JUILLET. —AU DUC D'ANJOU

Henry, Prince de Pïavarre, mande au Duc d'Anjou que la lettre quon luy a escrite touchant l'eschange du sieur Strozzy n'est point de ses secrétaires ordinaires, mais de personne qui semble n'avoir autre fin que de le taxer et les seigneurs qui sont auprès de luy, a cause du party que la Reine sa mère et luy ont esté contraints de prendre pour la desfense de la Religion. Il se plaint des mauvais traictements quil luy fait, et de ceux de Guise qui prétendent que le Royaume a esté usurpé sur leur prédécesseurs pour en priver ceux de Bourbon, que ce sont eux qui désirent la ruine du Royaume affin d'establir leur grandeur.

ONsifiDR, je neusse si long temps difTeré a vous faire responce aux lettres quil vous a pieu mescrire du xviii® et dernier du passé, sinon que sur la prière que je vous avois faicte de me

vouloir octroyer ung sauf conduict pour Monsieur de Lestiange, il vous avoit pieu me mander que vous aviez depesché ung courier exprès devers sa Majesté pour scavoir si elle auroit pour agréable, estimant que telle ouverture seroit mise en plus grande considération quelle na esté veu limportance dont elle est et quelle regarde le bien et repos de ce Royaulme et que cela seroit cause que nous en aurions response incontinant. Toutesfois voyant les choses tirer en plus grande longueur que je neusse pensé ny désiré et nen ayant entendu depuis aulcunne nouvelle, je nay vouleu différer plus long temps de faire response a vos dites lettres. Les premières faisans mention seullement de leschange du sieur de Strosse avec autres nos prisonniers qui sont encore détenus en votre camp ou desquels vous avez la foy. Ce que j*avois a bien fort grand plaisir pour satisfaire a votre désir et contentemant sil y en avoit encore des nôtres qui fussent de pareille qualité que le dit sieur de Strosse et dont leschange se peust trouver sortable. Pour le regard de vos dernières, daultarit que cy devant il men a esté escript qui contenoient en substance presque pareil et semblable subject ausquelles je me suis abstenu dy respondre particullierement, maintenant comme fere je ne puys, Monsieur, que je ne vous dys que sachant fort bien que vous navez faulte de secrétaires qui savent et bien dire et bien escrire, il seroit fort difficille de pouvoir remarquer ou recongnoistre en vos lettres quelque chose qui approchast de leur stile pour estre le langaige fort obscur et confus et tapt esloigné des phrases accoustumées en la langue francoyse et de la vulgaire et comune façon de parler quil est trop aysé

a voir que lautbeur est estranger se demonstrant tant affecté quil semble quil iiayt eu autre fin et intention que de me taxer et blasmer et les seigneurs que jay près de moy ausquels on faict tort et a moy de leur vouloir imputer quils empruntent mon nom, veu quon scait assez par les déclarations qui en ont esté faictes par escript les très justes et très nécessaires occasions pour lesquelles la Royne de Navarre ma mère et moy avons esté non seullement obligez a nos consciances mais contrains a notre très grand regret de nous voir joindre a la defTence et tuition de ceste tant juste et saincte cause si mieulx nous neussions voulu estre veus déserteurs de Ihonneur de Dieu, de ceste couronne , de notre propre rang, de nos honneurs, de nos vies et de nos biens. Et combien que je recongnoisse bien ce que vous me manday , Monsieur, que jay bien peu daage encore qui ne soit pas fort esloigné du votre et que par ce moyen on puisse dire quil est malaysé que je puisse encore asseoir grand jugement sur les affaires qui sofTrent, si ay je pourtant desja assez vescu pour congnoistre que ceulx qui ont donné les occasions de c^ remuemens et renouvelle ces troubles contre le gré et volonté de sa Majesté et des principaulx oHiciers de sa couronne et de son conseil sont aultant ennemys et envieux du bien et repos publicq de ce Royaulme que ceulx qui sont maintenant a mon conseil en sont amateurs et désireux et que silz ont este honnorez destatz et dignités ce na point esté pour avoir ^demouré a ceste fin près les personnes des prédécesseurs Roys, mais pour les avoir méritez en grands et notables services quils ont faicts a ceste couronne, et tels qung chacun scait. au bien,

grandeuret avancement de laquelle ils ne sont moins affectionnes quils ont tousjours esté ny moins prestz dexposer pour la conservation dicelle leurs vies, leurs biens et tous les moyens que Dieu leur a donnes comme ils désirent faire de mesmespour votre service particulier. De facon^ Monsieur, que je ne puis bonnement penser avec quelle apparence de venté on nous veult faire croire que nous voulions ruyner et renverser cest estât auquel, oultre que jay cest honneur dapartenir de bien près, on scait assez que tous les honneurs , grandeurs et dignitez que nous avons et que nous pouvons jamais espérer sont tellement conjoinctz avec le salut et conservation de ceste couronne quelles en sont inséparables , si ce nest quau lieu que nous ne recherchons que les moyens de nous conserver, on nous veulle faire croire que nous soyons tant aveuglez que de nous vouloir perdre et nous diffamer nous mesmes. Cela, Monsieur, se pourroit beaucoup mieulx adresser a ceulx qui ont tant de foys avec si justes occasions esté nottez et remarquez dâffecter cest estât et jusque a faire faire une recerche de leur généalogie par le moyen de laquelle ils ont bien osé mectre en avant que ceste couronne avoit esté usurpée sur leurs prédécesseurs par nos ancestres : et non pas a ceulx sur lesquels la suspicipn du désir de régner ne peult justement tumber, et qui ne craignent rien plus que de veoir les justes et légitimes possesseurs de ceste couronne estre dechassez pour en investir une race estrangere. Sont ceulx la^^Monsieur, qui désirent et pourchassent la subversion et ruyne de ce royaulme daultant quavec icelle leur grandeur y est conjoinct et qui poi^r y parvenir nont trouvé moyens plus propre

