SEPTEMBRE. — AU ROY
o» Seigiïïur, ce qui a retardé jusques apresent la reddition de la ville Doribac entre les mains de votre Majesté a esté les menaces et emportemens dont usoit le S' de Montai tant contre le S'' d'Â^mbres qui commendoit soubs nous aux pays d'Auvergne et Rouergues que contre tous ceulx de la religion qui y sont, comme votre Majesté l'aura peu
2(i LETTRES INÉDITES
entendre par le S*^ de Briqueniault le fils qui est allé devers vous. Si est ce que elle n'empeschera point que de tout notre pouvoir ne vous facions rendre l'obéissance que vous demandez aux dits pays et ville Dorlhac et a ceste fin nous asceurons au dit S' d'Ambres que, toutes difficultés cessant, il ayt a satisfaire de poinct en poinct au contenu de lesdict de pacificacion, et en ce faisant quil remette ladite ville Dorlhac et aultres lieuxy places et chasteaux qui pourroient estre encore tenus par nos commandemens en ces quartiers la es mains de tel gentilhomme quil plaira a votre Majesté y envoyer, a quoy nous nous asseurons que le dit d'Ambres ne fera aulcune difficulté. Mais, Monseigneur, nous vous supplions très humblement vouloir mander au dit S^ de Montai de se comporter de telle sorte aux dits pays que l'animosité quil pourroit avoir conceu et les menaces dont il use ne puyssent causer aulcun inconveniens au préjudice dudit esdict et de la dite religion ny pour aulcunes plaintes de ses actions. Si nous assurons que vous métrez en cela ung expédient, nous ne vous ferons afection plus longue, mais nous prirons le Créateur que vous donne.
Monseigneur, en santé parfaite très heureuse et longue vie.
À Chatillon ce 23 septembre 1570.
Vos très humbles et très obéissants subjects et serviteurs
Henrt.
Henrt de Bouebon.
(Port. Godefroy, 257.)
DE HEIfRY IV. 25
i570, 2i NOVEMBRE. — AU ROT.
Le Roy de Navarre mande au Roy qu'il a fait une levée de deniers sur les villages despendant de la Rochelle sans commission de S. M. pour la subsistance de quelques Lansquenets mais du consentement toutefois des peuples pour le redimer des desgats qu'ils font, que cette levée ne monte qu'a 4000 I.
ONSEiGNEURy A mon arrivée de deçà je trouvay quelque bon nombre de lansquenetz qui vivoient a discrétion escartez ça et la chargeans et foulans grandement le pauvre paysan. Et dautant que nous navions moyen quelconque de les envoyer et licencier, je lés feiz ramasser et mettre ensemble et leur baillay commissaires qui auroyent Tœil sur eux pour empescher les ruynes et degastz qui se pouvoient faire. Et neantmoins telle observation na peu garantir, comme j eusse bien désiré, ce pauvre peuple d'en estre grandement chargé et fouUé, comme il ma esté remonstré par plusieurs foys, et a qûoy pour le devoir de la charge quil a pieu a vostre Majesté me commettre par deçà jeusse très volontier pourveu par une ouverture qui se faisoit de lever sur les villages de La Rochelle, les-
quels pendant les troubles derniers avoient receu quelque secours et service de ceste nation, certaine somme pour leur nourriture, chose que jay autant quil ma esté possible différée et recultée encore que jy veisse ung manifeste souUagement pour le peuple, scachant bien comme il nest aucunement loisible aux gouverneurs des provinces de faire lever des deniers pour quelconque occasion que ce soit sans commission et ordonnance de vostre Majesté. Toutesfois, Monseigneur, voyant nostre impuissance de les envoyer continuer, pressé aussi du domaige que recepvoyt oe pauvre peuple qui s'est volontairement offert estre contribué pour leur nourriture, jay accepté leur offre et commandé la levée en estre faicte selon le département que eux mesmes en avoient faict et ce pour ung moys peudant lequel nous espérons quil se présentera quelque occasion et moyen de les envoyer. Vous ayant cependant bien voulu advertir de ce que dessus pour prévenir toute calompnye, ne doubtant pas quil ny en ayt quelques ungs qui eussent volontiers travaillé a vous faire recepvoir de mauvaise odeur ce mien depportement que jay faict seuUement pour le soulagement de voz subjects et devoir de la charge dont je suis honnoré de vostre Majesté en ces pays de Guyenne et de Poictou, vous suppliant très humblement , Monseigneur , commander auctorization et approbation estre expédiés dii département faict sur les dictz villaiges et du commandement et ordonnance que jay faict faii^ ladite levée qui ne montent seuUement que a quatre mil tant de livres ainsy que pouray veoir par icelluy
département que je vous envoyé. Et sur ce je feray fin priant Dieu vous donner,
Monseigneur, en parfaicte santé très heureuse et longue vie*
De La Rochelle ce 21 • Novembre 1 570.
