OCTOBRE. — AU DUC DE LUXEMBOURG

ON cousin , Le 20*^ du mois passé je vous ay escript quel a esté le succez de l'entreprise faicte par le cardinal Albert pour secourir ma ville d' Amyens et la capitulation qui s*en estoit ensuivie avec les assiégez suivant laquelle ilz sont sortis de ladicte ville le vingt cinquiesme et les ay faict conduire en lieu de seureté, sans quils ayent perdu aucune chose, tant je suis religieux observateur de ma foy. Depuis j*ay Faict faire monstre à mon armée et me

suis advencé jusques icy, ayant sceu que ledict Cardi-' nal estoit encores avec la sienne près d* Arras, voulant prendre revanche , s'il m'est possible^ des maux que luy et les siens ont faictz en mon Royaume en ce der* nier voyage, où ilz ont bruslé plusieurs villages fort inhumainement.

Le vingt deuxiesme j'ay receu vostre lettre du vingt sixiesme aoust, et le vingt sixiesme Yalerio est arrivé avec le duplicata de celle du dixiesme. Vous vous plaignez de ne recepvoir assez souvent de mes lettres, mais je reçois aussi rarement des vostres , et toutes fois il n'est besoing de les envoyer par gens exprès , comme vous m'en avez faict tenir trois depuis que vous estes par delà, si le subject d'icelles ne le mérite; car ceste despence est grande en ceste saison que j'ay tout besoing de mes pièces pour faire la guerre. J'ay pour cela dressé l'ordinaire pour lequel j'ay envoyé par delà ledict Valerio duquel je vous prie vous servir doresnavant, sans me charger de nouveaux fraiz , s'il n'est nécessaire.

Le General des Cordeliers a eu diverses avantures en ces derniers voyages. 11 rapporta de Bruxelles sur la responce que je vous ay escript par ledict Yalerio , que j'avois faicte à sa proposition, que ledict cardinal Albert ne pouvoit gouster ny accorder la trefve, en me rendant Amyens, ayant considéré que il luy estoit plushonoorable de le perdre par force que de le rendre à teUe condition ; ledict General proposant de rechef, à l'instance dudict Cardinal de la déposer entre les mains de sa Saincteté, pour à quoy m'induire, il me représenta la venue dudict Cardinal avecq son armée qu'il faisoit très forte, qui estoit une raison qui estoit

plus propre pour m'en dissuader que autremeut, comme je luy feis dire par le sieur de Villeroy , par ce qu'estant lors au fort de mon siège je ne peuz parler à luy. Il prit conseil d'aller à Paris pour en conférer avec Monsieur le Légat. Durant ce voyage ledict Cardinal assembla son armée, et commancea à s'advencer. Au mesme temps arriva un religieux de Tordre S' François venant d'Arras qui dict qu'il apportoit pouvoir audict Père General de conclure le traictë de la reddition de ladicte ville d'Àmyens ; avecq quoy il nous annoncea toutesfois la venue dudict Cardinal pour la secourir , qui estoient deux effectz contraires. Ledict Père General estoit à Paris, lequel en estant adverti s'achemina incontinaut devers ledict Cardinal par le chemin de Peronne, sans passer par mon armée, d'autant que je luy avois faict dire que ses allées et venues y sur le bruict d'une bataille à quoy il sembloit que le Cardinal fut résolu, me prejudicioient, tant envers mes allyez qu'à l'endroit de mes subjectz. Ledict Père General ayant donc pour ceste considération pris ledict chemin de Peronne pour joindre l'armée dudict Cardinal par le derrière, il advint qu'il tomba en une embuscade de Carrabins de mon armée qui s'estoient mis à la veûe de celle de l'ennemy, ou il fut arresté et amené au quartier de mes chevaux légers. Ce fut, le jour mesme que ledict Cardinal se présenta et fit m>q effort pour secourir ladicte ville d'Amiens; de sorte qu'estant avec toute mon armée en bataille pour l'en empescher, comme Dieu me fit la grâce de faire, cela fut cause que je ne fus adverti qu'au soir bien tard de la prise dudict General , devers lequel j'envoyay le l'andeniain au poinct du jour ledict sieur de Villeroy,

