LXXXVIII

d596, 24 JANVIER. — A LA ROYNE DOUAIRIÈRE LOUISE DE VÂUDEMONT EN SON CHASTEAU DE CHENONCEAU.

ADAME, j'ay donné charge au s' de Ronet de vous visiter de ma part et vous çlire la peine où je me trouve de vous représenter ung affaire dont la seulle mémoire me comble de douleur. Combien m'est à cœur la vengeance de ce qui est traistement advenu en la personne du feu Roy y que Dieu veuille avoir en sa gloire ! j'estime de l'avoir tesmoigné es batailles et autres exploictz de guerre où pour cest effect j'ay volontiers exposé ma vie; comme vous avez sceu, j'ay commandé à tous mes officiers et speciallement à ma Court de Parlement de chercher par tous moiens d'avérer la vérité d'ung si exécrable assassignat; jusques à présent il n'a pas pieu à Dieu que ce mien désir ait esté accomply^ l'œil de la justice divine que veoit toutes^hoses^ ne permettra pas, comme

j'espère, qu'une si grande felonnye demeure impugnye, et pour mon regard je ne perdray jamais la volunté d'en faire faire la justice que je ne perde la vie ; vous priant. Madame, de vous asseurer de la parolle qu'en cela je vous donne et de croire que quelque conseil qui m'ait este donné par ceux de mes serviteurs que j'ay congneu les plus aflTectionnez au bien de cest Estât , de reprendre en ma bonne grâce mon cousin le duc de Mayenne, je ne m'en eusse peu resouldre si par aucunes preuves il m'eut apparu qu'il soit autheur ou consentant audit assassignat; mais ayant veu par les informations qui sur ce ont esté faictes depuis sept ans en çà qu'il n'y a point de charge contre luy ny contre les Princes et Princesses qui ont adhéré à son party, j'ay esté conseillé, par les Princes, officiers de ma Couronne et plusieurs autres qui sont les principaux en mon conseil, rappellant auprès de moy ledict duc de Mayenne, de trouver bon qu'il ne luy demeurast aucun soubzçon que par cy après on le vueille recherche de ce malheureux et traistre assassignat, sur ce que ledict Duc a remonstré qu'il demande d'en estre déclaré innocent , non pour crainte qu'il se puisse trouver avec vérité qu'il en soit chaîné, estimant que le terme de sept ans que l'on a continué l'inquisition de ce crime le justiffie assez, n'ayant aparu par un seul tesmoing ne indice qu'il en soit chargé ou soubzçonné, mais que ayant esté contrainct par le malheur de la guerre civille diffamer en ce Royaume plusieurs personnes de toutes qualitez, il ne peult estre qu'il ne luy demeure quelque soubçzon en l'esprit que si on le verra 'desarmé ses ennemys qui prennent aisément conseil de suborner par ar-

iSt LETTRES INEDITES

gent leur faulx tesmoings pour se vauger de luy et mectre son honneur en compromys et sa vie en danger. Ces considérations, Madame, ont faict que je ne me suis résolu d'accorder Texception contenue audict Edict touchant ledict duc de Mayenne, Princes et Princesses qui ont adhërë à son party, car jugeant par Tadvis de tous les principaux de ce Royaume qu'il estoit très expédiant et très nécessaire de finir ces guerres civillespar une bonne paix, il a faillu, voullant la paix que j'aye aussy vouUu et accordé ladicte demande, puisque aultrement je ne pouvois avoir la paix; ledict duc de Mayenne eust mieux aymé de se justiffier par ung arrest de ma Court de Parlement , et pour cest efFect eust désiré que mon procureur gênerai eust encores eu six mois et ung an de terme, pour s'informer s'il pouroit avoir charge contre luy ; mais il n'y a pas aparanceque Ton avance plus en cet affaire en six mois et ung an qu'il n'a esté faict es six années précédentes, et Testât des affaires de ce Royaume tel qu'il est à présent ne permect pas que la publication de l'accord que j'ay faict avec ledict Duc soit plus longuement différé : qui est la cause, Madame, que je vous prie de vouUoir en ce faict vous conformer à ma resolution, et d'aultant que j'ay esté vostre Chancellier a commandement de vous de s'opposer par devant ma Court de Parlement à la vériffîcation de l' Edict que j'ay faict sur ce que j'ay accordé audict duc de Mayenne, je vous escrit cette cy et ay donné charge expressément audict S** de Ronet de vous prier de ma part de vous désister de ladicte opposition qui pouroit aporter longueur à la veriffication dudict edict au grand préjudice de ce Royaume et retardement de mes affaires. Je sçayt et