Voslre très humble et très obéissant subject et serviteur.
Henry.
(Port. Godefroy, 257.)
1582, 14 JAJSVIER.— A MM. LES PRESIDENS ET CONSEIL- LERS DE LA COURT DU PARLEMENT DE PARIS, EN LA CHAMBRE DE LA JUSTICE ORDONNÉE ET ESTABLYE PAR LE ROY MON SEIGNEUR EN GUYENNE.
Ess". M'ayant faict entendre le S' de Thou vostre arrivée en ce pays de Guyenne et la bonne volonté et affection que vous avez de bien dignement et fidellement administrer la justice qui vous a esté commise par le Roy Mon Seigneur, pour Texecution de son Ëdict de paceffication en cedit pays, s'en retournant ledit S' de Thou, j'ay bien voulu vous tesmoigner par ceste cy Tayse et contentement que j'en ai receu; m'asseurant tant de vostre droiture et intégrité que vous la vooldrez faire paroistre en la conservation du droict de tous ceulx qui
auront à faire à vous sans difTërence ne distinction de relligion, suivant la volonté et intention du Roy mondit Seigneur y declairée par sondict Edict; qui me gardera pour ce regard d'user d'aulcune persuasion en voz endroictz, si ce n'est pour vous pryer d'aller faire vostre première séance en la ville de Libourne, et vous asseurer que je vous tiendray la main et assisteray de tout mon pouvoir en l'exécution de voz arrestz et jugemens contre tous ceulx qui y vouldront desobeyr et y mettre du trouble et empeschement, afin que Tauthoritë qui vous apartient vous en demeure et a moy le gré et contentement de m'y estre employé comme je doy; ainsi que je ferai semblablement en tout ce qui concernera Tinterest gênerai de vous tous et de chacun de vous en particulier, avec la mesme affection qu'ayant pryé ledict S' de Thou de vous en rendre d'aultant plus certains et asseurez je me remetray sur luy pour prier Dieu, Mess", vous avoir en sa sainte garde.
Escript à Nerac le xiiii* jour de janvier 1 582. Vostre byen affectyonné amy
Henky,
(F. Dupuy, 569, f» 32, r*.)
i587, JUIN. — PROTESTATION ET DÉCLARATION DU ROY DE NAVARRE SUR LA VENUE DE SON ARMÉE EN FRANCE.
OMME nous ayoDS des là première révocation de l'Edict de Paix assës particulièrement faict entendre par nostre déclaration et protestation à tous ceux qui sont de sain et entier jugement, et lesquels ne sont prévenus d'aulcune passion, l'occasion de la prise de noz armes, n'avoir esté que pour guarantir et defTandre le Roy nostre souverain Seigneur, ceux de nostre Maison et tous les bons François de l'oppression des ennemys conjurés de ceste Couronne et de F Estât; et que noz actions et deportemens à l'encontre des assaulx et orages de quatre ou cinq années, que nous avons eu sur les bras par l'espace de dix huit mois' et plus, nous servent de certain et asseuré témoignage de nostre dicte intention ; n'ayans jusques icy opposé contre les susdictes forces conti*aires , ainsi que nous en avions bien les moiens, mais une guerre deflensive, nous contenans en noz places sans nous mestre aucunement aux champs, tant pour soulager le pauvre peuple des misères et calamités, que les gens de guerre, quelques disciplinés qu'ilz soient, luy causent; comme aussy
pour l'espérance que nous avions que ceste nostre patience atiediroit la fureur et rage de ceux de la Maison de Lorraine, et que ce-pendant Sa Majesté recognoistroit la vérité de leurs pei^nicieux dessains, qui est de totalement exterminer la Maison de France et se faire place à l'usurpation de ce jadis tant florissant Royaume, suivant la trace que leurs prédécesseurs leur ont frayée, dont les Mémoires trouvez entre les papiers prins à Auxonne font ample foy, oultre les aultres preuves très certaines que l'on en a d'ailleurs, pour l'avoir cognue, y estre par Sa Majesté le remède apporté, qu'EUe estimeroit le plus nec*essaire et salutaire. Ce nonobstant sadicte Majesté, par les artifices des partisans de ceux de la Ligue, se trouve tellement possédée par ces Ligueurs et l'audace d'iceux si accreûe qu'ilz ont despuis trois ou quatre mois en ça par plusieurs et diverses fois ozé entreprendre contre sa personne et