tant pour luy dire le desplaisir que j'avois receu de raccident qui luy estoit arrivé, que pour le faire délivrer et le faire conduire à Dourlens ou là où il voudroit aller. Alors les deux armées estoient en présence, et comme ledict General voulut encores aller joindre celle dudict Cardinal par le derrière pour esviter la teste de Tune et de l'autre, ayant avec luy un de mes trompettes, passant contre la haye d'un village, il fut de rechef assailly des volleurs et paysans à coups d'harquebuzades dont mon trompette fut tué et ledict General se sauva à course de cheval, seulement celuy de ses religieux qui portoit sa valize fust arresté par ces volleurs , qui Tout depuis relasché , comme j'ay entendu; dont ledict General me donna advis deux jours après par une lettre qu'il escrivit audict sieur de Villeroy, par laquelle il luy mande qu'il avoit trouvé ledict Cardinal aussi disposé d'entendre à la paix qu'auparavant, mais qu'il ne se vouloit laisser entendre des conditions d'icelle que par un abouchement de noz députez. Sur quoy je luy feis responce par ledict S*" de Villeroy qu'encores que les assiégez d' Amyens eussent depuis la retraicte dudict Cardinal capitulé , j'estois neantmoins plus désireux de la paix que devant , suivant Vasseurance que je luy avois toujours donnée de ma volonté, après que Dieu m'auroit donné ceste victoire, comme celuy qui en ceste action tant importante au bien publicq de la Chrestienté voulois moins qu'en toutes autres me gouverner par accident, comme avoient tousjours faict mes ennemis; partant je luy declarois estre prest de faire trouver ledict Sieur de Villeroy où il seroît advisé pour traicter de ladicte paix; pourveu que je feusse asseuré que ledict Cardi-

nal voulust me rendre les places que son Maistre avoit usurpées ou conquises sur la France depuis ces dernières guerres. Partant qu'il debvoit se bien esclaircir et asseurer de T intention dudict Cardinal sur cela, devant que de rechercher le susdict abouchement, d autant que sans cela il seroit inudlle, mais mesme seroit préjudiciable pour la jalousie que mes alliez en prendroient et le refroidissement qu'il apporteroit à mes subjects, parceque j'estois résolu, (comme je luy avois tousjours dict) de ne faire aucune paix que l'on ne me rendist le mien. Ledict Père General respondit audict Sieur de Villeroy, de Dourlens, où ledict Cardinal l'avoit laissé , qu*encores qu'il fut assez asseuré de la bonne intention dudict Cardinal à ladicte paix , tou* tesfois qu'il l'alloit trouver à Arras pour prendre sa dernière intention sur ce poinct, selon laquelle il nous feroit sçavoir ce qu'il pourrpit faire. Depuis nous n'avons receu aucun advis de luy. Ceux qui tenoient Amyens m'ont quitté la place, et je me suis acheminé icy. Voilà les termes de ceste négociation de laquelle j'espère peu de fruict, par ce que j'ay affaire à gens qui ne veuUent rien quicter de ce qti'ils tiennent , et je ne veux rien perdi*e de ce qui m'appartient.

Il m'importe grandement que je descouvre quelle est l'opinion de Sa Saincteté sur la recherche que le cardinal Aldobrandin vous a dict qu'il est d'advis que je face de tirer des mains du Roy d'Espagne pour recompense on autrement ce qu'il a recentement bccuppé sur moy. Partant vous eussiez bien faict de le presser de s'en explicquer d'aventage, car il en, fault venir aux individus, qui vouldra faire ceste paix, et non demeurer sur les raisons et considérations generalles, comme

j'ay appris par vostre dicte lettre, que faict Sa Saineteté, et après Elle sondict nepveu.

