MAY. — A MAD. DE GUERCHEVILLE

près avoyr tant tourné autour du pot que vous voudrés, sy faut yl venyr à ce poynt qu'Antoynete confesse avoyr de l'amour pour Henry. Ma mettresse, mon cors commance à avoyr de la santé, mays mon âme ne peut sortyr d'aflyxyon que n'ayés franchy ce saut ; puys qu'avés asseurance de mes paroles, quelle dyffyculté combat vostre resolution , quy l'ampeche de me rendre heureus; ma fidelyté meryte que vous otyés tous obstacles; fêtes le donc, mon coeur, et fesons comme par guajure à quy randra plus de temoygnage d'une vraye et fidelle amour. Sy

j'use de ternies trop famy lier avec vous et qu'yls vous ofansent, mandés lemoy et me le pardonés en mesmes tamps, desyrant etablyr avec vous une famylyaryté éternelle, je me sers des termes que j'y estyme les plus propres. Je ne say quant je seray sy heureus de vous voyr. Nous asyegeons S Denys anuyt quy m'atachera pour quelque temps plus etroytemant à l'armée. Vous usyez fayt une euvre plus pye d'anvoyer icy vostre amour an pèlerinage que d'aller par ce chaud à piet ou vous avés esté. Jésus! que je l'eusse bien receue. Sy le loysyr me le permetoyt, je vous feroys un dyscours d'une feuylle de papier du tretemant que je luy eusse fayt. Le duc du Meyne est à Bruselles et ses reytres ce sont retyrés, et tyent on au pays plus qu'autremant qu'yl ne ramènera personne. Le prince de Conty a pryns la Ferté Benart et vyent avec ces troupes, Mon tout,aymés moy, comme celuy quy vous adorera jusques au tombeau. Sur ceste veryté je bese un mylyon de foys vos blanches mayns. Ce xxvn^may1.

(Fonds Dupuy, 569, f° 34, r°.)

1. La lettre porte en guise d'adresse des chiffres indéchiffrables.

Le cachet en cire rouge paroît représenter une étoile. On regardoit alors comme plus galant en écrivant aux femmes, a observé M. Berger de Xivrey, de signer avec des petits traits de plume agencés de différentes manières. Cette lettre est ainsi signée avec des petits traits que la typographie ne sauroit rendre.

1590, 1 AOUST. — A NOS AMEZ ET FEAULX LES GENS TENANS NOSTRE COURT DE PARLEMENT DE TOURS.

a justice bien et deuement administrée faict régner heureusement les Roys et contenir leurs subjelclz en l'obéissance qu'ilz lui doibvent, les faisant vivre en bonne union, concorde et amitié , aussi esse la principalle colonne sur laquelle nous vouions appuyer les fondemens de nostre Estât, que nous penserions ne pouvoir subsister aultrement, n'ayant rien en si grande recommandation après l'honneur de Dieu que la faire distribuer esgallement et en toutes saisons a noz subjectz, comme nous y sommes tenuz et obligez ; et par ce que durant le temps des vacations qui aproche maintenant auquel vous avez accoustumé vous retirer en voz maisons aux champs pour vacquer a voz affaires particullieres, et donner quelque relasche a la peine que vous avez eue tout du long de l'année, il se pourra présenter plusieurs affaires dont le retardement importeroyt non seullement a aucuns de noz subjectz en particullier, mais aussi generallement a tout nostre Royaulme en ceste saison que le mal qui l'a affligé un si longtemps continuant encores, il est nécessaire que chacun y mette la main pour y apporter la garison

qu'il semble que Dieu par sa grâce et bonté veul, bien lost envoyer, pour ne rien oublier de nostre costé que nous pensions y pouvoir apporter quelque advancement, nous vous mandons, commandons et expressément enjoignons par ces présentes signées de nostre propre main que vous ayez a continuer le Parlement sans aucune intervention jusques a la feste sainct Martin prochain ; faisant les despeches et expéditions nécessaires a nosdictz subjectz, poursuivans leurs procez et affaires par devant vous, tout ainsi et en la mesme forme et manière que vous avez accoustumé faire, sans que aucun d'entre vous puisse soubz prétexte dudict temps des vacations ny soubz aultre coulleur ou par quelque occasion que ce soyt desemparer la compagnie , et discontinuer l'exercice et administration de la justice que nous voulions estre rendue sans intermission a nosdictz subjectz ; car tel est nostre plaisir. Donné au camp de sainct Denis en France le premier jour d'aoust, Fan de grâce mil cinq cens quatre vingtz dix , et de nostre règne le premier. ,

Henry.

Ruzé.

(Fonds Dupuy, 215.)

1590, 30 SEPTEMBRE. — AMES TRÈS CHERS ET GRANS AMYS , ALLIEZ ET CONFEDEREZ , LES AVOYERS , AMANS, CONSEIL DE COMMUNAULTÉ DE LA VILLE ET CANTON DE....