sur la capitale ville de son Royaume, esmeu et faict armer de nuict a cest efTect leurs partisans de la populace , se sont saisis de quatre ou cinq places au gouvernement de Picardie, et desfaict les forces que le Roy envoioil, pour contregarder le reste de leur surprise; mesme ont détenu prisonnier celuy qui les conduisoil; et lorsque Sa Majesté a pancé les sommer de rendre lesdictes places, ilz ont commancé à capituler avec Elle, luy faisant demande d'Angers et de Vallence, qu'il disent leur avoir esté ostees, comme s'ilz y avoient quelque droict, de sorte que pour avoir leur amytié, Sa Majesté a esté forcée leur laisser les places de Picardie, qu'ilz luy ont prinses et leur rendre les prisonniers qui avoient attenté sur Boulongne, au lieu d'en faire punition exemplaire telle qu'ilz la meritoyent,
comme crimînelz de leze Majesté aussi bien que leurs aucteurs. Pourquoy, Nous, Henry de Bourbon, Roy de Navarre, Henry de Bourbon, prince de Condé, Henry de Montmorency, premier officier de la Couronne et mareschal de France, craignans que l'ambition de ces Ligueurs n'apporte une ruine totale à cet Estât duquel la conservation nous est en singulière recommendatlon, comme nostre devoir nous y oblige pour le rang qu'il a pieu à Dieu de nous y donner; constrainctz à nostre très grand regret en une maladie extrême et déplorée de laquelle ceste pauvre France est affligée, user de remède et moyen extraordinaire qui est la force, déclarons et protestons que les armées que nous délibérons mestre aux champs par laide et secours des anciens âliez et confederez de ce Royaume, très alTectionnés au repos et bien d'icelluy comme ilz ont faict paroistre par les ambassades qu'ilz depescherent vers Sa Majesté Tannée passée, ne sont point par nous dressées pour nous opposer à Sa Majesté, de laquelle nous ferons par eflect cognoistre que nous sommes très humbles et très obeissantz subjectz et serviteurs ; mais pour la délivrer de la tyrannie de ces Lorrains ces conjurés ennemys et les nostres et luy faire rendre Tauctorité qu'ilz luy ont usurpé et usurpent tous les jours, à ce qu'elle puisse estre obeie de tous, remestre tous les princes, seigneurs et gentilshommes vrais et bons François en leur auctorité, preeminances, honneurs et dignitez, et par une assemblée générale et libre des Trois Estais de ce Royaume, légitimement convoquez, pourvoir au soulagement de ce pauvre peuple par l'abolition de tant d'impostz mis sur icelluy à la suggestion de ces estrangers, et establir
une bonne et ferme paix en ce Royaume. Su[^lions Sa Majesté avoir pour agréable la prise de noz armes et croire que nous ne les prenons que pour luy, pour sa liberté et pour son service, prests de les tourner là part (sic) ou il luy plaira nous commander. Prions aussi tous Rois, Princes, Seigneurs, Gentilshommes, Courts de Parlement, Bourgeois, Villes et Commuuaultez^ tant voisins et aliez que subjectz de ceste Couronne , nous vouloir asister et secourir en ceste tant saincte et louable entreprise, soit de leurs personnes, vivres, armes ou autres moyens, à ce que par leur négligence nostre si hault dessain ne demeure à exécuter; déclarants louis ceux qui s*y opposeront directement ou indirectement pour ennemys conjurés de cest Estât et de la tranquilité d'icelluy ; et tous ceux qui ne s'y opposeront tant Ecclesiasticques que aultres Catholiques , nous protestons les prendre en nostre protection et sauvegarde, et les maintenir et conserver au mesrae Estât de religion qu'ilz sont de présent, et en tous leurs biens, droictz, privilleges et libertez, sans y rien innover, ny altérer en aucune manière, tout ainsi que nous faisons eu Guyenne, Languedoc et Dauphiné.
Donné à Fontenay le Conte le.... juin mil cinq centz quatre vingtz et sept.
Henry.
Lallibr.
(Fonds Dnpay, 323, f» 271. Quoique M. Berger de Xiyrey ait publié cette protestation d*aprèft le Recueil A, B, C, nous la reproduisons, parce qne ce texte présente quelques différences et semble moins retobché.)