En vérité la paix m'est nécessaire pour les mesmes raisons que Sa Saincteté vous a dictes , mais aussi je croy qu'elle ne Test pas moins à mon ennemy pour plusieurs autres dont Sa Saincteté est très bien Infor* mée. Quoy qu'il y ayt, je veux faire ladicte paix avec honneur ou ne la point faire :..car si je Taccordois autrement, elle me seroit plus dommageable qu'utille. Telle paix engendreroit en mon royaume diverses sortes de guerres qui seroient toutes plus périlleuses pour moy et mon Estât que celle que je fais audict roy d'Espagne. J'en sortiray donc avec honneur ou je n'en sortiray point. J'ay trop travaillé et couru de fortunes pour arriver où je me trouve , par la grâce de Diçu, pour maintenant céder ny donner aucune chose (qui importe à ma réputation) à l'ambition desmesurée de mon ennemy, par crainte ou désir de régner. Ceux là régnent en repos qui régnent avec honneur ; chose que je ne ferois, si je quictois à mon ennemy ce qui m'appartient ou si je manquois de foy à mes alliez , desqueizj'ay e$tél>ien assisté en mes nécessitez. Partant si nostre Saiuct Père désire m'accorder avec ledict roy d'Espagne, il fault qu'il me face rendre les places qu'il a prises et usurpées sur moy, et qu'il permette que je traicte pouir mes alliez comme pour moy. J'ay appris par vostre dicte lettre que Sa Saincteté s'est enfin laissé vaincre sur le dernier poinct aux remonstrances que vous luy avez faictes, dont son Légat et le Père General des Cordeliers se sont aussi renduz capables^ par deçà, à la charge toutesfois qu'ilz n'interviendront poii\t quand il sera question de traicter de ce qui con-

cerne lesdictz alliez. Mais ne leur parlez plus par delà de l'accord du duc de Savoye, car je ne veux pas qu'ilz croyent que j'en aye besoing , et vous asseure que rien ne m'a meu de vous commander de leur en parler que pour justiGer ce qui s'en est traicté cy devant avec les ministres dudict Duc.

Je vous ay escript mon intention par vostre secrétaire sur la promotion des Cardinaux ; je vous le repeteray encores par la présente; c'est que si Sa Saincteté ne veult gratiffier de ceste dignité les sieurs Séraphin et Lomelin avec le comte de La Chapelle, abbé de Sainct Sorin et l'evesque de Rennes , je ne désire point qu'il en face en ma faveur et considération pour les raisons que je vous ay escriptes; ce que vous luy déclarerez et protesterez ouvertement, afin 'que Sa Saincteté ne croye ou face estât que j'en reçoive ou accepte d'autres devant ceux là ; trois desquels ont si bien mérité du Sainct Siège et de moy que si je les avois habandonnez je serois indigne d'estre servi; et me sera plus honnorable et advantageux qu'il ne s^en face pas du tout à ma contemplation que de laisser ceux cy derrière ; je^eux que vous le faciez entendre à Sa Saincteté aussi clairement que je vous Tescrips» et que vous ne vous départiez point de ce propos y si je ne vous le commande expressément.

Depuis avoir escript la présente jusques icy ledict Père gênerai des Cordeliers m 'ayant prié de luy permettre me venir trouver arriva en ce lieu le premier de ce mois : ce fut toujours pour me prier de trouver bon q'un de mes serviteurs s'abouchast avecq un de ceux du conseil du Roy d'Espagne que le cardinal

Albert Die nommeroit pour adviser au\ moieiis d'acheminer la négociation de iadicte paix , à laquelle il m'asseura que ledict cardinal estoit plus disposé que jamais. Je luy dis plusieurs raisons pour lesquelles je ne pouvois approuver le dict abouchement, sans estre asseuré de la restitution de- mes places, comme je luy avois faict escrire ; me plaignant à luy de ce que ledict Cardinal ne Iqy vouloit confier ses prétentions, comme je voulois faire les miennes, et qu'il me voiiloit forcer de faire Iadicte assemblée de Deputtez; laquelle je sçavois debvoir mettre mes alliez en alarme de moy et estois incertain devoir produire aucun fruict. Toutesfois il m'en pressa tellement, me conjurant par le respect que je porte à Sa Saincteté, que je luy promis d'envoyer ledict Sieur de Villeroy où il seroit advisé, pour le contenter.