c'est chose notoire que vous avez vertueusement tesmoigné à ung chacun la générosité de vostre cœur, raffection et Thonneur que continuez à la mémoire de ce bon Roy que nous regretons; vous n'avez rien obmis de ce qui se peult à la vangeance de l'assassignat commis en sa personne ; pour ce regard vous en demeurerez deschargée devant Dieu et devant les hommes et je vous déclare que j'ay tout contentement du grand debvoir qu'avez faict en cela. Je vous en accorde telles lettres pour vostre descharge qu'estimerez avoir besoing, m'asseurant que vous continuerez avec moy et autres toujours ce pensement d'avérer ce crime qui touche de si près à tous deux, et dont je veulx espérer que Dieu permectra que nous ayons en fin cette satisfaction en noz aroes que la vérité venant en lumière la punition s'en ensuyvra telle que requiert l'enormité d'ung si exécrable parricide ; et me remectant à ce que plus amplement vous en sera dict de ma part par ledict S' de Ronet, auquel je vous prie d'adjouster foy, comme vous feriez à moy mesme , je finiray cette-cy par prier Dieu vous avoir, Madame, en sa saincte garde. Ce xxiiii janvier à Folembray.

Vostre bien bon et humble frère ,

Heicrt.

Et plus bas : Madame, outre la charge que je donne ail S*^ de Ronet, j'ay prié mon cousin le duc d'Elbeuf de vous dire quelle est mon intention sur le contenu en la présente.

(Port. Godefroy^ 262. Pour apprécier la yaleur de cette lettre , noos nous permettODft de renvoyer nos lectears S V Histoire sommaire de la vie de Louise de Lorraine qui précède V Inventaire des meubles ^ bijoux et livres estant à Chenonceau le huit Janvier MDCIIl, que nous avons publié en i 856.)

1596, i8 AVRIL.

Lettre patiente par laquelle le Roy veut et entend que oeux de Thpspital de Sedan jouissent des legs qui leur sont faix en ce Royaume.

EicBT, par la grâce de Dieu, Roy de France et de Navarre. A noz amez et feaulx conseillers les gens tenans nostre Cour de Parlement , Salut. Les maistres administrateurs de l'Hostel Dieu et hospital de la ville de Sedan nous ont faict dire et remonstre que Ton leur veult donner empescheraent en la jouissance des laiz testamentaires qui sont faictz aulx pauvres dudict hospital par plusieurs particuUiers , mesmes de celluy qui leur a esté faict par feue nostre chère et bien amée la dame du Plessis Saincte Avoyer, Renée Lhùillier, femme de messire Gilles du Fresnoy, chevallier de nostre ordre , de la somme de mil escuz à prendre sur la rente de sept cens cinquante livres qu'elle avoit droict de prandre sur les greniers à scel de nostre royaume ; soubz coulleur qu'ilz ne sont noz subjectz ; et d'autant que Nous ayans pris la protection de ladicte ville et de tout ce qui en deppend , en la» quelle et pareillement audict hospital il a esté usé depuis les presens troubles de grandes chantez et aul-

mosnes , ay ans esté receuz , traictez et alimentez tous les pauvres soldatz et aultres qui de uoz armées estans audict pays s'y sont sont retirez. Pour ces ganses et autres grandes considérations à ce nous mouvans. Nous voulions et mandons que nonobstant tous empeschemens à ce contraires, vous aiez à faire souffrir et laisser jouir les dictz pauvres dudict hospital de Sedan de tous ses laiz testamentaires qui leur ont esté cy devant et seront cy après faictz, mesmes de celluy desditz deux mil escuz faict par ladicte delTuncte dame Du Plessisy sans difliculté, estant nostre intention qu'ilz en jouissent plainement et paisiblement. Man* dons a nostre procureur gênerai d'y tenir sa main , consentant et requérant en nostre nom pour lesdictz administrateurs dudict hospital qu'ilz jouissent du contenu en ces présentes, ores et à Tadvenir. Car tel est nostre plaisir, nonobstant oppositions ou appellations quelconques, pour lesquelles et sans préjudice d'icelles ne voulions estre différé. Donné au camp de Tramery , près la Fere , le quatorziesme jour d'avril , Tan mil cinq cens quatre vingtz seize et de nostre règne le septiesme. Signé par le Roy : De Neufville; et scellées sur simple queue de grand scel. Registrées , ouy le procureur gênerai du Roy, pour jouir par les impetrans de TefTect en icelles tant et sy longuement que la ville de Sedan sera en la protection du Roy. A Paris en parlement le douziesme jour de décembre , Tan lùil cinq cens quatre vingtz seize. Signé: Voisin.

