JUILLET. — AU MÊME

ON cousin. Comme je voulois vous renvoyer Valerio avec mon autre lettre, j'ai receu la vostre du xi* de juin apportée par Marquemont ; et puis que vous n'estes pas d'advis que j'envoye par delà exprès pour de rechef saluer Nostre Saint Père sur l'occasion de la paix , j'en useray ainsy, car j'avois jà quasy pris ce conseil, comme vous verrez par mon autre lettre , mais il faudra que l'evesque de Rennes et Poictevin partent au plustost pour aller visiter ces autres princes, afin de ne laisser vieillir Tof-

fice que je veux qu ilz facent. Quant au discours que vous m'avez escript se faire par delà sur la conclusion de ladicte paix, et la remise qui a esté faicte au jugement de Sa Saincteté du marquisat de Saluces, j'espère que le temps fera changer de langage à ceux qui craignent que le delay qui a esté pris en cela ne me face perdre le fruict que je dois attendre de la justice de Sa Saincteté : car le droict que j'ay audict marquisat est sy clair et bien fondé que je ne puis doubter que le jugement qu'en donnera Sa Saincteté ne soit en ma faveur, de quoy il suffira de parler en temps et lieu. Cependant j'auray tousjours à plaisir que vous continuiez à m'advertir de ce qui s'en dira.

Je suis certain que Sa Saincteté a en l'âme la même volonté qu'Elle vous' a déclarée sur le faict du Grand Duc, qui est de conserver l'Italie en paix et plustost en pourchasser et affermir le repos qu'en favoriser le trouble : car elle faict congnoistre par toutes ses actions qu'Elle a pour but principal l'augmentation de la gloire de Dieu et de sqn Eglise ; et suis bien aise que vous vous soyez conduict , comme vous m'avez esoipt, quand vous lui avez parlé dudict Duc, lequel , s'il eust suivy mon advis^ n'eust pris l'alarme sy chaude qu'il a faict ; mais la pierre en estoit jettée quand il a receu ma despesche de laquelle je désire qu'il soit demeuré satisfaict, comme le mérite la franchise dont j'y ai procédé. Mais je ne sçay pour quoy il a retenu ladicte depesclje que je vous avois escripte par luy, puis qu'il ne me la renvoyé; et sera bon que ledict eyesque de Rennes le voyant s'en esclaircisse de vostre part, sans toutesfois monstrer que l'on en aytprisdef- (iance, non plus que je vous assure que je l'ay prise

de la volonté en mon endroict du cardinal Saine t Georges, quoy que je vous aye escript de luy sur ce subject, car Fadvis que je vous en ay donné a esté à Taveu de celuy dudict Duc : partant vous continuerez à l'assurer de ma bonne volonté et à luy monstrer que j'ay toute fiance en luy. Je n'ay rien à adjouster aussy à ce que je vous ay escript par mon autre lettre touchant la guerre contre le Turcq, en laquelle il semble que Sa Saincteté désire m'engager avec tous les Princes chrestiens, sinon que je ne puis assez louer le désir de Sa Saincteté en cest endroict, auquel vous la conforterez de ma part quand Elle vous en parlera, afin qu'Elle croye que les moyens d*y contribuer me manqueront tousjours plustost que la volonté et le courage de le faire ; car je vous assure que je m'embarqueray tousjours bien plus volontiers en une telle guerre pour le bien publicq de la Chrestienté que je ne ne me confieray aux promesses et belles paroles des Jésuites, car j*ay trop avant esprouvé leur dissimulation et malice et la mauvaise volonté qu ilz me portent ; aussy sont-ilz régis et gouvernez par personnes non seulement qui ne m'ayment point, mais aussy qui ont Tàme plus vindicative que religieuse. Partant destoumez doucement Sa Saincteté de Topinion qu'Elle monstre avoir de les favoriser en mon royaume , et vous me ferez service très agréable, comme vous ferez sy vous pouvez obtenir d'Induit de Metz, Toul et Verdun, dont vous m'avez renouvelle la mémoire par vostre dicte lettre ; partant ayez en soin ; et continuez à vous opposer à l'érection d'un evesché à Nancy, que l'on poursuit par delà, car c'est le moins que l'on pouvoit faire que de s'en adresser à moy et en rechercher

mon consentement devant que de l'entreprendre, puis que les eveschez qui y ont interestsont soubz ma protection.

