LETTRE L

du même. ( 22 avril 1591. )

De par le Roy,

Chers et bien amez, le besoing que nous avons d'argent pour subvenir aux extrêmes despenses qu'il nous convient de supporter pour la guerre, mesmes pour l'entretenement des grandes forces estrangères que nous ferons entrer cest esté en notre royaume, pour empescher les pernicieux desseings de noz ennemys, nous faict essayer tous moyens pour en recouvrer, ayant pour cest effect exposé en vente tout ce qui se

peult de iiostre ancien domaine de Navarre et de eeste couronne; mais, d'aultant que l'argent qui en proviendra ne peult estre si prompt qu'il seroit requis pour le bien de nostre service, nous sommes contraincts d'avoir recours à aultres moyens, mesme à espreuver en ceste occasion l'affection que nos bons subjectz ont à la conservation de cest Estât, à leur repos et à nostre service, de laquelle saichant que vous ne ceddez à nuls autres, nous avons bien voulu vous escrire la présente pour vous tesmoigner le désir et besoin que nous avons que vous nous secouriez d'une bonne somme de deniers, à quoy nous vous exortons de procedder si libéralement que vous puissiez servir d'exemple à toutes les autres villes de nostre obéissance de faire le semblable, comme nous nous promettons qu'elles feront, vous nsseurant bien que ne sçauriez nous

tesmoigner vostre bonne volonté en saison et occasion qui plus le requière, pour le bien de ce royaume, ny dont nous vous puissions sçavoir meilleur gré. Donné à Espernon, le xxn* jour d'avril 1591.

HENRY

Potier.

( Sascription. ) Nos chez et bien amez les maire et eschevins de nostre ville de Tours.