Collation a esté faicte aveq l'original rendu à Denis Trouvé poursuivant.

(Dapaj, no 435, f> 7S, i*.)

i596, 13 JUIN. — A MONSIEUR D'EMERY.

oss' d'Emery, Il fault que je me serve de ceux ausquels je me fie le plus aux affaires qui '' m'importent et que j'affectionne aussy le plus; c'est pourquoy j'ay jette les yeux sur vous pour en estre servy en une occasion qui se présente que j'ai très à coeur et qui importe grandement au repos de tous mes subjects, lequel vous a tousjours esté très recommande : c'est pour aller trouver les députez de mes subjectz faisans profession de la religion prétendue réformée, assemblez par ma permission en ma ville de Loudun ; ausquels je désire donner toute la satisfaction qui m'est possible, comme le mérite leur affection et loyauté envers moy et mon royaume , de laquelle comme je puis mieux respondre que personne pour les preuves infinies que j'en ay faictes et fois encores journellement, je me resens aussy très obligé d'avoir soin d'eux et pourvoir à leur conservation et seureté, comme en vérité j'ai tousjours désiré et entends encore de faire; dont j'ai faict plusieurs déclarations et commandemens très exprès publics et privez; mais ils ont esté si mal obéis, qu'ils n'ont joui et ne jouis— sent encores à présent du bénéfice d'iceux; ils s'en sont pleins à moi plusieurs fois de vive voix et par es-

crit; à quoi j'ai tousjours respondu et pourveu aussi par escrit favorablement. Toutesfois comme ils n'en ont recueilly aucun fruict, s'en estant de rechef plains à moy depuis qu'ils sont ensemble en ladicte ville de Loudun, j'ai sceu qu'ils ne sont demeurez contans de Tesperance ou promesse que je leur ay réitérée par la response à la requeste qu'ils m'ont présentée de les faire mieux jouir à l'advenir des effects de ma bonne volonté qu'ils n'ont faict par le passé , creignans qu'il n'en advienne comme des autres provisions qu'ils ont obtenu de moy, lesquelles au lieu de leur estre utiles, ne leur ont servy qu'à recognoistre la négligence ou mauvaise volonté de ceux ausquels j'ai addressé mes commandemens. C'est pourquoy je désire qu'ils en<* tendent quelle est ma volonté et resolution sur cela , pendant qu'ils sont ensemble; et d^estre aussi informé et esclaircy par eux de leurs dictes pleintes et demandes devant qu'ils se séparent, afHn qu'ils ne doutent point de l'une, et qu'il soit aussy donné tel ordre aux autres qu'ils ayent occasion de se contenter : je vous ay donc clioisy pour me faire le service que j'affectionne et qui m'importe grandement, partant je vous prie vous transporter en ladicte ville de Loudun, si tost qne vous aurez receu la présente, parceque l'assemblée se doit séparer dans ce mois et le seroit desjà, sans l'advis que je leur ay donné que je voulois envoler devers eux, affin de les arrester. Estant avec eux, vous leur direz de ma part que je suis plus marry et mal content qu'eux de leurs peines , tant pour leur considération que pour ce qu'elles servent de marque du mespris de mon auctorité; à quoy j'eusse moy mesme mis la main longtemps a quand j'eusse deub

