LETTRE VI

d'ïolande d'aragon.

(27 novembre 1418.)

De par la Royne de Sicile, duchesse d'Anjou et de Touraine, contesse de Prouvence et du Maine.

Très chers et bien amez, nous envoyons présentement à Tours nostre amé et féal conseiller maistre Jehan Bonin pour faire et besoingner en certaines choses touchant grandement le bien et utilité de nostre ville de Tours et de vous, ainsi qu'il vous dira plus à plain. Sur quoy et autres choses que

lui avons enchargé vous dire et exposer de nostre part, le veuillez oïr et croire, comme nostre propre personne, en lui donnant conseil, confort et aide en toutes les choses qu'il vous requerra par manière qu'en doyez estre recommandez envers nous. Très chers et bien amez, Nostre Seigneur soit garde de vous. Escript à Meun-sur-Yevre, le xxvif jour de novembre.