Il parti d'icy le ii*, comme je feis pour m'approcher d'Arras, et le trois je marchay avec mon armée jusques à la veue de Iadicte ville d'Ârras en laquelle estoit ledict Cardinal, avec la sienne, pour luy présenter la bataille, où je suis demeuré à la portée du canon de de Iadicte ville six heures entières, ayant' faict tirer jusques à vingt quatre coups de canon dedans Iadicte ville pour les y convier ; mais il n^a eu le courage de si résoudre ; ne m'ayant respondu qu'à coups de canon, dont toutesfois nul des miens n'a esté oiTensé. Je revin le mesitie jour d'où j'estois parti, distant de Iadicte ville d'Arras de quatre lieues, où je voulus eucores sesjourner le l'andemain, pour donner loysir à mon eunemy d'assembler ses forces et venir à moy ; mais je n'en ay eu seulement une alarme.

Deux raisons m'ont meu de faire ce voyage : Tune

pour me revancher de la Visitation que ledict Cardinal m'avoit faicte devant Âroyens et Tautre pour couvrir le desbandement de la noblesse de mon armëe qui s'estoit faict incontinant après la prise de ladicte ville, duquel je sçavois que mon ennemy avoit esté adverti et s'estoit resjouy ; et en ce faisant luy faire conguoistre qu'il m'estoit demeuré encore3 assez des forces pour luy présenter le collet/ et sur cela faire vivre mon armée aux dépens de son pais, comme il avoit faicl vivre la sienne sur le mien.

Le quatriesme jour dudict mois ledict Père General amena avec luy à deux lieues de ladicte ville d'Arras

le président Ricbardot , où se trouva ledict Sieur de Villeroy , lesquelz ont conféré deâ moiens de parvenir à ladicte paix, en la présence dudict General; dont il n'a esté rapporté aucun fruict^ que une déclaration ou confirmation de la bonne volonté que chacun a de part et d'autre de la faciliter; sinon qu'ilz ont jugé que pour ce faire il falloit bastir sur le fondement de la dernière paix faicte au Chasteau Cambresis, 1559, sans rien estre en disputte, les choses qui furent résolues par icelles ny vouloir profïiter dé celles advenues depuis au desavantage des uns et des autres; vray est que ledict Sieur de Villeroy a recogneu qu'ilz ont assez désir de retenir les villes de Callais et d' Ardres ; mais il leur a dict qu'ils auront plus tost conquis le reste de mon Royaume, ou que j'auray plus tost repris lesdictes villes qu'ilz ne m'auront faict consentir que lesdictes villes leur demeurent. Vous le direz ouvertement à Sa Saincteté , luy rendant compte de ce que dessus, et qu'il n'y a point de raison assez forte ny de puissance assez grande pour gaigner sur ce moy ce