aller en personne de province en autre si la guerre que j'ay entreprise contre Tantien ennemy de ceste Couronne ne m'eust û estroictement lié et obligé qu'elle a faict de m'arrester en ceste frontière, principalleineut depuis mon retoiur de Lion, pour suppléer par ma présence à la foiblesse d'icelle et reparer les Suites d'autruy ; que n'excuse aucunement la défiance qu'ils ont de l'exécution de mes promesses et commandemeus par escrit, attendu le peu d'eRect qui s'en est ensuiyy et en suite de cela la creinte et aprehension qu'ils ont de l'advenir ; toutesfois qu'ils ne doivent douter de ma protection ni de ma foy ; leur loyauté et mon honneur m'obligeant trop estroitement à l'une et à l'autre pour jamais y manquer ; dont vous leur donnerez de rechef en mon nom toute asseurance, les exhortans de ne s'esbranler aux inventions de ceux qui entreprendroient leur en donner autre impression , ains avoir tels conseils pour suspects ; afïin qu'il ne soit dict que ma foi ait trouvé moins de crédit avec ceux qui l'ont plus esprouvée qu'envers les autres; leur promettant aussi que je les rendrai possesseurs des effets d'icelle ; et comme mes continuelles et grandes occupations ne m'ont permis d'y entendre et pourveoir moy mesme plustost, ceux de mon Conseil ausquels j'en avois commandé et remis l'exécution se sont excusez aussy de n'y avoir satisfaict , à cause des difficultez que les nécessitez publiques y ont apporteez , lesquelles vous leur direz que j'ai advisé de surmonter, en me servant pour cet effet de quelques uns de mes serviteurs qui sont jà sur les lieux , par lesquels j'ai résolu de faire exécuter ce que les autres ont refusé ou différé de faire jusques à présent , mesmes pour la publication de ma

volonté sur Tobservation de TËdil de pacifïication de Fan 1 577 et autres grâces que je leur ay depuis accordées, comme du S' de Sillery pour le Dauphiné et la Bourgongne, estant porté sur les lieux pour ce faire ; du S' de Thumery pour le parlement de Bordeaux ; du S' de Champlay pour celuy de Thoulouze, et de vous mesmes pour la Normandie, quand vous serez de retour de vostre voyage. Je fais estât aussy d'envoier en Provence un personnage de qualité et fidélité, pour exercer la charge de premier président au parlement dudit pays, auquel je donneray la mesme commission ; de sorte que j'espère satisfaire dans peu de temps à l'exécution des choses susdites , à leur contentement et au mien. Quant aux garnisons des places qu'ils gardent , qu'ils disent avoir esté trop retranchées et estre très mal traictées , vous leur direz qu'il a bien esté faict quelque retranchement d'icelles , mais non tel que des garnisons des villes gardées par les CatholiqueSf ni qu'ils ayent, ce me semble tant d'occasion de s'en plaindre comme il s'en faict bruict. Que j'ai esté contraint de le faire pour me descharger de despense et avoir plus de moyen de fournir à celle qu'il faut que je face pour entretenir mes armées et faire la guerre en céste frontière et en celle de Champagne, pour m'opposer aux forces et desseins de mes ennemis qui n'i ont desjà que trop proffité , plus par faute de moyen de soudoyer mes forces, que par leur industrie ou valeur; car le soldat ne peut vivre ny servir en une guerre estrangere , s'il n'est payé, comme il souloit faire en celle que nous avons faicte dedans le Roiàume, parcequ'il faut qu'il tienne pied à boulle en lieux auxquels il ne trouve rien pour y vivre, et que

nous avons à faire à un ennemy puissant qui ne bazarde rien et tient tous] ours ses forces ensemble dans des forts de difficile accès et d'où il contreint nos gens de se tenir serrés, affin de n'estre surpris. Toutesfois les garnisons desdites places gardées par ceux de ladite Religion ont esté mieux assignées et payées ceste année, encores qu'elles ne layent esté que de quatre mois, que n'ont esté celles desdites frontières de Picardie et Cbampagne; et faut qu'ils sacbent qu'il est quasi impossible que je leur continue Tentretenement desdites garnisons au nombre qu'elles ont esté maintenues jusques à présent, et soustenir ceste guerre estrangere; aussi a on retenu des gens de guerre en plusieurs villes qui se gardoient bien sans cela, estans remplies d'babitans qui sont tous de ladite Religion, et en des places qui apartiennent à des particuliers, lesquels les peuvent bien garder, si bon leur semble, à leurs despens, aussi bien sont elles inutiles au publie, et souvent n'i entretient on personne, se servans des deniers que je leur ordonne pour s'accommoder et se faire suivre plus tost que pour me servir ni fortiffier ceux auxquels ils veullent faire acroire qu'ils sont utiles ; et toutesfois il arrive souvent que ce sont ceux là qui font plus de rumeur, voulans engager les autres dedans leur interest pour s'en prévaloir aux despens du public et de mon Service; en quoy je ne croirai jamais qu'ils soient suivis du gênerai de ceux de ladicte Religion. Vous leur direz que j'ai trop esprouvé leur affection , prudence et fidélité pour croire qu'il s'esbranle à l'apetit de ceux là : il est composé de trop de gens de bien qui creignent Dieu et ayment leur Roy et leur patrie. Quoy qu'il advienne que ceux de la Re-

