OCTOBRE. — AU MÊME

% on cousin , Depuis avoir escript mon autre » lettre, mon cousin le Cardinal de Florence |l|f m'a envoyé un Bref de nostre Sainct Pere, auquel j'ay estimé debvoir faire la responce que je vous envoyé avec le double d'icelle afin que vous voyez ce qu'elle contient. Vous la présenterez à Sa Saincteté l'asseurant suivant icelle dë la continuation, voire augmentation de ma bonne volonté et resolution à la paix , à laquelle Sa Saincteté m'admoneste d'entendre ; me promettant aussi qu'elle me la donnera si juste et équitable que je conserveray ce qui m'appartient et qu'il n'y demeurera rien du mien, ainsi qu'il est porté par madicte lettre à Sa Saincteté, envers laquelle vous ferez pour ce regard les déclarations que vous jugerez nécessaires. Je prie Dieu, mon cousin etc. Escript au camp de Pas en Arthois le sixiesme jour d'octobre 1 597.

(Fonds Dupuy, N° 212. F° 125 R°.)

1597 , 15 NOVEMBRE. — A NOZ TRES CHERS ET BIEN AMEZ LES NOBLES, BOURGEOIS , ESCHEVINS ET HA- BITANS DE NOSTRE VILLE DE RENNES.

hers et bien amez, Nous avons jusques à cest heure différé avec beaucoup de regret le voyage que Nous avons délibéré de faire en nostre province de Bretaigne pour finir et terminer la guerre, forceant avec l'ayde de Dieu le duc de Mercoeur et noz ennemys qui l'assistent de se ranger à son debvoir, puisque que la raison ne luy a peu amener. Nous en avons maintenant bon loisir, après avoir estably bon ordre sur la frontière de Picardye ou il ne peult arriver affaires qui puissent divertir nostre desseing, et sommes à la veille de nostre partement qui ne tarde qu'en attendant une resolution certaine de ce que nous pouvons toucher comptant arrivant en nostre dicte province, et de ce que l'on nous continuera tant que nous y serons, afin de faire un fondement sollide et non deffectueux qui rende l'exécution de nostre desseing inutille. Nous nous sommes tousiours promis que les Estatz de nostre dicte province en gênerai et particulièrement que chacune de noz Villes contribueront à si bon oeuvre tout ce qu'ilz pourront de leurs moyens. Nous attendons ce bon debvoir de vous en particulier et que vous ne manquerez à nous assister

d'une notable somme de deniers, lorsque nous serons de delà. Dont nous voulons et vous mandons que \ous nous donnez promptement advis et quelle elle sera ; ayant cependant donné charge à nostre cousin le Mareschal de Brissac1 d'en prendre les assurances de vous, et sur ce vous rendre capables de nostre intention, auquel vous ne ferez faulte d'adjouster foy comme à nous mesmes. Car tel est nostre plaisir. Donné à Montceaux le quinzme jour de novembre mil vc quatre vingtz dix sept.