SEPTEMBRE. —A MON COUSIN LE SIEUR D'AUMONT MARÉCHAL DE FRANCE

OIT cousin. Le S' de Sillery, mon ambassadeur en Suisse, m'a faict entendre que des soixante et dix mil escus de l'emprunct faict audict pays pour lequel ceulx de mon pays de Bourgongne entrent eu obligation avec moy, vous faictes instance d'en avoir trente cinq ou quarante mil pour les afTaires dudict pays, et que cela estant, on demeureroit de beaucoup court du mois que doivent toucher sur ladicte somme les collonelz et cappitaines en considération desquelz principalement ledict prest a esté faict, comme aussy ilz en ont faict l'ouverture et principale pourstiicte par le moyen de leurs parens et amis ; montant ledict mois cinquente mil escus, dont si Ion leur retranchpit quelque chose, cela exciteroit un grand mécontentement au pays, et possible empescheroient ilz la sortye de l'argent. Toutesfois il a voulu sur ce sçavoir ma volonté, me mandant que en les satisfaisant de ladicte somme entière, il ne vous en pourroit estre baillé gueres plus de vingt mil escus, à cause qu'il y a l'année de la rente à rabattre et quelque autre partye que je luy ay ordonné d'employer pour mon service. Vous sçavez, mon cousin, en quel estât sont mes affaires de delà et le besoing que j'ay d'y

conserver mes serviteurs entre lesquelz voulant éviter toute occasion de plaincte et çrierie pour ce faict particulier^ je mande audit S' de Sillery qu'il pïefere en cela leur contentement à toute aultre chose ; dont je vous ay bien voulu advertir, affin que sçachant qu'il a ce commandement de moy, vous preniez en bonne part ce qu'il fera en cest endroict; comme je vous prie aussy rendre tellement cappables ceulx de mondict pays de Bourgongne de la raison que j'ay eu de l'ordonner et de rinterest que eulx mesmes ont à maintenir ladicte nation en bonne intelligence avec moy^ qu'ilz y acquiescent volontairement, comme à chose qui avec le gênerai de mon service rçgarde aussy en particulier le bien et seiu'eté de leur province. Sur ce, je prie Dieu , mon cousin , vous avoir en sa saincte garde. Escrit à Noyon le un* jour de septembre 1 591 .

Heitrt.

Rbyol, (Port, Godefroy, 262, pièce 21e.)

159i, 4. SEPTEMBRE. — A MONSIEUR L'ABBË

DE GADUGNE.

ONs' de Gadugne, Ayant entendu que ma cousine la Grand Duchesse de Toscane vous a despesché pour aller en Lorraine et autres endroictz pour ses aflaires particuliers, et que néant-

moings vous desirez avant que passer oultre avoir un passeport de moy , je le vous ay bien voulu envoyer , le faisant adresser au S' de Sillery, mon ambassadeiu* en Suisse, pour le vous bailler, si vous estes encores audict pays, comme Ton m'a dict que vous y pourriez attendre ledict passeport, et vous veulx bien aussy asseurer que tout ce qui est de la part de madicte cousine m'est si recommandé que non seulement elle peult attendre toute seureté de mon costé à ceulx qu^elIe y employera, mais aussy qu'ilz y recevront toute la faveur et assistance dont ilz auront besoing de sorte que pour mon regard et de ce qui deppend de moy vous ne devez faire difficulté de passer oultre et aller ou bon vous semblera, soit au dedans ce royaulme ou dehors, selon Tordre et commandement que vous avez de madicte cousine, m'asseurant que comme elle n'y vouldroit rien faire traicter contre mon service, que aussy vous ne le vouldrez entreprendre de vous mesme. Sur ce, je prie Dieu, Mons" de Gadugne, vous avoir en sa saincte garde. Escrit à Noyon, ce iiu* jour de septembre 1 591 .

Henry.

RSVOL.

(Port. Goàdrojy 263, pièce 22«.)