ligion s*esmeuvent ou souffrent que Tod arreste les deniers publics et royaux, en Testât que sont les affaires de mop royaume, me voyant engagé et plongé comme je suis dedans une guerre estrangere , au péril de ma vie, pour la defTense publique en laquelle ils sont intéressez comme les autres, pour favoriser et contenter quelques particuliers qui proffitent et s'adventagent de tels entretenemens, je ne le croirai jamais ; mais plustost que si aucun d'eux s'oublie tant que d'entreprendre de le faire, le gênerai m'aydera à les chastier, comme ils méritent. Je veux, Mons" d'Emery^ que vous leur en parliez de ceste façon et avec ceste confiance, car je ne veus pas traicter autrement avec mes amis, et je les puis nommer tels , tant pour Taflection que je legr porte, que pour celle que j'ai esprouvé qu'ils me portent. Pour cela je n'entends pas négliger ou retrancher Tentretenement des garnisons des places qui importent à leur seureté, lesquelles je cognois mieux que personne. J'ai trop de soin d'eux et m'est leur conservation trop utile et nécessaire pour se faire. Priez les qu'ils s'en reposent sur moy et je m'asseure qu'ils en demeureront contents, sans espouser les interests particuliers , lesquels empescbent souvent que le public ne soit servy et assisté, comme il doit estre ; d'aventage comme le Royaume a tousjours esté suject aux conséquences et que les jalousies que les divisions ont engendrées entre mes sujectz les rendent plus grandes et périlleuses que jamais, il advient que retenant et payant les garnisons des uns, je ne puis aussi retrancher celles des autres de sorte que je demeure surchargé de dépenses inutiles, lesquelles m'ostent le moyen de pourvoir aux missions pour la tuition de

TEstat en la nécessité en laquelle je me trouve. Or, je ne croirai jamais que ceux de ladite religion veullent estre cause que je tombe en ce malheur pour gratifier des particuliers lesquels ne méritent d'estre mis en considération par eux avec la protection qu'ils doivent espérer de moy et en ont tousjours receu , ny avec ce qui importe au bien public. Toutesfois, Mons' d'Emery, vous leur direz, que je prendrai tousjours en bonne part leurs remonstrances , quand je scauray qu'elles procéderont du gênerai et qu'elles n'auront esté briguées ou extorquées d'eux soubs prétexte de leur salut et utilité ; et comme pour cette cause j'ay voulu vous envoier devers eux, ce pendant qu'ilz sont ensemble pour leur faire entendre mes intentions et recevoir et entendre leurs plaintes pour mêles rapporter affin d'y pourvoir ; au moyen de quoy je vous prie les aller trouver en diligence et exécuter ceste commission avec vostre accoustumée fidélité et prudence, et vous me ferez service très utile et aggreablé que je recongnoisteray éternellement. Je prie Dieu vous avoir, Mons' d'Ëmery, en sa samte garde. Ëscrit à Abbeville le xiH jour de juin 1 596.

Henry.

Dk Neutviliji.

(Fonds Dupuy, 32:8, fo 314, r*».)

1596, 22 JDIN. — A MQNS' SERVIN, CONSEILLER EN MON CONSEIL D'ESTAT ET ADVOCAT GÉNÉRAL EN MA COURT DE PARLEMENT.

ows' Servin, j'ay receu voslre lettre et bien considère Fadvis qu'elle accompagnoit; ce ;* siècle est si corrompu qu'il fault çedeffier detout et de ne rien mespriser. Je useray ainsi dudict advis et Dieu, qui congnoist mon cueur et est protecteur de la justice pour laquelle je combatz, aura soing de moy et de mon Royaume, s'il luy plaist. Ce pendant vous sçaurez que j'ay pris en très bonne part celluy que vous etceulx qui vous ont donné le susdict advis avez eu de ma conservation et de mon service, et comme je vous assure que je le recongnoistray. Je désire aussi que vous continuez en icelle es occasions qui s'en présenteront, pryant Dieu, Mons' Servin, qu'il vous tienne en sa saincte garde. Escript à Abbeville le XXII* jour de juing 1 596.

Henrt.

De Nkufvillf.

(Port. Godefroy, 262.)

i94 LETTRES INÉDITES