J'ay délibère d'envoyer le S' de Botheru devers le Duc de Savoye pour prendre son serment sur l'observation de nostre traicté de paix. Je recommanderay par luy ladellivrance de Tadmiralle de Chastillon, que j'afiectionneray comme chose qui me touche, que j'ay ires à coeur et que j'estime aussy estre juste.

Je ne vous parle plus de la promotion des Cardinaulx, car vous sçavez quelle est ma volonté sur cela, de laquelle vous continuerez à avoir soin, quant l'occasion s'en présentera ; mais je commanderay à ceux de Joyeuse et de Givry qu'ilz s'en retournent au plus tost auprès du Pape, où je sçay que leur présence est et demeure peut estre plus utille à mon service qu'en ce royaume ; jusques à présent ilz se sont excusez de ce &ire sur la guerre et leurs affaires ; mais puis que Dieu nous a donné la paix, ilz y pourront mettre ordre plus facillement et promptement que devant ; partant je les feray solliciter de s'y achemyner, et ne cesseray qu'ilz ne soient partis; ne voulant pour la recommandation particulière que je vous ay faicte en faveur de l'evesque de Langres que vous changiez l'ordre que je vous ay prescript par mes précédentes depesches, touchant ^ceux que j'entendz estré recommandez et promeuz à ceste dignité ; et vous avez très bien faict d'avoir voulu estre esdaircy de mon intention sur cela, devant que d'effectuer le commandement que je vous ay faict par ladicte lettre particulliere et veuz que vous côntinuyez à en user ainsy à l'advenir en semblables occasions. J'attendz le M* de Camp Grillon pour vuider ses

prétentions acquises du temps du feu Roy , sur l'archevesché d'Arles , pour favoriser l'expédition de ce bénéfice au nom de Tevesque d*Atry, suivant là re^ commandation de mon cousin le cardinal Aquaviva , lequel je désire gratifier et contenter tant qu'il me sera possible. Ledict de Grillon doibt arriver icy devant peu de jours , et lors je termineray ce faict dont je vous donneray advis.

Je feray tenir à Rome les douze cens escuz qu'il fault payer pour retirer les tapisseries dont vous m'avez escript par vos dernières, ainsy que je vous man* deray par le prochain ordinaire : car je ne les veux pas laisser perdre , puis qu'elles valent mieux que cela et qu'elles ont esté faictes de sy bonne main.

Je m'esclairciray aussi avec ceux de mon conseil de ce que je pourray faire pour contenter le S" Horatio Rucellay, afin de retirer les bagues qu'il tient en gage; car je ne veux accepter l'offre qu'il m'a faicte, que je ne sois bien assuré d'y pouvoir satisfaire. Cependant vous luy direz que je luy sçay bon gré du debvoir auquel il se met pour ce regard ; auquel vous continuerez à l'entretenir.

Ceux de mes finances m'assurent que vous serez très bien payé de vostre estât de ceste année et qu'ilz feront acquicter.aussy ce qui vous est deub de Tannée passée, de sorte que vous aiïréz de quoy rembourser ce qui vous a esté preste et continuer à me servir, comme je désire que vous faciez. Je prie Dieu, mon cousin, qu'il vous ayt en sa garde. Escript à Sainct Germain en Laye le deuxiesme jour de juillet 1 598.

(Dupuy, no 212, f» 255 ro.)

DE HENRT IV. 570

i598, 8 D'AOUST. — AU MÊME.

oif coiisin , J'ay receu le m de ce mois voz lettres du dixiesme et unziesme de juillet.

Ayant fait response à celle du xj* de juin par Valerio, je vous ay encore escrit le vi* dudit mois de juillet par la voye de Lyon par laquelle je vous ay domié advis de la réduction de la ville de Calais; laquelle a esté suivie depuis de toutes les autres places qui me debvoient estre rendues en Picardye ; et croys que Blavet aUra aussy esté desmoli, car le marescbal de Brissac m*a escrit par sa dernière que les Espagnolz qui estoient dans la place avoient commencé à embarquer leur bagage et travailler à la dicte démolition. L' Archiduc Albert jura pareillement l'observation de nostre traicté du vingt cinquiesme du mois passé, ayant receu et traicté somptueusement le duc de Biron et les sieurs de Bellievre et de Sillery mes députez devers luy pour cet efTfct ; lesquelz de présent sont sur leur retour, ayant laissé ledict Archiduc prest à partir pour aller en son armée contre les Hollandaisi lesquelz font contenance de vouloir continuer la guerre plus constamment que jamais; dont en vérité je suis très marry, car je crains que ce reste de feu et de discorde en la Chrestienté consomme et . estoufle les