point, afin qu'ilz ne s'y attendent point par delà. Et fault que je vous die que j'ay creu, depuis avoir ouy le rapport dudict Sieur de Villeroy, que c'est la récompense avecq laquelle ledict Cardinal Aldobrandin vous a dict que je debvois rechercher le recouvrement de mes places, dont vous luy coupperez broche du tout par delà, s'ilz vous en parlent plus avant» Vous déclarant que je choisiray bien plustost le parti de faire la guerre, le reste de ma vie, que d'achepter le repos à ce prix là. Ce que ledict Sieur de Villeroy a déclaré si ouvertement audict Richardot, qu'il a pris charge d'en advertir son cardinal et de nous y faire responce. Cependant je m'en vais assiéger Dourlens, encores qu'ilz l'ayent rempli de gens de guerre, que la saison soit fort avancée et que mon armée soit fort diminuée et que la leur n'en soit eslongnée que de sept ou huict lieues : car U fault qu'ilz me rendent le mien par une voye ou par l'autre, ou que nous nous battions pour une bonne fois. Vous aurez souvent de mes nouvelles par le chemin dressé par ledict Valerio, et auray plaisir aussi d'en recevoir des vostres. Je prie Dieu, mon cousin , qu'il etc. Escript au camp de Pas en Arthois le sixiesme jour d'octobre 1 597.

(Fonds Dupuy, N« «li. Ko i15 V*».)

GX

i597, 6 OCTOBRE. -- AU MÊME.

ON cousin , Depuis avoir escript mon autre lettre, mon cousin le Cardinal de Florence m'a envoyé un Bref de nostre Sainct Père, auquel j'ay estimé debvoir faire la responce que je vous envoyé avec le double d'icelle afin que vous voyez ce qu'elle contient. Vous la présenterez à Sa Saincteté Fasseurant suivant icelle de la continuation, voire augmentation de ma bonne volonté et resolution à la paix , à laquelle Sa Saincteté m'admoneste d'entendre ; me promettant aussi qu'elle me la donnera si juste et équitable que je conserveray ce qui m'appartient et qu'il n'y demeurera rien du mien, ainsi qu'il est porté par madicte lettre à Sa Saincteté, envers laquelle vous ferez pour ce regard les déclarations que TOUS jugerez nécessaires. Je prie Dieu, mon cousin etc. Escript au camp de Pas en Ârthois le sixiesme jour d'octobre 1 597.

(Fonds Dapuy, N» 212. F» 125 Ro.)

DE HENRY IV. è49

i597, 15 NOVEMBRE. — A NOZ TRES CHERS ET BIEN AMEZ LES NOBLES, BOURGEOIS, ESCHEVINS ET HA- BITANS DE NOSTRE VILLE DE RENNES.

HBBS et bien amez. Nous avons jusques à cest heure différé avec beaucoup de regret le voyage que Mous avons délibéré de, faire en nostre province de Bretaigne pour finir et terminer la guerre^ forceant avec Tayde de Dieu le duc de Mercoeur et noz ennemys qui l'assistent de se ranger à son debvoir, puisque que la raison ne luy a peu amener. Nous en avons maintenant bon loisir, après avoir estably bon ordre sur la frontière de Picardye ou il ne peult arriver affaires qui puissent divertir nostre desseingy et sommes à la veille de nostre partement qui ne tarde qu'en attendant une resolution certaine de ce que nous pouvons toucher comptant arrivant en nostre dicte province, et de ce que Ton nous continuera tant que nous y serons, afin de faire un fondement soUide et non deffectueux qui rende l'exécution de nostre desseing inutille. Nous nous sommes tousiours promis que les Estatz de nostre dicte province en gênerai et particulièrement que chacune de noz Villes contribueront à si bon oeuvre tout ce qu'ilz pourront de leurs moyens. Nous attendons ce bon debvoir de vous en particulier et que vous ne manquerez à nous assister

d'une notable somme de deniers, lorsque nous serons de delà. Dont nous voulons et vous mandons que vous nous donnez promptement advis et quelle elle sera ; ayant cependant donné charge à nostre cousin le Mareschal de Brissac' d'en prendre les assurances de vous, et sur ce vous rendre capables de nostre intention, auquel vous ne ferez faulte d'adjouster foy comme à nous mesmes. Car tel est nostre plaisir. Donné à Montceaux le quinz"*" jour de novembre mil v^ quatre vingtz dix sept.

Heicrt.

POTIKB.

GXII