite. Quant aux bruitz que l'on faict courir des forces

de noz ennemis et qu'ilz veulent entreprendre quelque chose sur vous, n'en prenez aulcun allarme; car nous tiendrons, si Dieu plaist, les forces du duc de Mayenne si empeschées de deçà, qu'il n'aura volonté ny moyen de les employer en aultre lieu, et aurons tel soing de vous comme de nos bons , fidelles et affectionnez subjectz, que vous ne recevrez aulcun mal et n'aurez point occasion de craindre la violence de noz ennemis. Priant sur ce Nostre- Seigneur vous avoir, nos amez et féaulx , en sa saincte et digne garde. Au camp de Darnetal, près Rouan, le premier jour

de septembre 1589.

HENRY

Ruze.

(Suscription. ) Nos ainez et i'eaux les maire et eschevins de notre ville de Tours.

( Au dos, en écriture du temps. )

Lettre du Roy du premier jour de septembre

LETTRE XLVIÏ1

du même. (22 avril 1591 . )

Monsieur Cothereau, vous verrez les lettres que j'escrips aux habitants de ma ville de Tours, tendant à estre secouru d'eulx dune bonne somme de deniers, pour subvenir aux despenees qu'il me convient supporter pour la guerre. Faictes moy ce service, comme je me prometz de vous, que de vous emploier à y disposer les dicts habitans, et vous assurant qu'en meilleure occasion vous ne me sçauriez tesmoigner l'affection qu'avez à mon service, laquelle je recongnoistray vollontiers en eiidroitz qui se présenteront de vous

faire du bien; et, en cette vollonté, je prie Dieu qu'il vous ait, Monsieur Cothereau, en sa saincte et digne garde.

D'Espernon, le xxue jour d'avril 1591.

HENRY

Potier.

(Suscription. ) A Monsieur Cotereau, maire de ma ville de Tours.