beaux et generenx desseings de Nostre Sainct Père au bénéfice publicq d'icelle.^J'aj ^eliberé de renvoyer audict paîz le sieur de Buzenval pour mieux reco« gnoistre leurs intentions, sur la prière qui m'en a esté faicte de la part dudict Archiduc, et veoir quels moyens il y aura de composer des affaires dont je vous donneray advis, si ledict Archiduc s'esloigne du païs, comme on tient pour certain qu'il doibt faire dans le mois de septembre pour s'acheminer en Espagne, que cela rendra encores les choses plus difficiles. Toutefois l'on dit que le Roy d'Espagne veult qu'il face ce voiage et sa fille le désire aussy pour recevoir les mesmes honneurs et debvoirs que fit sa sœur du Duc de Savoy e quand il l'espousa* Cependant j'ay accordé le mariage de ma sœur avec le prince de Lorraine, dont le contract a esté passé depuis trois jours au grand contentement des parties avec intention de le parfaire dans ledict mois de septembre. Voilà comme de tous costez nous ne parlons plus que de nopces ; à quoy je trouve plus de douceur et de plaisir qu'à faire des sièges et à nous entrebattre comme nous faisions devant la paix, de laquelle je commence à recueillir et gouster plusieurs et divers firuictz, qui ne peuvent estre compris que par ceux qui voient aussi clair en mes affaires que je fais. Vous asseurant que je ne me repentiray point d'avoir faîct ce plaisir audict Roy d'Espagne de la luy avoir donnée aux conditions qu'elle a esté faicte. Je vous envoyé un double du traicté, afin que vous sachiez ce qui en est. Je fais compte aussy que le Duc de Savoye, et comme tous ceux qui se défient de la justice de leur cause ont accoustumé d'avoir recours à Tinduslrie et aux moieos

DE HEÎÏRY IV. Î8I

extraordinaires' pour la fortifier ; et je ne doubte point que ledict Duc et lei siens ne mettent tout en œuvre pour rendre leur potirsuîtte au faict du Marquisat plus recommandable , mais en vérité cela ne me peult estonner , mon droict estant si clair et bien fondé qu'il est; et j*espere le bien faire représenter et défendre par ceux que j*y employeray avec vous. A quoy je m'attendz que le redressement des affaires de mon Royaume ausquelles je ne perdz une seulle beure sera une pièce qui me sera inutille avec la probité et intégrité de Sa Saincteté de laquelle je ne me deffiray jamais , encores que le cardinal Âldobrandin ait ac* cepté (comme vous m'avez escrit) la protection des affaires dudict Duc de Savoye, j^çoit que je n'eusse pris pensé que Sa Saincteté luy aist permis de ce faire, ayant jusques à présent faict démonstration de n'approuver que les siens s'engagent au service particulier d'aucun Prince ; et auray ce plaisir de sçavoir la vérité de ce fet et comme il a esté aprouvé par Sa Saincteté, comme j'auray que vous continuez à m'advertir de tout ce que vous aprendrez que fera ledit Duc de Savoye et de ce qui se dira en ceste Court là touchant ledit Marquisat ainsy que vous avez com* mancé, et sy ledit Duc va à Ferrare, vous Tirez saluer et visiter de ma part et luy ferez les complimens accoustumez en pareilz cas, conservant toujours la dignité qui m'est deubt ; et sur cela je vous diray que vous avez très bien faict de n'avoir comparu au festin que l'ambassadeur du Roy d'Espagne a fait le jour de Sainct Pierre, pour les raisons que vous m'avez escrites comme de n'avoir visité le duc de Sesse ni sa femme puis que contre la forme et coustume observée de

tout temps en semblable cas il a refuzë. de vous visiter le premier*

J'ay eu a plaisir d'eatendre les offres et déclarations que vous a faict le duc de Parme de son affection envers moy , et veux que vous luy faciez sçavoir et cognoistre combien je l'estime et désire luy tesmoigner ma bonne volonté. J'approuve aussy la response que vous avez faicte touchant aux chasteaux assis audict Marquisat qu'il prétend luy appartenir, car il touchera à moy et non à Sa Saincteté de luy faire raison, quand elle m'aura esté faicte dudit Bfarquisat.

