OCTOBRE

Instruction baillée à M. de Lomenie par le Roi l'envoiaot

en Angleterre, Tan 1595.

E S' de Lomenve , secrétaire d'Estat de Navarre, estant depesché par le Roy pour aller trouver la Royne d'Angleterre respondra aux

articles de l'Instruction du S' Roger Willemes comme

sensuit.

Sur le premier :

Que pour l'esloignement de sa Majesté luy fera entendre que le voyage de sadicte Majesté estoit si nécessaire pour la conservation des provinces de Bourgongne, Lyonnoys, et aultres desquelles Elle s'est approchée, que si elle n'y feut allée lesdictes provinces ne se pou voient conserver , principallement celle de Bourgongné en laquelle Sa Majesté ne tenoyt que troys ou quatre villes; et ou commençoit à entrer l'armée du Connestable de Castille, quand sa Majesté est arrivée, laquelle par sa prudence et présence a réduit toutes les villes de ladicte province en son obeyssance, et a asseuré les aultres par le moyen des peuples et de

i70 LETTRES INÉDITES

la noblesse qui se sont reduicts a son service, et le bon ordre qu'elle a estably en icelle.

Sur le second :

Fera entendre à la Royne que les faveurs que le Roy a receues d'elle, et l'assistance qu'elle luy a donné en ses affaires es occasions qui se sont présentées depuis son advenement à ceste Couronne , sont si engravées en son esprit qu'il ne luy reste pour son contantement sinon que d'estre continué aux bonnes grâces de ladicte Dame, et que Dieu luy donne le moyen de se revancher de tant de bons offices et courtoisies en occasion qui luy donne contantement.

Sur le troixiesme :

Remonstrera à la Royne de la part de Sa Majesté qu'elle recevroit beaucoup de déplaisir si à Toccasion du secours et forces dont ladicte Dame la ci devant assisté ses affaires en avpyentreceu aucun préjudice, et son peuple telle incommodité comme il a esté représenté de la part de ladicte Dame, laquelle considérera, s'il luy plaît, que les forces et favorables services dont elle a cy devant assisté Sa Majesté, ayant esté employez contre les Espagnols et leurs adherens, ennemys communs de leurs Royaulmes, ladicte Dame ne peult qu'elle n'ayt particippé au fruict qui est provenu, ayant esté les progrès et desseings desdicts ennemys interrompus par le moyen desdictes forces.

Sur le quatriesme :

Reprenant le contenu de cest article fera remonstrer

de la part de sa Majesté à ladicte dame iloyne que s'est à son grand regret qu'elle n'a peu entièrement nestoyer les provinces les pi us proches de son Royaulme; toutesfoys qu'ayant reduict la Normandie à son obeyssance, elle n'esperoit pas moings faire en la Bretaigne, SI après les conquestes et heureux succez qu'eut feu Mons'. le Mareschal D'Âumont l'année dernière en la basse Bretaigne, ladicte Dame n'eut revocqué ses forces, qui fut cause d'arrester le cours des progrez que prenoyent les affaires de Sa. Majesté audict pays; lesquelles se pourront en peu de temps terminer par un heureux repos, quand il plaira à ladicte dame Royne envoyer audict pays pareil secours qu'elle a faict cy devant.

Et pour le regard de ce que les ennemys ont gangné sur la frontière de Pîcardye, sa Majesté se promet, avec l'ayde de Dieu et assistance de ses amys, de remettre bien tost en son obeyssance et entreprendre sur le pays des ennemys ; pourveu que ladicte dame Reine veuille envoyer promptemenl un bon secours à sa Majesté, laquelle elle employera si utilement que le fruict en sera commun à Leurs Majestez; lesquelles par la continuation de leur bonne inteligence et correspondance et par l'union de leurs forces pourront non seullement s'opposer et rompre les desseings de leur ennemy commun , mais entreprendre sur luy si advantageusement que leurs Estats et Royaulmes en demeureront davantaige asseurez , avec contantement de leurs peuples et subjects ; en quoy sa Majesté n'espargnera rien de ce qui sera en sa puissance pour assister ladicte dame Royne en tout ce qui sera pour son contantement et là conservation de tout ce qui est de

sa domination, s'asseurantSa Majesté que ladicte Dame sera tpusjours bien ayse que sadicte Majesté conserve tout ce qu il a pieu a Dieu mettre soubs son obeyssance comme sadicte Majesté se promect de faire.

