Le cardinal Gaétan

aulcun advis de sa part, comme il a toujours esté observé en semblables délégations à l'endroict des Roys noz prédécesseurs. Toutesfois ne voulant pendant ceste incertitude de la cause de sa venue obmettre aulcune chose qui puisse depandre de nous, soit pour ne laisser nostre intention en doubte touchant ceux qui viennent de ladicte part ou pour précaution des entreprises qui pourroient estre faictes par inadvertance ou aultrement au prérogatives de ce roiaulme et des libertez de l'Eglise Gallicane, Nous, pour ces causes et aultres à ce nous mouvans, avons déclairé et déclairons par ces présentes que, sy ledict Cardinal a charge de venir vers nous, il y sera receu avec le mesme honneur que du temps desdictz Roys noz prédécesseurs a esté rendu à ceux de pareille qualité et tiltre que les Papes ont déléguez vers eulx ; voulons et ordonnons audict cas à noz lieutenans generaulx, gouverneurs de noz provinces et à tous aultres ayant commandement de par Nous, tant en icelle que particulièrement en noz villes que en leur faisans apparoir de noz passeportz signez de Nous ou de l'un de noz secrétaires d'Estat et scellez de nostre grand Scel, lesquelz nous envoirons audict Cardinal aussy tost que Nous en serons requis de sa part, ils aient l'accompagner et conduire de lieu à aultre avec son train, suitte, famille et équipage, luy donnant si bonne et forte escorte qu'il se puisse rendre seurement devant Nous ou Nous entendons qu'il ait libre accès et recès, sans que luy puisse en cela estre donné aucun empeschement; et se comportans selon les constitutions concernant la dignité et prerogatifve de ceste nostre Couronne ; et neantmoings d'aultant qu'il a de tout temps

esté observé en ce roiaulme que nulle charge ou function ne peult estre exercée par les ministres et déléguez des Papes sans estre présentez au Roy régnant, et que après luy avoir monstré leurs pouvoirs et facultez, ilz ne soient veriffiez en sa Court de Parlement où ilz les envoyent avec leurs Lettres Patentes pour recongnoistre s'il y a rien desrogeant aux droictz et libertez du Roiaulme; Nous ne voulons souffrir que durant nostre règne il y soit préjudicié en aulcune chose, avons de nostre plaine puissance et authorité roial inhibé et deffendu, inhibons et deffendons audict Cardinal et à tous aultres qu'il appartiendra d'entreprendre aulcune charge, function ou office en ce dict roiaulme soubz quelque tiltre et prétexte, ou pour quelque occasion que ce soit, que préalablement les susdictes formes et solempnitez n'y aient esté gardées et observées, sur peine de nullité de tout ce qui seroit faict au contraire, dont dès à présent comme pour lors nous avons protesté et protestons comme d'atemptat et de nous pourveoir contre luy par toutes les voies et manières que voirons estre à faire par raison ; deffendant aussy très expressément à tous noz subjectz, tant eclesiasticques que aultres, de quelque qualité et dignité qu'ilz soient qu'ilz n'ayent a recevoir aulcun mandement ou aultre acte ny obeyr et avoir esgard à aulcune chose procédant de luy en vertu de quelques pouvoirs que ce soient, jusques à ce que leur soit apparu de nostre consentement, approbation, hauctorisation en la manière susdicte, sur peine aux contrevenans d'estre tenuz pour criminelz de Leze Majesté comme nous les declairons des à présent, attendu la quallité et importance de l'affaire, voulant qu'il soit