J'ay commandé au seneschal de Lyon que j'ay envoyé devers ledit Duc de Savoye pour recevoir son serment sur l'observation du traicté de ladicte paix, luy parler des affaires de l'amiralle de Chastillon et vous advertiray de sa response et de ma volonté afin que vous en pariiez de rechef audit Duc s'il va par delà et cognois qu'il soit nécessaire.

Au reste je me sens très obligé à Sa Saincteté de son affection envers moy laquelle elle a voulu encores vous tesmoigner par les propos que vous m'avez représentez par la dernière de vos dictes lettres et veux que Sa Saincteté croye que ce seroit bien le comble de mon contentement que de pouvoir baizer les pieds de Sa Saincteté et luy offrir de ma bouche l'asseurance que je luy ay donnée par mes lettres et mes ambassadeurs de mon observation et service; toutesfois, comme ce sont dioses plus difficiles à exécuter qu'à proposer et désirer, pour infinies raisons qui vous sont assez notoires, j'estime que Sa Saincteté en a faict ouverture plustost par compliments que pour s'attendre que Teffect s'en ensuive ; partant je

ne vous feray autre commaDdeodent sur cela que de représenter à Sa Saîncteté en termes généraux ma gratitude sans m'engager d'avantage en ce faict, comme je voudrois que vous puissiez destoumer Sa Sainteté de faire Mons' le Légat à la poursuitte des deux poinctz desquelz vous m'avez escrit par vostre lettre, qu'elle voifô a dit qu elle desireroit que je fisse devant son partement ; car il est certain que l'accomplissement en seroit trop plus dificile qu'il ne s'ima* gine pas delà ; partant vous avez très bien faict d'avoir doucement paré coup comme je collige de vostre lettre que vous avez foict et me ferez service très agréable de continuer à me donner avis soigneuseipent de ce que vous en dira cy après Sa Saincteté, laquelle doibt ce me semble ouir ledit S' Légat sur les affaires de ce Royaume et mes intentions devant que d'entreprendre chose qui concerne le gênerai d'icelluy afin de s'y conduire par son bon advis , car il s'en retournera si bien instruit que Sa Saincteté en sera comme moy grandement soulagée et bien ediflfiée; mais vous la pourrez asseurer que je n'ay pas seullement pensé d'envoyer en Allemagne le duc de Bouillon, tant s'en fault que j'aye arresté de ce faire comme Ton a escrit, et quand j'aurois pris ce conseil vous luy avez dit la cause qui m'avoit meu de ce faire ; à ce propos vous prierez Sa Saincteté de prendre garde que si parla paix qu'elle a faicte elle a rendu mes amis ceux qui estoit mes ennemys, Elle n'a toutesfois purgé sa court de ceux qui envient la faveur que je reçois de sa bienveillance, le^uelz usent de toutes sortes d'artiffîces pour m'en priver, mats- j'espère tant de sa bonté et prudence et de la sincérité de mes intentions

et actions que les ruses de telles gens me nuiront aussi aussi peu envers Sa Saincteté qu'ont faict les armes en temps de guerre, par la grâce de Dieu.

Quant à Toffice que Sa Saincteté désire que je fasse envers ceux de la ville de Genève pour recevoir et donner lieu en icelle à l'exercice de la religion catholique, luy faisant ma responce vous commencerez par luy louer sa bonne et saiucte intention à laquelle vous luy direz que je seray très aise de pouvoir donner avancement , mais que j'estime le chose plus dificile qu'elle ne luy a peu estre représentée , ou que l'ardeur de son bon zèle à la propagation de l'honneur de Dieu ne luy permet de discerner, d'autant que ceux de ladicte ville aprehandent la diversité de religion autant et plus pour raison d'Estat que pour le respect de la religion ; de sorte que c'est une matière très chatouiI« leusC; mesmement tant qu'ilz auront pour voysin le reste des armées du duc de Savoye, conmie ilz ont, et pour surveillant ses prétentions. Toutesfois vousdirez a Sa Saincteté que j'escriray à mon ambassadeur résident en Suisse qu'il s'informe du moien qu'il y aura de contenter Sa Saincteté en ce faict, pour m'en ad« vertir et y contribuer ce qui sera en ma puissance, comme je feray tousjours très volontiers en toutes occasions qui luy pourront donner plaine satisfaction de moy. A tant je prie Dieu, mon cousin, qu'il etc. Escript à Sully le 8 jour d'aoust mil cinq cens quatre vingtz dix huict.

(Dupuy, 8i5l,n"28i,ro.)

DE HENRY IV. i85