Et si ladicte Dame parle de Calais comme elle çn avoit chargé ledict S' Roger Willemes, ledict S' de Lomenye luy fera congnoistre que Sa Majesté ne se peult persuader qu'il soyt tumbé en son esprit de demander ladicte ville de Calais^ laquelle Sa Majesté n'aura moings de soing de conserver, comme elle sera toujours preste de s'employer en faveur de ladicte dame Royne en ce qui pourra servir à son contantement et à la conservation de ses subjects.

Et encores que leurs antiennes alliances les oblige assez à ceste mutuelle correspondance , neantmoings sa Majesté jugeant que leur inteligence ne peult estre tropt estroittement liée, aussy qu'il seroit besoing par une conférence de lever les umbrages qui peuvent estre intervenus et par mesme moyen adviser à tout ce qui peult servir aux affaires communes desdicts Royaulmes :

Sa dicte Majesté trouve bon que ledict S' de Lomenye propose à la dicte Dame d'envoyer ses depputez en quelque lieu commode ou se trouveront aussy ceulx de Sa Majesté, pour conférer des affaires communes desdicts Royaumes et adviser ce qui est à faire non seullement pour s'opposer aux desseings de leur enne* my commun, mais pour entreprendre ce qu'il sera jugé estre à propos pour le bien desdicts royaulmes. Sur quoy ledict S' de Lomenye asseurera ladicte Dame que Sa Majesté sera tousjours disposée pour y apporter tout ce qui deppendra d'elle, et en quoy elle

estimera pouvoir donner contantement à ladicte Dame.

Et si la Royne a agréable que ladicte assemblée se face, ledict S' de Lomenye sçaura dans quel temps ladicte dame pourra envoyer ses depputez^ et conviendra du lieu de ladicte assemblée avec ladicte Dame , soit à Calais, Abbeville, Dieppe , Sainct Valéry ou le Crôtoys. Toutesfoys sa Majesté desireroit que ce feut à Abbeville parcequ'elle en estant proche elle pourra plus commodément faire entendre à ses depputez sa volunté.

Et d'aultant qu'il se passera beaucoup de temps avant que lesdicts depputez s'assemblent et que la resolution soit prinse sur les affaires qui se mettront en avant et que cependant beaucoup d'occasions se peuvent offrir d'employer les forces de sa Majesté , soy t pour la conservation de Cambray ou aultres importantes au bien des affaires de leurs Majestés dont il pourroît reuscir beaucoup de fruict , si sa Majesté estoit assistée des forces de ladicte dame Royne , ledict S' de Lomenye la pryera instament d'envoyer ce qu'il luy plaira de ses forces ; lesquelles sa Majesté employera en ce que ladicte dame jugera estre le plus utile pour le bien de leurs dicts Royaulmes ; et si ladicte Dame est en ceste volunté, ledict S' de Lomenye fera instance à ce que lesdictes forces soyent envoyées promptemènt, et donnera incontinent advis à Sa Majesté de là volunté de ladicte Dame.

Faict à Paris le v* jour d'octobre 1 595.

Henrt.

POTISE.

(Fond» Dûpuy (copie), 152, fô i 12, po.)

i595, 30 OCTOBRE. —AUX ESCHEVINS* ET HABITANS

DE SAINT-QUENTIN

HERS et bien amez. Sur la resolution que j'ai prise d'avoir mon armée à Tentour de La Fère, ayant entendu que le sieur De la Corbinyere auroit besoin d'estre secouru de quelque bled dont il vous a parlé, je vous prie lui en faire aide de ce qu'il vous demandera et au besoin vous asseurant qu'il vous sera par luy payé ou rendu, TaHaire que j*ai entreprise vous asseurera de votre repos, je né vous en ferai aucune recommandation.