res chers et grands amys alliez et confederez, Il n'est besoing vous représenter l'interest que tous les Estatz voisins ou aultrement amys de la ville de Genève ont non seulement à la conservation d'icelle , mais aussy d'empescher cest accroissement et tout aultre à celluy qui tasche de la subjuguer, estans choses que nous sçavons vous estre très bien cogneus, et dont vous jugez très prudemment la conséquence au moyen de quoy nous croyons que comme à un mal commun vous y desirez le remède et y apporterez volontiers toute bonne assistance; c'est pourquoy nous avons donné charge à nostre amé et féal conseiller d'Etat et ambassadeur par de là, le Sr de Sillery, vous advertyr du nombre des gens de guerre que nous envoyons à présent pour le secours de la dicte ville, soubz la conduicte de nostre aussy amé et féal conseiller d'Estat et l'un de voz Mareschaulz de Camp, le Sr de Guitry, et que nous pourrons augmenter selon le besoing , et de traicter avec vous de tout ce qui peult appartenir à cest affaire ; espérant que vous y contribuer ez volontiers de voz

moyens pour le conduire à bonne fin et en ferez entendre vostre resolution à nostre dict ambassadeur, à ce que selon les forces et commoditez dont ledict secours sera composé , celluy qui en a la conduicte puisse compasser ses desseings et progrez, ou de sa part nous sommes asseurez qu'il ne manquera de prudence à employer bien à propos les moyens qu'il aura, non plus que de valleur et d'affection d'y rendre son service utile et louable, vous priant croire nostre dict ambassadeur de ce qu'il vous dira sur ce, comme nousmesmes, priant Dieu, très chers et grands amys, alliez et confederez qu'il vous ayten sa saincte garde. Escrip au camp de Clermont le derrenier jour de septembre 1590.

Henry.

Revol .

(Port. Godefroy, 262, pièce \\\)

XXVIT

4 591, 16 FÉVRIER. — A MES TRES CHERS ET GRANDZ AMYS, ALLYEZ ET CONFEDEREZ LES BOURGMAISTRES, AVOYERS, CONSEILS ET COMMUNAUTEZ DES TREIZE CANTONS DES LIGUES DE SUISSE.

îjl^ res chers et grands amys, allyez et confederez me il n'y a rien que nous ayons

plus à souhaiter en ce monde que de veoir ce royaume paisible et nostre règne en icelluy ac-

compaigné d'ung asseuré oz subjectz ; et que à

ceste occasion nul ne doibtdoubter que c'est nostre plus commun vœu et la prière plus ordinaire que nous faisons à Dieu, aussi nous ne recevoir tesmoignage

plus certain de vostre bonne volonté en nostre endroict que de convenir avec nous, comme vous faictes en ce

mesmes désir et intention, ainsi que pi très et

depesches de nostre amé et féal conseiller ambassadeur, le sieur de Sillery nous en avons eu particulière congnoissance, mesmes par l'offre que vous luy avez

faictes y emploier, dont nous avons bien voulu

vous remercier comme nous faisons très affectueusement par la présente, et d'autant que nous avons estimé dig e commune amitié et bonne intelligence et de ceste vostre bonne inclination de vous rendre informez de plusieurs clioses concernais ledit affaire, qui vous donner de lumière aux resolutions que vous aurez à prendre, pour ce regard nous en escrivons les particularitez à nostre dit ambassadeur, avec charge de les vous faire En quoy

et en tout ce qu'il aura à vous dire sur ce de nostre part nous vous prions luy adjouster foy comme à nous

mesmes, priant Dieu, pour fin de la présente s ait,

très chers et grandz amys, allyez et confederez, en sa très saincte et digne garde. Escript au camp devant Chartres le 16e jour de février 15...

Hen...

Revol.

(Fonds Dupuy, 569, f° 50^°.}

1591, 23 MARS. — A NOZ CHERS ET BIEN AMEZ LES ESCHEVINS ET HAB1TANS DE NOSTRE VILLE DE RENNES.

h ers et bien amez, Nous avons faict veoir en nostre Conseil la requestre de Claude de Varennes sur des capitaines cinquanteniers de nostre Ville de Rennes, afin d'avoir lettresde grâce pour la mort advenue de Guillaume Moulnier, laquelle aiant esté trouvée de justice et raisonnable, Nous luy avons faict depescher noz lettres de grâce, vous assurans que non seulement en ceste occasion mais en toute autre qui s'offrira, Nous serons tousiours bien aise de vous faire paraistre, soit en gênerai, ou en particulier la volionté que nous avons de vous gratifier, en considération de votre fidélité et affection et bon devoir que vous faictes pour nostre service. A quoy Nous nous assurons que continuerez toujours comme Nous vous exortons de faire. Donné au Camp devant Chartres le vingt troisiesme jour de Mars mil cinq cens quatre vingtz unz.

Henry.

Potier.

1591, 1er JUIN. — AUX MEMES.

hers et bien amez, Le désir que Nous avons de vous voir délivrez de l'oppression de noz ennemys, ensemble tous noz autres bons subiectz de nostre pays de Bretaigne, Nous faict envoyer par delà le Sieur de la Noue, pour assiste» nostre Cousin le Prince de Bombes à cbasser les Espaignolz hors du pays et vous mettre en repoz, ne l'ayant voullu retarder davantaige ors que sa presance nous seroit fort utile près de Nous, tant nous desirons de veoir prospérer noz affaires en Bretaigne, faites donc de vostre part ce qui deppend du debvoir de bons subiectz, assistant de tout vostre pouvoir nostre dit Cousin en ce qu'il en aura besoing, pour nostre service, affin que tant plus tost ladicte province soit nettoyée de noz Ennemys, et que vous puissiez jouir de l'oneur du supple (repos) que nous souhaitons parmy tous noz bons subiects et lequel nous espérons que Dieu nous fera la grâce avecq le temps d'y establir. Donné au Camp de Monfort le premier jour de juing mil vc un" unze.

Henry.

Potier.

* (Archives municipales de Rennes, Registre 232 ; f° 22 et 23.)