SEPTEMBRE. — A MONSIEUR LE PRESYDANT DE THOU

owsieur le Presydant, Sur ce que j'ay entendu que le procès fet pour rayson de l'asasynat commys en la personne de défunt Sr de Launay, l'un de mes gentyshommes servans est en estât de juger, je vous ay bien voullu fere ce mot pour vous dire que je veux et vous commande de tenyr la mayn à ce que bonne et bryefve justyce en soyt fete, veu mesmement qu'il y a plus de quatre ans que la mere dudyt défunt est à la poursuyte dudyt assasynat et que les cervyces dudyt défunt veulent que je le vous recommande. Et sur Dyeu vous ayt, Mr le Presydant, an sa saynte garde. Ce xnime setambre. Fontainebleau.

(Fonds Dupuy (copie), 801, f° 180 r°. Le sieur de Launay, dont il est ici question, nous semble être Vincent Launay-la-Chenay-Vaulouet, capitaine de Fougères, mort en 1592 ou 1593, dont parle de Thou (l. cm.).

1599, 21 FÉVRIER. — A NOS CHERS ET BIEN AMEZ LES CONSULS DE NOSTRE VILLE DE MON TFERR AND .

iiers et bien améz, Sur ladvis que nous avons eu du decedz du feu Sr marquis de Canillac nous avons estimé pouvoir reparer la perte que nous avons faicte d'vn si vtile serviteur au bien de noz afferes et à toute la province de nostre bas pays dauvergne commettant la charge du gouvernement qu'il y avoit au Sr de Roquelaure, ja estably en pareille en nostre hault pays dauvergne. La proximité duquel semble requérir une vnyon et jonction des d. charges plustost que de les commettre à diverses per sonnes. Mais à cela nous a principalement excité la grande confiance que nous avons aud. Sr de Roquelaure et le soin et affection particuliers quil a de la manutention et conservation de noz subjectz de toute l'Auvergne, desquelz aussi desirons quil soit recongneu et que les honneurs, debvoirs et respectz qui luy sont pour ce deubz luy soient defferez ainsi quil appartient. A quoy particulièrement nous vous mandons et ordonnons de satisfere et obeyr et entendre aud. Sr de Roquelaure es choses touchans et concernans lad. charge soubz nostre neveu le comte d'Auvergne et en son absence et la nostre , ainsi que vous

DE HENRY IV. 287 feriez à nous mesmes. Et à ce ne faictes faulte, car tel est nostre plaisir. Donné à Paris le 21e jour de feburier 1 599.

Henry .

Potier.

( * Original, bibliothèque de Clermont.)

4 599, 20 MARS. — A NOZ CHERS ET BIEN AMEZ LES ESCHEVINS, BOURGEOIS ET HABIT ANS DE NOSTRE VILLE DE RENNES.

hers et bien amez, pour la grande confusion qui est survenue par le moyen des changemens, remuemens et transportz faicts durant ces derniers troubles des pièces de nostre artillerie , pouldres, boulletz et autres munitions, Nous avons advisé, pour restablir l'ordre qui y doibts estre et sçavoir au vray le nombre desdictes pièces et munitions de guerre que nous avons en nostre royaume, de faire inventoire gênerai. Cela est cause que j'envoye au sieur de Mesneuf, Lieutenant du sieur d'Estrées, Grand maistre d'icelle au gouvernement de Bretaigne, ma commission pour s'acheminer par les villes et forteresses dudict gouvernement, le contenu de laquelle je désire estre exécuté l'ayant bien voullu accompagner de ces présentes par lesquelles Nous vous man-

dons et enjoignons de faire faire ouverture des magazins et autres lieux de nostre ville de Rennes où se retrouveront lesdictes pièces et munitions pour en faire inventoire comme est porté par nostre dicte commission. Si ne faictes faulte, car tel est nostre plaisir. Donné à Paris le vingtiesme jour de Mars mil vc inj xx dix neuf.

Henry.

Potier.

(*Arch. municip. de Rennes.)

GXXX