proceddé contre iceulx par les voies et peines ordonnez en semblables crimes; et affin que la scéance qui a esté par le passé dans nostre ville de Paris et aultres qui nous sont à présent rebelles ne puisse servir d'excuse à aulcune en ce qui pouroit estre expédié pour le regard de ce dit est, en aulcunes d'icelles, combien que l'introduction cy devant faicte par le feu Roy dernier deceddé, nostre très honoré seigneur et frère, d'y exercer aulcune jurisdiction, et l'establissement de nosdictes Cours faict en aulcunes villes où nostre authorité est recongneue, leur oste toute cause de recours en cest endroict, Nous avons d'abondant voulu déclarer, comme nous declairons par ces présentes que nulle veriffications ou aultres expéditions qui seroient faictes sur lesditz pouvoirs chacune desdictes villes à nous rebelles ny ailleurs aultrement, que en vertu de noz Lettres Patentes attachez sur iceux, ne doibt estre tenue pour bonne et vallable et ne pourra servir pour descharger ou excuser du crime susdict ceux qui y seront encoui uz. Sy donnons en mandement à noz amez et féaux les gens tenans noz Cours de Parlementz, baillifs, senechaulx ou leurs lieutenans et à tous noz aultres justiciers et officiers qu'il appartiendra que ces présentes ilz facent lire, publier et enregistrer, et le contenu d'icelles, garder, observer et entretenir inviolablement, sans y contrevenir ny souffrir estre contrevenu en aulcune manière ; enjoignant à nostre procureur gênerai en chacune desdictes Cours d'envoier incontinent après la publication qui sera faicte desdites Lettres Patentes, coppies d'icelles deuement collationnées en tous les sièges subalternes qui deppendent pour y en estre faicte semblable publica-

tion, ainsy qu'il est cy dessus mandé à tous noz officiers à qui se peult toucher, chacun en bon endroict, car tel est nostre bon plaisir. En tesmoing de quoy nous avons signé ces présentes de nostre main et à icelles faict mestre notre scel. Donné au camp de devant Falaize le ve jour de janvier 1 590 et de nostre règne le premier.

Signé : Henry.

Revol.

(Fonds Dupuy, 317, P 130, r°.)

1590, 20 MARS.— A MES CHERS ET RIEN AMEZ LES ESCHE VINS ET HARITANTS DE NOSTRE VILLE DE CAEN.

hers et bien amez, Ayant nos ennemys en lasseurance de venir en bataille rangée contre nous le xime de ce moys, il a pieu a Dieu par sa grâce faire paroistre comme il tient tousjours la protection de ceulx qui combatent pour une juste cause comme est celle pour laquelle nous avons les armes en mains, Nous ayant donné une si grande victoire sur nos ennemys que, selon les hommes , ilz sont perdus car la pluspart de leur cavallerye qui estoit composée de iiiics chevaulx a esté deffaicte et toute leur infanterye qui estoit denviron xiiic hommes a esté mise en pièces ou rendue a nostre mercy, dequoy nous vous avons bien voullu advertir afin que

de vostre part vous rendiez grâces a Dieu dun si heureux succez comme tous noz bons subjectz ont bien occasion de faire , esperans que le fruict de ceste victoire sera telle questant noz ennemys ruynez la restauration de lestât s'ensuivra et le repos de tous noz bons subjectz qui est la chose du monde que nous desirons le plus et de les veoir aultant soullaigez que la misère des troubles les ont jusques a présent apporté doppression et de foulle : continuez neangmoins de veiller a vostre conservation assistant de tout vostre pouvoir ceulx qui commandent par delà pour nostre service a faire la guerre a noz ennemys en espérant qu'en ce faisant et tous noz autres bons subiectz, •Nous verrons bientost la fin de noz misères. Donné au camp de Vernon le xxe jour de mars \ 590.

Henry.

Potier.

(* Archives municipales de Caen; original.)

1590, 23 MARS. — A MONSr DE SILLERY, CONSEILLER EN MON CONSEIL D'ESTAT ET MON AMBASSADEUR EN SUYSSE.

onst de Sillery, Le bon rapport qui m'a esté faict du tesmoignage que Vigier a rendu de sa fidellité et dévotion au service du feu Roy, Monsieur mon frère, par le devoir qu'il a faict en

la charge de son secrétaire et interprète aux Ligues, m'a donné occasion de le retenir en la mesme charge, pour mon service, comme je luy mande à présent de les continuer; espérant qu'il s'en acquittera aussy fidellement et dignement qu'il a faict par le passé. A ceste cause vous le ferez et laisserez jouyr dudict estât au mesme, appoinctement et tout ainsy qu'il a faict par le passé. Et n'estant la présente à aultre effect, je prie, Monsr de Sillery. qu'il vous ait en sa saincte garde. Escrit au camp de Mante le xxiue jour de mars 1 590.

Revol.

(Port. Godefroy, 262, pièce 9e.)