Fait au camp de Beauvays le 30 8**" 1595.

HEimT.

C'ArchÎTet municipales de Saint-Quentin, original.)

DE HENRY IV. i75

159», 24 NOVEl^IBRE.

Lettre du Roy à la Cour sur la bénédiction qu'il a receue du Pape, pour en rendre grâces à Dieu. (Extraict des registres de Parlement de samedy ii« décembre i 595.)

E jour ont esté présentées et veues par la Cour les lettres closes du Roi^ desquelles la teneur ensuict : Db par le Roy. Npz amez et feaulx , Depuis qu'il a pieu a Dieu nous inspirer heureusement à la Relligioi^ Catholique, Appostolique et Romaine ^ Nous n'avons poinct eu de plus grand désir que de veoir nostre conversion suivie de la bénédiction de nostre très amé sainct Père le Pape, laqueUe Nous avons rechercbée d'autant plus hardiement que Nous avons veu qu'elle estoit nécessaire pour nostre salut, bien de nostre Estât et la tranquillité des consciences de noz subjetz qui n'estoient encores satisFaictz, et bien que nos ennemys n'aiept espargné aucunes inventions ny artiffices pour traverser ce bon œuvre auprès de sa Béatitude, ilz y ont sy peu prolfitté que leur injuste poursuitte ne leur a servy que pour manifester davantage leurs ambitieux desseings et faire parroistre à tout le monde que le manteau de pieté duquel ilz ont vouUu couvrir leurs

armes n'a este qu'un masque pour essaier d'envahir et usurper ce Royaume, car sa Saincteté, sans s'arrester à leurs dictes poursuittes. Nous a honnorez de sa dicte bénédiction pour l'entier repos de nostre âme et la seureté de cet Estât, lequel ayant jusques icy résiste à ses ennemis, combien en aura il plus de moiens mainstenant qu'il est reconcillié avecq le Sainct Siège Appostolicque et fortiflié de l'assistance de nostredict Sainct Père, de laquelle Nous espérons recevoir autant de consollation et d'utillité que les Roys nos prédécesseurs en ont tiré par le passe. De quoy Nous n'eussions tardé sy longuement à vous donner advis, sy à nostre retour de Lion, Nous ne fussions accouruz à cette frontière pour y arrester le progrez de nosdictz ennemis, et d'autant que escrivons présentement aux. evesques de nostre Royaulme qu'ilz aient à en faire remercier ' Dieu en leurs Eglises, et aux Gouverneurs de noz Provinces et villes particullières d'icelles, que le jour que lesditz Evesques ordonneront les dictes processions, ilz aient à faire tirer l'artillerie, allumer feux de joye et tesmoigner par touttes autres démonstrations combien Nous estimons la bonne grâce de Sa Saincteté, 'Nous vous en avons bien vouUu aussy faire ceste lettre, affin que de vostre parf vous contribuez à ceste action de grâce tout ce que vous y pourrez apporter pour la rendre plus cellebre, assistans en corps et en robbes rouges à ladicte procession, et tenant la main que chacun s'acquitte dignement de ce devoir et vous nous ferez service très agréable. Donné au camp de Tramery près la Fère le xxini* jour de novembre 1595. Signé : Henry, et plus bas. De Neufville.

Icelles veues, la matière mise en délibération , ladicte Cour a arrest^ et ordonné que procession generalle sera faicte à laquelle elle assistera en robbes rouges et chapperons ; et à cette fin s'assemblera en la Grand' Chambre du plaidoié demain sept heures du matin; et ira la dicte procession de Teglise de Paris à S^ Geneviève ; et sur ce qui a esté depuis raporté que le Sieur Cardinal de Gondy supplie la Cour remectre à ung aultre jour ladicte procession à cause que demain commance Fadvant et le service est tel qu'il ne èe peult faire ladicte procession , ladicte Cour a arresté que ladicte procession generalle sera faicte mercredy à rheure susdicte.

i595, i DECEMBRE. — A MESS" DE SCHOMBERG