que de susciter, entretenir et augmenter les divisions et parcialitez qçi ont jusques a cest heure eu cours en ce royaulme , et qui par artifices . merveilleusement subtils ont bien sceu vandre le sang de la maison de France contre soy mesmes, et comme contrainct le Roy Monseigneur de se servir de son braz gaulche pour coupper son bras droict , po^ir puis après plus aysence luy ravir son septre, et non pas ceulx qui nont jamais rien tant désiré ny procuré que le repos et tranquilité de ce royaulme et qui naguère encore vous ont supplié de leur vouloir octroyer sauf conduict pour envoyer le sieur de Lestiange vers sa Majesté affin de luy proposer des ouvertures et moyens de parvenir a la paix. Ce sont ceulx la, Monsieur, qu'il faut craindre quils veuillent introduire une autre puis* sance et autorité en ce royaulme que celle qui y esjt maintenant et que Dieu y a légitimement establye, et qui ont des communications et intelligences si estroicr tes avec les estrangers ennemys naturels et conjurez de cest estât qui ne hayssent rien plus que la prospérité et transquillité dicelle et non pas ceulx qui non intelligeance sinon avec estrangers qui de tous temps et ancienneté ont este amys allez et confederez de ceste couronne de laquelle ils ne désirent rien plus que la conservation et grandeur. SurquoVi Monsieur, je pourrois déduire beaucoup dautres choses si je ne craignois vous ennuyer dune longueur, je laisseray doncques ce propos pour respondre au surplus contenu en votre lettre et mesmement, Monsieur, de ce que vous mescripvez quil na esté tué en votre Camp aulcun prisonniers de sang froid que le feu sieur de Stuard avec lequel jen pourrois nommer beaucoup

dautres. Mais je me contenteray seullement de rementevoir la façon dont a esté traicté feu Monsieur le Prince de Condé, daultant que cela vous touche, Mon-* sieur, et cest chose assez certaine et hors de doubte, et que sa mort a laissé ung exemple a la postérité dune insigne lasch'eté, infidélité et cruaulté sil en fut jamais, veu, Monsieur, que ceulx qui le massacrèrent ne peurent estre retenus et divertis de lexecution dung si meschant acte pour le respect quils dévoient avoir a la grandeur de votre sang duquel il avoit cest honneur destre si proche et quils en ont faict comme du plus pauvre et misérable soldat de toute larmee. Et quant audit feu Stuard je mesbahisbien fort, Monsieur, puisque vous délibériez le faire mourir par voye de justice quayant esté mené devant vous, ainsi quon ma dict, vous ne le feisiez bailler en garde pour cest efTect, estimant bien neantmoins que sil eust esté coulpable du meurdre du présidant Minard et dautres crimes, comme on vous a faict entandre, on neust attendu si long temps a len faire punir, veu mesme quil a esté entre les mains de la justice et mis a la question pour ce regard sans que neantmoins il ay jamais esté attainct ny convaincu du meurdre dudit Minard ny dautres crimes quelscuonques et quon sceu assez quil a esté depuis six ans ordinairement a la Court, estant bien vray semblable que sil y eust eu quelque couleur ou apparence seullement pour le fascher et travailler,^ comme on a cherché tous les moyens de ce faire, on neust pas attendu a luy improperer ledit metirtre ny dautres crimes a sa mort. Car quant a feu Monsieur le Coonestable, oultre ce que je ne voudrois dire que cuyt estre ledit feu Stuard qui lâyt tué pour nen scavoir

rien, il est bien hors de double et assez commung quil fut blessé en pleine bataille et en combattant et non pas de sang froid et quil deceda depuis en sa maison. Quant a ce que vous mendez, Monsieur^ que vous avez renvoyé la plus part des nôtres qui estoient prisonniers en votre Camp sur leur foy, nous en avons faict de mesme a beaucoup des vôtres et ne puis, Monsieur, que je ne me pleigne du sieur du Pons duquel il vous avoit pieu accorder leschange avec les dits Sieurs de Montandre, de Languillier et de Chaulmont parce quil na satisfaict a sa promesse en ce quil na renvoyé ledit Sieur Languiller, lequel on ma rapporté estre encore en votre Camp. Et entant que touche La Barbe, il est toujours demouré en suspens de sa délivrance a cause quil vous avoit pieu escripre cy devant que vous accordiez quil fust eschangé avec S' Genyes lequel je vous puis assurer sur mon honneur navoir esté encore ny veu en ceste armée et quil fault quil soit aux trouppes des vicontes ou jay expressément depesché pour en scavoir des nouvelles. Quant au Sieur de Primes , je vous supplye 1res humblement^ Monsieur, croire quil ne se trouvera point quil ayt este traicté de la façon quon vous a rapporté ny quil ayt esté seuUement veu après le combat, estant bien certain quil fut tué sur le champ comme aussi a esté S' Loup a la dernière escarmouche et que je ne voudroit en façon quelconque consentir ny même advouer, ny approuver tels actes qui sont du tout esloignez de toute générosité et de toute humanité ne doubtant point que Dieu ne les ayt en horreur et detestacion et quil nen face la justice et vengence. Lequel je supplye, après mestre très humblement recommandé a vos bonnes grâces,

VOUS donner^ Monsieur, bonne et longue vie. Escript au Camp d'Âvaille le xn" jour de juillet 1569.

Vôtre très humble et très obéissant freré et serviteur

Uenrt.

(Port. Godefroyi 257.)